Yohanes 10:5 - Abun Scripture

⁵ Ye yi ké yo, bere suksi ne yo simo ye ne nde re, wo domba ne titi wé kadit ye ne, we domba ne jam nde ye ne re.”

Yohanes 10:5 ပူးပေါင်းရင်းမြစ်များ

Markus 4:24

Orete Yefun Yesus ki o do, ”Nin nutbot suk gato Ji ki ré sisu ndo et. Nin do syaretwa ete nin jammo yo, bere nin jam suk mwa wai o re. Ye gato iwa jam subot Yefun Allah bi sukduno, wo an werwa jam subot sukdu ne mo de nden ne sor re, bere Yefun Allah kak an bi sukjimnut-i ne wokgan sor re. Wo ye gato werwa jam subot Yefun Allah bi sukduno kom mo mit, sane bere Yefun Allah kak ye ne bi sukjimnut-i mwa wai o re.

Lukas 8:18

Sane, Yefun Allah bi sukdu gato nin syaretwa ne, nin nutbot sisu ndo et. Ye to bi sukjimnut kak, bere jam Yefun Allah bi sukdu mwa wai o re, sane bere an jam sukdu ne kom mo mit re. Sarewo ye to da jam sukwokgan, ete an misyar, sukwokgan gato an jam ne, bere suk ne ges or wé kadit an re.”

Yohanes 10:16

Ji si domba yi yo o gato kem mo nat ré nde. Domba ne kem mo nat tara re. Ji mu gwat domba yi ne si Ji bi domba ré sok mo nat dik sor. Bere domba yi ne jam Ji ké, ete domba ne ma si domba ré kem mo pe dik. Sane bere Ji ka dik sor anato mewa domba mwa ne sino mone.

Yohanes 10:4

An si an bi domba syesyar mo nden sa, an mu nyim, an bi domba boribot an, we an ké, ete an bi domba jamwa an re.

2 Timotius 4:3

Nan duno nje gat sor, we kapyo tak bere yé bariwa sukduno gato sangge, wo yé iwa yé jam sukduno gato tepsu án mit sor. Bere án sum yeguru bok yo gato duno án su sukduno gato án iwa án syaretwa ne sor re.

1 Yohanes 2:19

Suga nyim ye gato sok mo yeko ne, án sisu men, orge án mu kadit men re. Ye gare da si men, sarewo án yo mit dik su men nde. Sato án mit dik su men yo, bere án yo mu kadit men nde, sarewo án mu kadit men, ete mone men jam do, án yo mit dik su men mo nde.

1 Yohanes 2:21

Ji krom surat ré wa suma ne? Ji krom surat ré we nin yo jam sukduno gato sangge ne nde bado? Sane nde, wo nin jam sukduno gato sangge ne it. Nin jam do, sukduno gato sangge ne, sukdu mone mwa ne sino sangge sor, kwa yo gato sukkidar yo mo nde.

Wahyu 2:2

Ji jam subot suk mwa gato nin ben ne. Ji jam do, nin ben nin bi suk-i, nin samok. Kapre nin ku sukye, nin misyar Ji nde, wo nin ben Ji bi suk-i pe sor. Ji jam do, nin yo kak nin mit wa ye gato ben sukibit bu ne nde. Ji jam do, nin watbot yé bok yo gato ki do, án sa, Yefun Allah bes án gum yerasul wa ben Yesus Kristus bi suk-i. Nin watbot yé bok gato ki sane sor nin jam do, yé bok ne kidar.