Yohanes 17:9 - Abun Scripture

⁹ Ji ki suk su Nan wa án, yé mwa gato Nan syo nai Ji ne. Ji yo ki suk su Nan wa yetu mo bur ré nde. Wo Ji ki suk su Nan wa yé gato Nan syo nai Ji, we án anato sok mo Nan bi rus-i.

Yohanes 17:9 ပူးပေါင်းရင်းမြစ်များ

Lukas 22:32

Sarewo Simon, Ji ndek Yefun Allah wa ós nan, subere nan onyar kem pe mo Ji mo sukye ne, subere nan misyar Ji nde. Kapre nan ges mo os ibit mo sukye ne yo, bere nan kwet kadit, ete nan duno nan bi nji mo Yefun Allah bi rus-i, subere án onyar kem mo Ji nggi wai kadit nyim ne o re.”

Lukas 23:34

Orge Yefun Yesus ki nai Yefun Allah do, ”Ji bi Ai, yesukmise ré jam nde suk gato án ben ne, sane Nan maskwa án mo sukibit ne nde, Nan misyar sor.” Orete yesukmise ne tik bit wa án wat Yefun Yesus bi san su yu.

Lukas 8:34

Yetu ge bok yo gato mewa jot ne, án me jot mwa ne mbon sa, án titi mu ki sukdu ne frekbot nje mo kota si nat bok yo gato karowa mone.

Yohanes 14:16

Bere Ji ndek mo Ji bi Ai subere An bi An Gen ma win Ji. An Gen ne tepsu yegweswai gato ós nin, ete sisu nin pe to kapyo mato kapyo.

Yohanes 17:2

Nan bes Ji gum Yekwesu wa Ji jom yetu mwa ne sino mo bur ré re, subere yé mwa ne sino gato Nan syo nai Ji ne, Ji ós án kem gesyos.

Yohanes 17:20

Ji ndek mo Nan wa án sor nde, wo Ji ndek mo Nan wa yé gato bere onyar kem mo Ji mo sukdu gato Ji bi pakon ré ki nai án jam ne.

Yohanes 17:6

Ji kadum Nan nai yé mwa gato Nan syo nai Ji mo bur ré, yé mwa ne jam Nan re. Yé mwa ne anato Nan bi rus-i. Nan syo án nai Ji re. Án benbot Nan bi sukdu-i re.

Yohanes 6:37

Yé mwa gato Ji bi Ai syo nai Ji, bere án sino ut mo Ji. Ye to ma ut mo Ji yo, Ji yo syun ge dik yo wé dom nde.

Yohanes 6:39

Ji bi Ai gato syogat Ji ma more, An mit i do, yé sino gato An syo nai Ji ne, Ji mewa subere ge dik yo ges mo nde, ge dik yo gwet nde, wo Ji jom án pe sor, ete su kam gato bur ré kru yo, bere Ji sun án sino.

Ibrani 7:25

Sane anato Yefun Yesus nggiwa ben suk tepsu yegweswai wa ós men yé gato iwa ma mo Yefun Allah bi nat-i sor to kapyo mato kapyo. Yefun Yesus kem gesyos, An ós wa ki suk su Yefun Allah tepsu yegweswai wa men petok sor.

Ibrani 9:24

Kristus dé anato win suge dé mo nu mo gu ne re. Sane anato Kristus yo sok mo nu kemah gato yetu nggo mo bur ré nde. Nu mo bur ré tepsu sukkran subot nu gato sangge mo gu ne sor re. Sane Kristus yo sok mo nu mo bur ré nde, wo Kristus dakai sok mo nu mo gu ne, anato su ré, An ki suk tepsu yegweswai su Yefun Allah wa men yetu mone.

1 Yohanes 5:19

Biris bi yekwesu jowa yetu mwa ne sino gato ben sukibit mo bur ré, sarewo men jam do, men ré anato sok mo Yefun Allah bi rus-i.

Wahyu 12:9

Mikhael si bi malaikat-i am naga sye ne wé kadit gu re. Naga gane anato tepsu kwis kadit nyim tuya gato gum do biris bi yekwesu. Yé kendo biris bi yekwesu ne gum do Iblis dom. Naga gane ben kidar yetu mwa mo bur ré ges mo os ibit. Orete Mikhael si bi malaikat-i am naga sye ne si bi malaikat-i sino mu is kadit gu ma mo bur ré re.

Wahyu 13:8

Yetu mwa ne sino gato kem mo bur ré bere bes suge ne gum kok, wo yetu bok gato Yefun Allah krom gum mo Domba Gan gato ye gu kwop wé ne bi Buku Yegesyos suga nyim tuya Yefun ut bur ré nde tó, bere yé bok ne yo bes suge krok ne gum kok nde.

Wahyu 20:15

Ye to ye yo krom an gum mo Buku Yegesyos nde yo, bere ye am ye ne mu ngga mo bot sye gato tepsu em ete ru ne.