1 ÏOANNIS 1:3 - Khasi CL Bible (BSI)

³ Ïa kaei kaba ngi la ïohi bad la ïohsngew ngi pynbna ha phi ruh, khnang ba phin ïasnoh bad ngi ha ka jingïasyllok kaba ngi don bad U Kpa lem bad U Jisu Khrist U Khun jong u.

KA BAIBL

³ ïa kata kaba ngi la ïohi bad ngi la ïohsngew, ngi ïathuh shai ha phi, ba ma phi ruh, phin ïoh ka jingïasyllok lem bad ngi: bad kata ka jingïasyllok de ka jong ngi ka long lem bad U Kpa bad U Khun jong u ruh U Jisu Khrist.

1 ÏOANNIS 1:3 ပူးပေါင်းရင်းမြစ်များ

Ka Kitab U Job 13:1

Baroh kiba me ong, nga la ïohsngew mynshuwa. Nga sngewthuh ïa kata baroh; nga tip lut kat kaba me, me tip. Ngam long uba hapoh jong me.

SALM 2:7

“Ngan pynbna,” ong u syiem, “ïa kaei kaba U Trai u la pynbna. U ong ha nga: ‘Me long u khun jong nga; ha kane ka sngi nga la long u kpa jong me.

SALM 22:22

Ngan ïathuh ïa ki briew jong nga ïa kaei ba me la leh; ngan ïaroh ïa me ha ki jingïaseng lang jong ki.

ISAÏAH 66:19

“Hynrei ngan pynsah katto katne na ki bad phah ïa ki sha ki jaitbynriew bad sha ki ri kiba jngai ki bym pat shym la ïohsngew ïa ka nam jong nga lymne ïohi ïa ka jingkhraw bad ka bor jong nga: sha Spain, sha Libya bad sha Lydia, ryngkat bad ki nongrah ryntieh kiba tbit, bad sha Tubal bad sha Gris. Hapdeng kine ki jaitbynriew kin pynbna ïa ka jingkhrawbor jong nga.

JINGKHEIÑ 10:32

Lada phi wan ryngkat bad ngi, ngin ïabynta lem bad phi ïa baroh ki jingkyrkhu ba U Trai u ai ha ngi.”

ÏOANNIS 17:11

Bad mynta nga wan noh sha me; ngam don shuh ha kane ka pyrthei, hynrei ma ki, ki don ha ka pyrthei. Ko Pa Bakhuid! To ri kyndong ïa ki da ka bor ka kyrteng jong me, ka kyrteng kaba me la ai ha nga, ba kin ïoh long kawei kumba ma me bad nga ngi ïalong kawei.

ÏOANNIS 17:21

Nga duwai ba ki baroh kin ïalong kawei. Ko Pa! To ai ba kin ïalong ha ngi, kumba me long ha nga bad ma nga ha me. To ai ba kin ïalong kawei, khnang ba ka pyrthei kan ngeit ba me la phah ïa nga.

ÏOANNIS 17:25

Ko Pa Bahok! Ka pyrthei kam ithuh ïa me, hynrei nga ithuh ïa me, bad kine ki tip ba me la phah ïa nga.

ÏOANNIS 17:3

Bad ka jingim bymjukut ka mut ban ithuh ïa me, U Blei bashisha tang ma u hi, bad kaba ithuh ïa U Jisu Khrist, ïa uba me la phah.

ÏOANNIS 19:35

(Uta uba la ïohi ïa kane ba ka jia u la kren shaphang jong ka, khnang ba ma phi ruh phin ïoh ngeit. Kaei kaba u la ong ka long kaba shisha, bad u tip ba u kren ïa ka jingshisha.)

KI KAM 13:32

Bad ngi don hangne ban wallam ïa ka Khubor Babha sha phi: Ïa kaei kaba U Blei u la kular ïa ki kpa tymmen jong ngi ba un leh, u la pyndep mynta na ka bynta jong ngi, kiba long ki khun ki ksiew jong ki, da kaba pynmihpat ïa U Jisu. Kumba la thoh ha ka Salm kaba ar: “ ‘Me long U Khun jong nga; ha kane ka sngi nga la long U Kpa jong me.’ ”

KI KAM 13:41

“ ‘Ha khmih, phi kiba beiñ briew! To sngewlyngngoh bad to ïap! Naba kaei kaba nga leh mynta ka long kaei kaei kaba phin ym ngeit, wat haba uno uno u batai ïa ka ha phi!’ ”

KI KAM 2:42

Ki la pynlut ïa ka por jong ki ha kaba ïoh jinghikai na ki apostol, ha kaba ïashim bynta ha ka jingïasyllok, bad ha kaba ïa-ai lem ha ka jingïabam lang bad ha ki jingduwai.

KI KAM 20:27

Naba ngam shym la buhrieh na kaba pynbna ha phi ïa ka jingthmu baroh ka jong U Blei.

KI KAM 4:20

Naba ngim lah ban sangeh ban kren ïa kaei kaba ma ngi hi ngi la ïohi bad ïohsngew.”

Ka Shithi U Paul Sha Ki Nong Rom 15:27

Kata ka jingïakut ka la long ka jong ki hi; hynrei ha ka jingshisha, ki la don ïa ka jingsngew kit ram ban ïarap ïa ki. Namar ki Jiw ki la ïasam bynta lem ïa ki jingkyrkhu ba kynja mynsiem jong ki bad ki Jentil, ki Jentil ki dei ban pyndonkam ïa ki jingkyrkhu ba ki don ban ïarap ïa ki Jiw.

1 KORINTH 1:30

Hynrei U Blei u la wallam ïa phi ha U Khrist Jisu, bad U Blei u la pynlong ïa U Khrist ban long ka jingstad jong ngi. Da u, la pynïasuk ïa ngi bad U Blei; ngi long ki briew bakhuid jong U Blei bad la pyllaitluid ïa ngi.

1 KORINTH 1:9

U Blei u long uba dei ban shaniah, U Blei uba la khot ïa phi sha ka jingïasyllok bad U Jisu Khrist u khun jong u, uba U Trai jong ngi.

1 KORINTH 15:1

Bad mynta nga kwah ban pynkynmaw ïa phi, ko parabangeit jong nga, ïa ka Khubor Babha kaba nga la ïalap ha phi, ïa kaba phi la pdiang, bad ha kaba ka jingngeit jong phi ka ïeng skhem.

2 KORINTH 13:14

Ka jingaiei jong U Jisu Khrist uba U Trai, ka jingieit jong U Blei bad ka jingïasyllok jong U Mynsiem Bakhuid kin long lem bad phi baroh.

EPHESOS 3:6

Ka jingmaïan ka long kata kaba da ka lynti ka gospel, ki Jentil ki ïoh bynta lem bad ki Jiw ïa ki jingkyrkhu U Blei; ki long ki dkhot jong kajuh ka met bad ki ïoh bynta ïa ka jingkular kaba U Blei u la pynlong lyngba U Khrist Jisu.

PHILIPPI 1:7

Phi long borabor ha ka dohnud jong nga! Kumta ka long kaba dei ïa nga ban sngew kumba nga sngew shaphang jong phi. Namar phi baroh phi la ïoh bynta lem bad nga ha kane ka lad kaba U Blei u la ai ha nga, mynta haba nga don ha byndi bad ruh haba nga la long laitluid ban ïada ïa ka gospel bad ha kaba tei pynskhem ïa ka.

PHILIPPI 2:1

Ka jingim jong phi ha U Khrist ka pynlong khlaiñ ïa phi, bad ka jingieit jong u ka pyntngen ïa phi. Phi don ka jingïasyllok lem bad U Mynsiem, bad phi don ka jingsbun bad ka jingsngewsynei iwei ïa iwei pat.

PHILIPPI 3:10

Baroh kaba nga kwah ka long ba ngan ithuh ïa U Khrist bad ban mad ïa ka bor ka jingmihpat jong u, ban ïoh bynta ha ki jingshahshitom jong u, bad ban long kum ma u ha ka jingïap jong u,

KOLOSSAI 1:13

U la pyllait ïa ngi na ka bor jong ka jingdum bad u la wallam ha ka jingsuk ïa ngi sha ka hima jong U Khun ba-ieit jong u,

1 THESSALONI 1:10

bad ban ap ïa U Khun jong u ban wan na bneng — U Jisu, U Khun jong u, ïa uba u la pynmihpat na ka jingïap bad uba pyllait im ïa ngi na ka jingbitar jong U Blei ka ban sa wan.

1 TIMOTHI 6:2

Ki mraw kiba long ki jong ki kynrad kiba ngeit kim dei ban ñiewbeiñ ïa ki, naba ki long ki parabangeit jong ki. Pynban, ki dei ban shakri ïa ki kham bha shuh shuh, namar kito kiba ïoh myntoi na ka jingtrei jong ki, ki long ki parabangeit ïa kiba ki ieit. Me dei ban hikai bad ïalap ïa kine kiei kiei.

HEBRU 2:12

U ong ha U Blei, “Ngan pynbna ha ki para jong nga, ïa kaei kaba me la leh; ngan rwai ïaroh ïa me ha ki jingïamane lang jong ki.”

HEBRU 3:1

Ko parabangeit jong nga ïa kiba U Blei u la khot! To pyrkhat ïa U Jisu, ïa uba U Blei u la phah ban long U Rangbah Lyngdoh jong ka jingngeit kaba ngi ïaphla.

HEBRU 3:14

Naba ngi long baroh ki nongïoh bynta bad U Khrist lada ngi batskhem haduh kaba kut ïa kata ka jingsngewskhem kaba ngi la don naduh kaba sdang.

1 PETROS 5:1

Ma nga, uba ïa lade nga long u nongsharai balang, nga kyntu ïa ki nongsharai balang ka balang hapdeng jong phi. Nga long u sakhi ïa ki jingshahshitom U Khrist, bad ngan ïoh bynta ha ka burom kaba yn sa pynpaw.

2 PETROS 1:16

Ngim shym la shaniah ha ki jingïathuhkhana ba shu thaw ha kaba ïathuh ha phi ïa ka jingwan ha ka bor jong U Jisu Khrist uba U Trai jong ngi. Da la ki khmat jong ngi hi ngi la ïohi ïa ka jingkhraw jong u.

1 ÏOANNIS 1:1

Ngi thoh sha phi shaphang U Ktien ka jingim, uba la don naduh kaba mynnyngkong eh. Ngi la ïohsngew ïa u, bad ngi la ïohi ïa u da la ki khmat; ho-oid, ngi la ïohi ïa u, bad ki kti jong ngi ki la ïohktah ïa u.

1 ÏOANNIS 1:5

Mynta ka khubor ïa kaba ngi la ïohsngew na U Khun jong u bad pynbna ha phi ka long kane: U Blei u long ka jingshai bad ha u ka jingdum kam don satia.

1 ÏOANNIS 1:7

Hynrei, lada ngi ïaid ha ka jingshai — kumba ma u, u long ha ka jingshai — te ngi don ka jingïasyllok paralok hi, bad ka snam U Jisu, U Khun jong u, ka pynkhuid ïa ngi na ka pop baroh.