Yohanes 16:3 - Abun Scripture

³ Yé ne ben suk ne nai nin, we án yo jam Ji bi Ai nde. Án jam Ji dom nde.

Yohanes 16:3 ပူးပေါင်းရင်းမြစ်များ

Yohanes 15:21

Bere yé ben sukye nai nin mo gato nin sok mo Ji bi rus-i, we yé ne jam nde Yefun gato syogat Ji ma mo bur ré.

Yohanes 17:25

Ji bi Ai gato ben bi suk-i ndo petok sor, yé mo bur ré yo jam Nan nde, wo Ji sa, Ji jam Nan re. Ji bi pakon ré dom jam do, Nan anato syogat Ji ma mo bur ré.

2 Tesalonika 1:8

Bere Yefun Yesus si malaikat ne is ma, án gwat bot gato ru sye kadit gu ne ma wa án ben sukye nai yé ne. Án syo sukye nai yé gato misyar Yefun Allah. Án syo sukye nai yé gato bariwa simo os ndo gato men bi Yekwesu Yesus Kristus kak ne.

Yohanes 8:55

wo nin jam An nde re. Sarewo Ji dakai sa, Ji jam An re. Ji do ki do Ji jam nde An yo, Ji kidar suk tepsu nin kidar suk ne. Wo Ji jam An re, Ji benbot An bi sukdu-i.

Yohanes 8:19

Sane ye Farisi ne ndo mo Yefun Yesus do, ”Nan bi Ai mo u ne?” Yefun Yesus ki do, ”Nin jam nde Ji re. Nin jam nde Ji bi Ai dom re. Nin jam Ji su sangge it yo, nin jam Ji bi Ai dom it anane.”

1 Yohanes 4:8

Yefun Allah bi sukjimnut sye kas subot yetu petok sor, sane ye gato bi sukjimnut yo kas subot ye yi nde, ye ne jam nde Yefun Allah re.

1 Yohanes 3:1

Yefun Allah bi sukjimnut kas subot men sye teker anato An kendo men do, An bi pá-i. Sangge, men anato Yefun Allah bi pá-i. Yé gato ben sukibit mo bur ré jam nde Yefun, sane anato án jam nde men dom.

Yohanes 17:3

Án jam Nan, Yefun Allah ka dik gato sangge, ye yo nggi tepsu Nan mo nde. Án jam Ji, gato Nan bi Gan, Yesus Kristus gato Nan syogat ma more anato án kem gesyos.

1 Yohanes 5:20

Men jam o do, Yefun Allah bi Gan ma mo bur ré re, An ós men, An kak men bi sukjimnut, subere men jam Yefun Allah gato sangge ne. Men si Yefun Allah gato sangge ne tepsu dik. Men si An bi Gan Yesus Kristus ne tepsu dik it. An sor anato Yefun gato sangge re. An sor anato ós men kem ndo to kapyo mato kapyo re.

1 Korintus 2:8

Yepasye mwa gato jowa bur ré, ge dik yo jam sukdu ne mo nde. Yepasye ne jam sukdu ne sa, án yo gu men bi Yekwesu gato gum kok sye wai ne kwop mo kwesukwin nde.

Yohanes 15:23

Ye gato bariket Ji yo, ye ne bariket Ji bi Ai dom.

Lukas 10:22

”Ji bi Ai mo gu syo suk mwa ne sino gato Ji mitmo nai Ji subere Ji tepsu Yekwesu mo Yefun Allah bi rus-i. Yefun Allah sor anato jam An bi Gan to Ji ré, yetu jam nde. Ji dakai sor anato jam Yefun Allah, Ji bi Ai, kom mo mit, yetu jam nde. Sarewo ye gato Ji iwa Ji kadum Ji bi Ai nai ne, bere ye ne jam Ji bi Ai dom.”

1 Timotius 1:13

wo suga nyim tuya ji kiket Yesus Kristus gum ibit, ji ben sukye, ji ben sukot nai An bi nje-i, ji kabor An ket kwayo-kwayo. Ji da ben sukibit mwa ne, sarewo An ben sukndo su ji, An dakai jimnotku ji sor, we tomgato ji ben ji bi suk-i ibit ne, ji jam nde suk, ji yo onyar kem mo An nde tó, anato ji ben sukdaret sane.

Suk Gato Yerasul Ben Ne 3:17

Ji bi nji, ji bi nyanggon, ji jam do, nin si nin bi yekwesu yo jam suk gato nin ben kom mo pe yo nde anato nin ben sukye nai Yefun Yesus,

1 Yohanes 2:23

Ye gato bariket Yefun Allah bi Gan, bere ye ne si Yefun Allah yo tepsu dik nde. Sarewo ye to ki do, an onyar kem mo Yefun Allah bi Gan yo, bere ye ne si Yefun Allah tepsu dik dom.