Yohanes 19:4 - Abun Scripture

⁴ Wam dik yo o Pilatus syesyar mo nden, ete Pilatus ki nai ye Yahudi do, ”Nin me more et. Ji gwat Ye gare syesyar ma mo nin it anare, subere nin jam do, Ji ndobot Ye ré ware, ji ki do, Ye ré ben suk gato ibit yo mo nde.”

Yohanes 19:4 ပူးပေါင်းရင်းမြစ်များ

Yohanes 19:6

Yekwesú mo Yefun Allah bi nu ge bok yo si ye gato mewa Yefun Allah bi nu ge bok yo me Yefun Yesus syesyar mo nden sa, án sino saiye do, ”Nan gu An kwop wé tom! Nan mban An mo kwesukwin tom!” Sarewo Pilatus ki nai án do, ”Nin dakai nai An, nin dakai gu An kwop mo kwesukwin sor, we ji ndobot An ware, ji ki do, An ben suk gato ibit yo mo nde.”

Yohanes 18:38

Pilatus ndo mo Yefun Yesus do, ”Suk gato sangge ne te, bi sukjimnut sa u ne?” Pilatus ki sukdu ne or sa, Pilatus syesyar kadit nu ne o, ete an ki nai ye Yahudi mwa mone do, ”Ji ndobot Ye ré ware, ji ki do, Ye ré ben suk gato ibit yo mo nde.

Lukas 23:4

Orge Pilatus ki nai yekwesú mo Yefun Allah bi nu bok ne si yé mwa mone do, ”Ji ndobot Ye ré ware, ji ki do, Ye ré ben suk gato ibit yo mo nde.”

Lukas 23:47

Ye Roma bi yesukmise bi yesu dik yo me suk mwa gato bor mone sa, an un Yefun Allah, an ki do, ”Sangge, Ye ré ben suk gato ibit yo mo nde, An ye gato ben suk tepsu Yefun Allah mit sor.”

1 Yohanes 3:5

Sarewo sukibit mwa gato men ben ne, Yesus Kristus ma mo bur ré wa tot wé kadit men re, nin dakai jam re. Sane dom, nin jam do, Kristus dakai yo ben sukibit yo mo nde.

1 Petrus 3:18

Ndo sa, men ku sukye mo sukndo gato men ben ne, we Kristus dom ku sukye mo sukndo gato An ben ne re. Kristus kwop wam dik sor, tep wa tot sukibit mwa gato men ben ne wé re. Kristus yo ben sukibit mo nde. An kwop wa men yé gato ben sukibit, subere An kak os wa men ma sok mo Yefun Allah bi rus-i. An da kridek kwop, wo Yefun Allah Gen sun An kaim gesyos satu kadit sukkwop ne o re.

1 Petrus 2:22

An yo ben sukibit yo mo nde. An yo kidar ye yi yo mo nde.

1 Petrus 1:19

wo Yesus Kristus dé sye, An bi An nggwa wa men yetu anato tepsu suktot gato kok wai kadit suk mwa neya gato ye tot suktot su ne o re. Yesus Kristus anato tepsu domba gan ge gato kaim ndo sino, ibit wokgan yo dom nde. {Suga nyim ye Israel gu suge sato domba gan kwop ete nai i-dé ne wa tot suktot mo sukibit gato án ben ne.}

2 Korintus 5:21

Kristus yo ben sukibit mo nde, wo Yefun Allah dakai fro Kristus sam kwede win men yetu mo sukibit mwa gato men ben ne, subere Yefun Allah me mo men do, men sa, bi sukibit ut mo men yo mo nde. Sane Yefun Allah nut mo men sa, men tep wa An nai men sok mo An bi rus-i mo suk gato Kristus ben ne.

Lukas 23:41

Yé syo sukye nai men ka we tepsu sukibit gato men ka we ben ne, sarewo Yefun Yesus ré, An yo ben sukibit tepsu ye gu An kwop yo mo nde.”

Matius 27:54

Sane ye Roma bi yesukmise si bi yesu gato mewa Yefun Yesus me sui juwai bur si suk mwa gato bor mone sa, án nyu ndo nde, án yeket, ete án ki do, ”Sangge, Ye ré anato Yefun Allah bi Gan sor.”

Matius 27:24

Pilatus nutbot do, an yo ku os o nde, we bergan yé mwa mone maskwa ete saiye daret. Sane an nai syur, an mus an syim mo yé mwa ne gwem, ete an ki do, ”Nin dakai gu Ye ré kwop sor, ji yo sok mone nde.”

Matius 27:19

Pilatus kem ga mo nat gato sagana an kem wa an ndobot nje mone saresa, an bi nggon taru ma nai an do, ”Nan kibot Ye gare o nde. An yo ben sukibit yo mo nde. Nan misyar sor, we noru gado ji semda ku An, ete suksemda ne ben ji sane sor ji nutbot ndo nde.”

Matius 27:4

Ete an ki do, ”Ji ben sukibit it! Ji meret os wa gwat yeko ma wa but Ye gato ben sukibit yo mo nde, anato su ré, yekwesú syokom ye gu An kwop.” Yekwesú mo Yefun Allah bi nu ki nai an do, ”Men yo nutbot nan su nan bi sukdu-i nde. Nan dakai fro koita ne sor.”

Ibrani 7:26

Sane, Yefun Yesus sa, An dakai anato Yekwesu gato gum kok wai o re. Yefun Yesus sa, tep wa ós men mo suk mwa gato men yé mone. An bi An nggwa wa ben Yefun Allah bi suk-i sor. An yo ben sukibit mo nde, kwa dik yo dom nde. An ben suk mwa ne ndo sino. An ben An bi suk-i tara kadit men yetu gato ben sukibit. Yefun Allah bes An gum kok wai kadit suk mwa neya mo gu o re.

Yohanes 18:33

Pilatus sok satu mo nu mit, ete an kendo Yefun Yesus ma, an ndobot. Pilatus ndo mo Yefun Yesus do, ”Te, Nan ye Yahudi bi yeraja bado?”