Yohanes 13:8 - Abun Scripture

⁸ Petrus ki do, ”Nan mus ji gwes nde. Ji bariwa sangge kai.” Yefun Yesus ki nai Petrus do, ”Ji yo mus nan gwes nde yo, nan si Ji yo tepsu dik nde.”

Yohanes 13:8 ပူးပေါင်းရင်းမြစ်များ

Matius 16:22

Petrus syimtok Yefun Yesus wadigan mu mo nden, ete Petrus ndantom An sare do, ”Yenggras o, bere Yefun Allah yo misyar yé ben sukye nai Nan nde. Mara! Bere yé yo ben suk sane nai Nan nde.”

Matius 21:29

Pa ne ki do, ’Ji bari re.’ Wo bergan, ete pa bi sukjimnut brek kadit suk gato pa ki ne, ete pa dakai mu ben suk mo nggwe.

Matius 26:33

Petrus ki nai Yefun Yesus do, ”Kapre pa ge bok ré misyar Nan, ji ré yo misyar Nan nde, wokgan yo dom nde.”

Matius 26:35

Petrus ki do, ”Kapre ji kwop o, ji mbau o, ji yo rewa Nan nde.” Sugane pakon bok ne ki sukdu tepsu Petrus dom.

Yohanes 13:6

Yefun Yesus fro wa mus Simon Petrus gwes sa, Petrus ndo mo Yefun Yesus do, ”Yenggras, Nan iwa Nan mus ji gwes tak wa suma ne?”

Yohanes 13:9

Petrus ki do, ”Sane yo, Yenggras, Nan mus ji gwes sor nde, wo Nan mus ji syim si ji su dom et.”

Yohanes 3:5

Yefun Yesus ki do, ”Suk gato Ji ki ré suksangge anare, men bi im kem su men yo, men sok mo men yetu bi rus-i it anane. Yefun Allah Gen kem su men o yo, men waii sok mo Yefun Allah bi rus-i o it anane.

Suk Gato Yerasul Ben Ne 22:16

Ré yo, nan eswa suma o ne? Nan sun et! Nan bi nan nggwa wa ye ras nan mo syur se! Nan ndekwa Yefun Yesus subere An nai nan wé kadit sukye gato bere nan ku mo sukibit mwa gato nan ben ne.’ ”

1 Korintus 6:11

Suga nyim nin ge bok yo mone ben suk sane re, sarewo su ré, nin brek kadit os ibit gato nin ben suga nyim ne re. Yefun Allah nai nin sok mo An bi rus-i wa nin ben An bi suk-i sor. Men bi Yekwesu Yesus Kristus kak os wa nin subere Yefun Allah yo ben sukye nai nin tepsu sukibit gato nin ben ne nde, wo An ki do, nin sa, tep wa sok mo An bi rus-i. Yefun Allah gato jom men ne, An Gen ós nin onyar kem mo Yefun Yesus anato nin ku os wa sok mo Yefun Allah bi rus-i ne it.

Efesus 5:26

Kristus bi An nggwa wa nai sukibit wé kadit men. An bi sukduno tepsu syur gato An de mo men wa rus sukibit wé kadit men re. Sane An fro men wa men sok mo Yefun Allah bi rus-i.

Kolose 2:18

Ye gato ma ki do, malaikat gato an som ne kadum suk bok yo rer wa an me re, ete an kidar do, an yo bes an nggwa kok mo suk ne nde, sane yo, nin jambot ye ne bi sukdu-i nde, we sukdu ne gwat nin ko kadit sukndo gato bere Yefun Allah syo nai nin ne. Ye gato ki bi sukdu-i sane jam nde Yefun. An dakai bes an nggwa kok mo suk mwa gato an me ne, sarewo sukkidar sye yo ko ré. An ki subot malaikat bi sukdu-i sane sor kom mo mit kai,

Kolose 2:23

Sangge ye nut do sukduno ne bi sukjimnut ko, sarewo yo mo nde. Ye duno men subere men som malaikat e, men is men nggwa ga tepsu pa wokgan e, men ben sukye nai men dakai e ne. Men nut do, sukduno ne ndo mone, sarewo sukduno bok ne yo tep wa mewa men kadit suk gato men iwa men ben siri kadit Yefun mit bu ne nde.

Titus 3:5

Sane anato An nai men wé kadit bot gesyos subere men kem ndo to kapyo mato kapyo. An nai men mo sukndo gato men ben tepsu An mit ne nde, wo An dakai ben sukndo su men yi sor re. An ós men kem ndo. An syo An Gen ma bok nggwa mo men anato men tepsu yetu be. Men tepsu pabom gato bi im kem su ne. Sane sukibit gato men ben suga nyim ne, Yefun Allah Gen was or wé kadit men, ete men win su suk gato ndo sor.

Ibrani 10:22

Sane men karowa Yefun Allah su men mit dik si men onyar dik et, men onyar kem pe mo Yesus Kristus et. Men karowa Yefun Allah yo, men bi sukjimnut mo men mit waiyu mo sukibit gato men ben suga nyim ne o nde, we men jam do, Kristus tot sukibit ne or wé kadit men it. Men karowa Yefun Allah yo, men onyar kwo, ben sato men kaim kwo tepsu ye mus men su syur kwo it.

Wahyu 1:5

Yesus Kristus gato jam Yefun Allah sisu ndo, An ki bi sukdu-i subot Yefun Allah ri-roi petok sor. Yesus Kristus anato ye doketke gato Yefun Allah sun kadit sukkwop. Yesus Kristus anato jowa yeraja mwa ne sino mo bur ré. Yesus Kristus ete mewa nin. Yesus Kristus ete uttok nin petok sor. Yesus Kristus anato bi sukjimnut sye kas subot men ndo nde petok sor. Yesus Kristus anato kwop, An dé sye wa tot men bi suktot mo sukibit gato men ben ne wé.

Wahyu 7:14

Ji ki do, ”Yenggras, nan dakai jam re.” Sane yenggras ne ki nai ji do, ”Yé mwa ré ku sukye ndo nde, ete án ti fro kadit sukye ne re. Ben sato yé mwa ne mus án bi san su Domba Gan dé anato án bi san ne kwo ndo re.