Yohanes 11:9 - Abun Scripture

⁹ Yefun Yesus ki do, ”Su nombrak bi jam musyu dik sop we mó. Ye gato mu su nden rer yo, tepsu ye gato ben Ji bi Ai bi suk-i, suk yo wai an gwes nde, an mu sisu ndo sor, nombrak rer ku suk mwa ne wa an me re.

Yohanes 11:9 ပူးပေါင်းရင်းမြစ်များ

Yohanes 11:10

Wo ye gato mu su ndendu yo, an ye gato ben biris bi yekwesu bi suk-i, an gwes ti mo suk yo, an ges, we rer yo ku an nde.”

Yohanes 12:35

Yefun Yesus ki nai án do, ”Su ré, rer ku nin mó tó. Yo nam nde ge, rer yo ku nin o nde. Sane su kam gato rer sisu nin more tó, ndendu nde tó, nin ben nin bi suk-i mo pe gato rer ku nin ne sor. Wo nin mu su ndendu yo, bere nin jam nde pe gato nin muket ne re.

Yohanes 9:4

Ji kem mo bur ré su nombrak tó, sane men ben suk tepsu Ye gato syogat Ji ma more ki ne. Men ben An bi suk-i su nombrak. Noru it yo, men yo ben suk yo o nde.

1 Yohanes 2:10

Ye to bi sukjimnut sye kas subot an bi nji, an ben sukndo tepsu ye gato kem mo pe gato rer re. Sane an yo ben suk gato ben nje ges mo os ibit mo nde.