Yohanes 7:3 - Abun Scripture

³ Karowa kam sye ne, sane Yefun Yesus bi nji ki nai An do, ”Nan mu kadit pe ré, ete Nan mu mo bur Yudea subere Nan bi pakon me Nan ben Nan bi suk-i gato ben nje yeket et.

Yohanes 7:3 ပူးပေါင်းရင်းမြစ်များ

Matius 12:46

Yefun Yesus si nje mone nuk sukdu saresa, Yefun Yesus bi im si bi nji ne ma. Yefun bi im si bi nji ti mo nu de nden, án iwa nuk sukdu su Yefun Yesus.

Markus 3:21

Yefun Yesus bi nji si bi yenggras jam sukdu subot suk gato Yefun Yesus ben ne sa, án ma wa kar Yefun Yesus kadit pe ne, we án ki do, ”Semda ben Yesus it!”

Markus 3:31

Orete Yefun Yesus bi im si bi nji ge bok yo ma mo nu ne. Yefun bi im si bi nji ne ti mo nu de nden sa, án syogat ye yi wa kendo Yefun Yesus ma mo nden ku án mone.

Lukas 8:19

Or o Yefun Yesus bi im si An bi nji ma wa ku An, sarewo án yo bi os wa án ma karowa Yefun Yesus nde, we yé mwa mone buk mo yu teker ware.

Lukas 8:20

Sane yetu ge dik yo ki nai Yefun Yesus do, ”Nan bi im si Nan bi nji ti mo nden, án iwa ku Nan.”

Yohanes 2:2

Ye kendo Yefun Yesus si bi pakon mu sino dom.

Yohanes 6:60

Pakon ge bok yo jam Yefun Yesus bi sukdu-i ne or wé, ete pakon ne ki do, ”An bi sukdu-i yé teker wa men jambot. Je u anato nggiwa an nai sukdu ne, ete an grem mo an mit ne? Yo mo nde!”

Yohanes 6:66

Sane su kam gane it, Yefun Yesus bi pakon mwa mu brek kadit An, pakon ne yo simo An o nde.

Yohanes 7:10

Yefun Yesus bi nji mu simo kam sye mo Yerusalem, or Yefun Yesus dakai waii mu mone. Sarewo An yo kadum nggwa nai yé mwa jam nde, wo An gurik An dik kadit nje.

Yohanes 7:4

Nan iwa yé mwa bes Nan gum yepasye, saneyo Nan mu ben Nan bi suk-i ne bor wa yé mwa me et, Nan gurik wa nde. Nan ben Nan bi suk-i gato ben nje yeket bor more, sane Nan mu Nan waii ben wa yetu mwa ne sino me o et.”

Yohanes 7:5

(An bi nji yo onyar kem mo Yefun Yesus dom nde anato An bi nji ki bi sukdu-i sane.)

Suk Gato Yerasul Ben Ne 2:14

Sane Petrus, an si yerasul ge musyu dik sop dik ne ti, Petrus ki sye nai ye Yahudi mwa gato mone. An ki do, ”Ji bi nji, ji bi nyanggon, ye Yahudi ne, si nin yé gato kem mo Yerusalem ne sino, nin jamwa suk gato ji ki ré et. Ji ki subot suk gato nin me ré, subere nin jam et.