Yohanes 7:1 - Abun Scripture

¹ Orete Yefun Yesus mubot peyo-peyo mo bur Galilea. An yo mu mo bur Yudea nde, we An jam do, ye Yahudi mone meret os wa gu Yefun Yesus kwop wé.

Yohanes 7:1 ပူးပေါင်းရင်းမြစ်များ

Yohanes 4:3

Yefun Yesus jam ye Farisi bi sukdu subot suk gato An ben ne sa, An mu kadit bur Yudea, An satu mu mo bur Galilea.

Matius 21:38

Wo ye gato mewa nggwe ne do me pa ne ma sa, án ki nai yu do, ’Yenggras gato bi bur det ré bi gan anare. Men gu pa kwop wé et, subere bur det ré sok mo men.’

Yohanes 7:19

Musa krom Yefun Allah bi sukduno wa nin benbot mó re. Sarewo nin yé bok ne sino yo benbot Musa bi sukduno-i nde, nin ge dik yo dom nde. Nin ben suk wai mo Musa bi sukduno-i ne. Sane dom, nin meret os wa nin gu ji kwop wé.”

Matius 10:23

Yé ben sukye nai nin mo kota dik yo it yo, nin titi kadit kota ne mu mo kota yi yo o. Suk gato Ji ki ré suksangge anare, nin mubot ye Israel bi kota mwa ne sino, nin kibot Ji bi sukdu yo or nde tó yo, bere Yetu bi Pa ma nyim wé re.

Suk Gato Yerasul Ben Ne 10:38

Nin dakai jam do, Yefun Allah bes Yesus, ye Nazaret ne, orete Yefun Allah Gen bok nggwa mo Yefun Yesus, syo suktinggi nai Yefun Yesus. Nin jam do, Yefun Yesus mubot peyo-peyo, An ben sukndo, An ben ye gato i ne ge. Yé mwa gato biris bi yekwesu jom ne, An nai wé kadit biris bi yekwesu, ete ben yé mwa ne ge re. Yefun Allah sisu Yefun Yesus anato An nggiwa ben suk ne.

Yohanes 4:54

Yefun Yesus ma kadit bur Yudea ma kom mo Galilea sa, An ben suk gato ben yé yeket wam kedowe it anane.

Yohanes 1:19

Ye Yahudi bi yepasye mo Yerusalem syogat yesu gato ben suk mo Yefun Allah bi nu si ye Lewi mu ndo mo Yohanes do, ”Je u anato nan ré ne?” Sane Yohanes ki an bi sukdu-i rer nai án jam.

Yohanes 8:40

Ji anato ki sukdu gato sangge gato Yefun Allah tarubot Ji wa nin, sarewo nin meret os wa nin gu Ji kwop wé. Abraham yo ben an bi suk-i sane nde. Sane nin bi ai mo Abraham nde.

Yohanes 8:37

Ji jam do, nin anato Abraham bi dat. Sarewo nin syeret os wa nin gu Ji kwop wé, we nin bariwa nin jammo Ji bi sukdu-i.

Yohanes 7:25

Sugane ye Yerusalem deyo ndo mo yu do, ”Ye gare anato Ye gato men bi yepasye syeret wa gu wé bado?

Markus 11:18

Yekwesú mo Yefun Allah bi nu si yeguru agama jam sukdu ne sa, án meret os wa gu Yefun Yesus kwop wé, we yé mwa ne iwa jammo sukdu gato Yefun Yesus ki ne. Yé mwa ne mit iwa Yefun Yesus, sane yekwesú mo Yefun Allah bi nu si yeguru agama nokwa yé mwa ne jammo Yefun Yesus bi sukduno-i sye wai kadit án, sane án meret os wa gu Yefun Yesus kwop wé.

Yohanes 6:1

Kam yo tak o, Yefun Yesus mu mo Em Galilea deta. Em Galilea ne, ye kendo gum dik yo o do Em Tiberias.

Yohanes 7:11

Mo kam sye ne ye Yahudi bi yepasye meret Yefun Yesus mone. Yepasye ne ndobot yu do, ”Ye gane mo u ne?”

Yohanes 7:13

Sarewo yé yo ki sukdu subot An mo yé mwa gwem nde, we yé nyuwa ye Yahudi bi yepasye ware.

Yohanes 7:35

Ye Yahudi bi yepasye ndo mo yu do, ”Ye gare ki do An mu mo u anato men yo ku os wa men mu ku An nde ne? Bere An mu ku men bi nje-i mo ye Yunani bi nat-i ko kadit men, ete duno ye Yunani mone bado?