Yohanes 17:7 - Abun Scripture

⁷ Su ré án jam do, suk mwa ne sino gato Nan syo nai Ji, suk mwa ne ma kadit Nan.

Yohanes 17:7 ပူးပေါင်းရင်းမြစ်များ

Yohanes 14:20

Su kam gato nin kem gesyos ne it yo, bere nin jam do, Ji si Ji bi Ai tepsu dik. Sane dom bere nin jam do, nin si Ji tepsu dik sino.

Yohanes 16:15

Ji bi Ai bi suk-i ne sino anato Ji bi suk-i. Sane anato Ji ki do, bere Yefun Allah Gen ki Ji bi sukdu-i rer nai nin jam.”

Yohanes 17:10

Nan bi suk mwa ne sino anato Ji bi suk-i dom. Ji bi suk mwa ne sino anato Nan bi suk-i dom. Yé mwa gato Nan syo nai Ji, bere án bes Ji gum kok sye wai o re.

Yohanes 17:6

Ji kadum Nan nai yé mwa gato Nan syo nai Ji mo bur ré, yé mwa ne jam Nan re. Yé mwa ne anato Nan bi rus-i. Nan syo án nai Ji re. Án benbot Nan bi sukdu-i re.

Yohanes 17:8

Sukdu gato Nan ki nai Ji, Ji waii ki nai án jam re, án iwa sukdu ne. Án jam do, sangge Ji anato ma kadit Nan, Ji bi Ai. Án jam do, sangge, Nan anato syogat Ji ma mo bur ré re.

Yohanes 8:28

Sane Yefun Yesus ki nai án do, ”Nin bes Yetu bi Pa to Ji ré kok mo kwesukwin yo, bere nin jam do, ’Ji anato Ye gato gesyos, gato Yefun Allah syogat ma mo bur ré.’ Bere nin jam do, Ji dakai yo nai sukjimnut wa ben suk yo mo nde, wo Ji ki Ji bi sukdu-i tepsu suk gato Ji bi Ai duno Ji su ne sor.