Yohanes 2:2 - Abun Scripture

² Ye kendo Yefun Yesus si bi pakon mu sino dom.

Yohanes 2:2 ပူးပေါင်းရင်းမြစ်များ

Matius 12:19

Bere An yo duwer nje nde, An yo saiye ret nde, Bere An yo ki sye mo pe gato yé mwa ti nde.

Matius 25:40

Bere Ji, gato Yekwesu mone ki do, ’Suk gato Ji ki ré suksangge anare, suk gato nin ben wa Ji bi rus-i, kapre yé ne pa wokgan, tepsu nin ben suk ne wa Ji dakai.’

Matius 25:45

Bere Ji ki do, ’Suk gato Ji ki ré suksangge anare, suk gato nin yo ben wa Ji bi rus-i nde, kapre yé ne pa wokgan, tepsu nin yo ben wa Ji dakai nde.’

Yohanes 2:12

Or o Yefun Yesus si bi im, si bi nji, si bi pakon án sino mu mo kota Kapernaum. Án kem mone kam bok yo rek.

Yohanes 2:17

Sane Yefun Yesus bi pakon napakom Yefun bi sukdu kwa dik yo sare do, ”Ji jimnotbot Nan bi nu sye teker, tepsu bot git Ji mit.”

Yohanes 2:22

Sane kam gato Yefun Yesus sun kadit sukkwop or wé, ete An bi pakon napakom sukdu gato An ki ne. Sane án onyar kem mo sukdu gato yé krom mo Yefun Allah bi sukdu si sukdu gato Yefun Yesus dakai ki ne sino dom.

Yohanes 2:3

Ye konwa sukra ne sa, nau anggur rom yo tep wa yé mwa da nde. Nau ne or sa, Yefun Yesus bi im ma ki nai An do, ”Nau ne or re.”

Yohanes 3:22

Orete Yefun Yesus si An bi pakon mu mo bur Yudea. An si pakon ne kem nam gan mone. Yefun Yesus si bi pakon ras nje mo syur mone.

Yohanes 4:2

Yefun Yesus dakai yo ras nje mo syur nde, wo An bi pakon anato ras nje sor re.).

Yohanes 4:33

Sane An bi pakon ndo mo yu do, ”Ye deyo gwat sugit syo nai An git bado?”

Yohanes 6:12

Yé on ge sa, Yefun Yesus ki nai An bi pakon do, ”Nin sum sugit koita, nin bare sugit wokgan yo wé dom nde.”

Yohanes 6:16

Kam dek it, Yefun Yesus bi pakon is kadit banbo, mu mo em de.

Yohanes 6:60

Pakon ge bok yo jam Yefun Yesus bi sukdu-i ne or wé, ete pakon ne ki do, ”An bi sukdu-i yé teker wa men jambot. Je u anato nggiwa an nai sukdu ne, ete an grem mo an mit ne? Yo mo nde!”

Yohanes 6:66

Sane su kam gane it, Yefun Yesus bi pakon mwa mu brek kadit An, pakon ne yo simo An o nde.

Yohanes 6:67

Orete Yefun Yesus ndo mo An bi pakon ge musyu dik sop we ne do, ”Nin waii iwa mu kadit Ji dom bado?”

Yohanes 6:70

Yefun Yesus ki do, ”Sane, Ji anato bes nin tepsu Ji bi pakon ge musyu dik sop we fe? Sarewo nin ge dik yo tepsu biris.”

Yohanes 6:71

Yefun Yesus ki subot Yudas, gato Simon Iskariot bi pa anane. Kapre Yudas sok mo pakon ge musyu dik sop we ne, Yudas anato tepsu yeketut gato bere gwat os wa yeko ma but Yefun ne.

Yohanes 6:8

Yefun Yesus bi pakon dik yo o, Andreas, gato Simon Petrus bi nji ne, an ki nai Yefun Yesus do,

Yohanes 7:3

Karowa kam sye ne, sane Yefun Yesus bi nji ki nai An do, ”Nan mu kadit pe ré, ete Nan mu mo bur Yudea subere Nan bi pakon me Nan ben Nan bi suk-i gato ben nje yeket et.

Suk Gato Yerasul Ben Ne 11:26

An ku Saulus sa, an kar Saulus ma mo kota Antiokhia. Mone Saulus si Barnabas duno yé mwa gato onyar kem mo Yefun Yesus ne sor kom mo tahun dik. Mo Antiokhia, ye kendo ye gato onyar kem mo Yesus Kristus ne gum do, ye Kristen. Ye yo kendo gum ye Kristen mo nat yi nde tó, ye kendo gum ye Kristen mo kota Antiokhia nyim wé re.

Suk Gato Yerasul Ben Ne 11:29

Sane ye gato onyar kem mo Yefun Yesus mone kibot, orge án nai sukjimnut dik do, bere án ós, án bi sugum mu nai ye gato onyar kem mo Yefun Yesus gato kem mo bur Yudea. Kadik-kadik syo sugum tepsu sugum gato án ku mó.

1 Korintus 10:31

Sane ji bi sukdu-i sare, nin git sugit e, nin da syur e, suk mwa gato nin ben ne sino yo, nin ben wa nin bes Yefun Allah gum kok sor.

1 Korintus 7:39

Nggonkra si bi ya ne kem not su yu sor kom mo kam gato bi ya ne kwop. Mom bi ya do kwop, ete nggonna ne iwa kra ye yi yo o it yo, mom kra sor. Mom kra ye gato mom iwa kra ne, wo mom do kra o it yo, mom kra ye gato onyar kem mo Yefun Yesus sor.

Kolose 3:17

Suk mwa ne sino gato nin ben e, nin kibot e ne yo, nin me mo suk gato men bi Yekwesu, Yefun Yesus dakai ben ne, orete nin waii ben nin bi suk-i tepsu An ben ne sor. Nin ki ndo mo men bi Ai, Yefun Allah, mo os ndo gato Yefun Yesus kadum nai nin ne et.

Ibrani 13:4

Yetu ge we kra yu it yo, suk ne ndo wai, sane men sino mewa sukra sisu ndo sor. Yebris si bi nggon bi nggwa nai yu sor re. Yebris si bi nggon ne bi nggwa nai ye yi yo dom nde, we ye ben suk siri sane it yo, bere Yefun Allah syo sukye nai ye ne. Sane dom, bere Yefun Allah syo sukye nai yé mwa ne sino gato ben siri.

Wahyu 3:20

Nin jammo suk gato Ji ki ré et. Ben sato Ji ma ti mo nusyo de nden ete Ji ké. Ye to jam Ji ké, ete kak nusyo wa Ji yo, bere Ji sok mu ku ye ne mo nu mit re. Bere Ji si ye ne git sugit sino mone tepsu yedik.