1 ÏOANNIS 1:2 - Khasi CL Bible (BSI)

² Haba ïa une u jingim la pynpaw, ngi la ïohi ïa u; kumta ngi kren shaphang jong u bad ngi ïathuh ïa phi shaphang ka jingim bymjukut kaba la don bad U Kpa bad ba la pynithuh ha ngi.

KA BAIBL

² (bad ïa uta u jingim la pynpaw, bad ngi la ïohi, bad ngi ïaphla, bad ngi ïathuh shai ha phi ïa uta u jingim bymjukut, uba la don bad U Kpa, bad la pynpaw ïa u ha ngi);

1 ÏOANNIS 1:2 ပူးပေါင်းရင်းမြစ်များ

ÏOANNIS 1:18

Ym don mano mano ruh uba la ïohi ïa U Blei. U Khun ba marwei jong u, uba long kumjuh kum U Blei bad uba don ha syndah jong U Kpa, u la pynpaw shynna ïa u.

ÏOANNIS 1:4

U Ktien u la long u tyllong jong ka jingim; bad kane ka jingim ka la wanrah ka jingshai ïa u bynriew.

ÏOANNIS 10:28

Nga ai ha ki ïa ka jingim bymjukut, bad kin ym ïap da lei lei ruh. Ym don uno uno uba lah ban knieh noh ïa ki na nga.

ÏOANNIS 14:6

U Jisu u la jubab ïa u, “Nga long ka lynti, ka jingshisha, bad ka jingim, ym don uno uno u ba leit sha U Kpa lait na nga.

ÏOANNIS 15:27

Bad ma phi, ruh, phin kren shaphang jong nga, namar ba phi la don lem bad nga naduh kaba sdang.

ÏOANNIS 16:28

Nga la wan na U Kpa, bad nga la wan sha ka pyrthei; bad mynta ngan sa iehnoh ïa ka pyrthei bad ngan leit sha U Kpa.”

ÏOANNIS 17:3

Bad ka jingim bymjukut ka mut ban ithuh ïa me, U Blei bashisha tang ma u hi, bad kaba ithuh ïa U Jisu Khrist, ïa uba me la phah.

ÏOANNIS 17:5

Ko Pa! To ai ka burom ïa nga ha khmat jong me mynta, kajuh ka burom kaba nga la don lem bad me ha shuwa ban pynlong ïa ka pyrthei.

ÏOANNIS 19:35

(Uta uba la ïohi ïa kane ba ka jia u la kren shaphang jong ka, khnang ba ma phi ruh phin ïoh ngeit. Kaei kaba u la ong ka long kaba shisha, bad u tip ba u kren ïa ka jingshisha.)

ÏOANNIS 21:14

Kane, te, ka la long ka sien kaba lai ba U Jisu u la paw ha ki synran hadien ba u la mihpat na ka jingïap.

ÏOANNIS 3:13

Bad ym don uno uno uba la ju leit kiew sha bneng lait tang U Khun U Briew, uba la wan hiar na bneng.”

ÏOANNIS 7:29

Phim ithuh ïa u; hynrei, nga ithuh ïa u, namar nga wan na u bad u la phah ïa nga.”

ÏOANNIS 8:38

Nga kren shaphang kaei kaba U Kpa jong nga u la pyn-i ha nga, hynrei phi leh ïa kaei kaba u kpa jong phi u la ïathuh ïa phi.”

KI KAM 10:41

ym ha baroh, hynrei tang ha ki sakhi kiba U Blei u la lah jied, kata, ha ngi kiba la ïabam bad ïadih bad u hadien ba u la mihpat na ka jingïap.

KI KAM 2:32

U Blei u la pynmihpat ïa une hi U Jisu na ka jingïap, bad ngi baroh ngi long ki sakhi ïa kane ka jingshisha.

KI KAM 3:15

Phi la pynïap ïa uta uba ïalam sha ka jingim, hynrei U Blei u la pynmihpat ïa u na ka jingïap — bad ngi long ki sakhi ïa kane.

KI KAM 5:32

Ngi long ki sakhi ïa kine kiei kiei — ma ngi bad U Mynsiem Bakhuid, uba long ka jingai jong U Blei ha kita baroh kiba kohnguh ïa u.”

Ka Shithi U Paul Sha Ki Nong Rom 8:3

Kaei kaba ka Hukum kam lah ban leh, namar ka jinglong ba kynja doh ka long kaba tlot, U Blei u la leh. U la pynrem ïa ka pop ha ka jinglong ba kynja doh da kaba u la phah ïa U Khun jong u hi, uba la wan kum ka jinglong u briew uba pop, ban jop ïa ka pop.

GALATIA 4:4

Hynrei haba ka ïa kaba biang ka la poi, U Blei u la phah ïa la U Khun.

1 TIMOTHI 3:16

Ym don ba lah ban kyntait katno kaba khraw ka long ka jingmaïan jong ka jingngeit jong ngi: U la wanpaw ha ka dur ka jinglongbriew, la pyn-i ba u long uba shisha da U Mynsiem, bad la ïohi ïa u da ki angel. La ïalap ïa u hapdeng ki jaitbynriew, la ngeit ïa u ha kylleng ka pyrthei, bad la shim noh ïa u sha bneng.

2 TIMOTHI 1:10

U la ai ha ngi ïa kane ka jingaiei lyngba U Khrist Jisu ha shuwa ban sdang ka pyrthei, hynrei mynta la pynpaw da ka jingwan U Nongpynim jong ngi, U Khrist Jisu. U la pynkut noh ïa ka bor jong ka jingïap bad lyngba ka Gospel la pynpaw ïa ka jingim bymïap shuh.

TITOS 1:2

kaba pynshong nongrim ha ka jingkyrmen ïa ka jingim bymjukut. U Blei, u bym ju shukor, u la kular ïa ngi ïa kane ka jingim naduh mynnyngkong,

1 PETROS 5:1

Ma nga, uba ïa lade nga long u nongsharai balang, nga kyntu ïa ki nongsharai balang ka balang hapdeng jong phi. Nga long u sakhi ïa ki jingshahshitom U Khrist, bad ngan ïoh bynta ha ka burom kaba yn sa pynpaw.

1 ÏOANNIS 1:1

Ngi thoh sha phi shaphang U Ktien ka jingim, uba la don naduh kaba mynnyngkong eh. Ngi la ïohsngew ïa u, bad ngi la ïohi ïa u da la ki khmat; ho-oid, ngi la ïohi ïa u, bad ki kti jong ngi ki la ïohktah ïa u.

1 ÏOANNIS 2:25

Bad kane ka long kaei kaba U Khrist hi da lade u la kular ban ai ha ngi — ka jingim bymjukut.

1 ÏOANNIS 3:5

Phi tip ba U Khrist u la paw ban bah noh ïa ki pop, bad kam don kano kano ka pop ha u.

1 ÏOANNIS 3:8

Uno uno uba ïai leh ïa ka pop, u long jong u Soitan, namar u Soitan u la leh pop naduh kaba mynnyngkong eh. U Khun U Blei u la paw na ka bynta kane hi ka daw, ban pynjot noh ïa kaei kaba la leh da u Soitan.

1 ÏOANNIS 4:14

Bad ngi la ïohi bad ïathuh ha kiwei ba U Kpa u la phah ïa la U Khun ban long U Nongpynim jong ka pyrthei.

1 ÏOANNIS 4:2

Kane ka long kumno phin lah ban ithuh la u long U Mynsiem jong U Blei: Uno uno uba pdiang ba U Jisu Khrist u la wan kum u briew, u don U Mynsiem uba wan na U Blei.

1 ÏOANNIS 5:11

Ka jingphla ka long kane: U Blei u la ai ha ngi ïa ka jingim bymjukut, bad kane ka jingim ka don ka tyllong jong ka ha U Khun jong u.

1 ÏOANNIS 5:13

Nga thoh ha phi ïa kane ba phin tip ba phi don ka jingim bymjukut — phi kiba ngeit ha U Khun U Blei.

1 ÏOANNIS 5:20

Ngi tip ba U Khun U Blei u la wan bad u la ai ha ngi ïa ka jingshemphang, khnang ba ngin ithuh ïa U Blei uba shisha. Ngi im ha U Blei uba shisha — ha U Jisu Khrist U Khun jong u. Une u long U Blei uba shisha, bad kane ka long ka jingim bymjukut.