Yohanes 10:4 - Abun Scripture

⁴ An si an bi domba syesyar mo nden sa, an mu nyim, an bi domba boribot an, we an ké, ete an bi domba jamwa an re.

Yohanes 10:4 ပူးပေါင်းရင်းမြစ်များ

Matius 16:24

Orete Yefun Yesus ki nai bi pakon ne do, ”Ye to iwa simo Ji it yo, ye ne yo iwa ben suk ket an mit-i ne o nde, wo an ben Ji bi suk-i sor, an tepsu ye gato sam an bi kwesukwin, kapre an ku sukye mone, an kwop o, an mbau o, an simo Ji petok sor.

Yohanes 10:16

Ji si domba yi yo o gato kem mo nat ré nde. Domba ne kem mo nat tara re. Ji mu gwat domba yi ne si Ji bi domba ré sok mo nat dik sor. Bere domba yi ne jam Ji ké, ete domba ne ma si domba ré kem mo pe dik. Sane bere Ji ka dik sor anato mewa domba mwa ne sino mone.

Yohanes 10:27

Ji ké yo, Ji bi domba ne bere jamwa Ji. Ji jam domba ne, ete domba ne simo Ji.

Yohanes 10:3

Ye gato mewa bi suksi kom mo ros syo ne yo, ye gato mewa ros syo kak wa ye gato mewa bi suksi ne sokbot. Ye gato mewa bi domba ne sok mo ros mit sa, an kendo an bi suksi gedik-gedik gum, sane an bi suksi jam an ké, ete an bi suksi syesyar. An mu nyim mo nden, ete an bi suksi mu boribot an mu mo nden.

Yohanes 10:5

Ye yi ké yo, bere suksi ne yo simo ye ne nde re, wo domba ne titi wé kadit ye ne, we domba ne jam nde ye ne re.”

Yohanes 10:8

Ji yo ma nde tó, yé bok ne sino gato ma nyim gato ki do, Yefun Allah syogat án ma, yé ne kidar, án anato ye gato syimsi suk, án anato ye gato ben sukibit. Yé bok ne ké, sarewo domba yo jammo án nde re.

Yohanes 12:26

Ye gato bi nggwa mo Ji wa an ben Ji bi suk-i ne yo, ye ne si Ji mu sino. Pe gato Ji mó, Ji bi pakon ne sisu Ji mone dom. Ye gato bi nggwa mo Ji wa an ben Ji bi suk-i yo, bere Ji bi Ai bes ye ne gum kok.”

Yohanes 13:15

Ji kadum os gato ndo nai nin wa nin muket. Sane yo suk gato Ji ben wa nin, nin waii ben tepsu Ji ben ne.

Yohanes 18:37

Pilatus ki nai Yefun Yesus do, ”Sane Nan anato yeraja e?” Yefun Yesus ki nai an do, ”Nan dakai ki do, Ji anato yeraja. Sangge. Ji bi im pe Ji mo bur ré. Ji ma wa Ji ki rer subot suk dik yo sor re. Ji ma wa Ji ki rer subot suk gato sangge. Ye to iwa sukdu gato sangge, bere án jammo Ji bi sukdu-i.”

Yohanes 3:29

Tepsu gato men kra yo, nggon gato ma ne anato yebris ne bi nggon anane it. Yebris bi yesyim gato sisu an mone, yesyim ne jam nggon ne ma yo, an si bi yesyim ne sino mit iwa wai o re. Sane dom ji jam do, Kristus ma ne yo, ji dom mit iwa wai o re.

1 Korintus 11:1

Nin benbot suk gato ji ben ne tepsu ji benbot suk gato Yesus Kristus ben ne.

Efesus 5:1

Men anato Yefun Allah bi pa-i gato An jimnotku ne. Sane men werwa men ben suk tepsu An ben ne et.

Ibrani 12:2

Men ben men bi suk-i yo, men bi sukjimnut kas ri mu kem pe mo Yefun Yesus et, we Yefun Yesus anato kak os wa men onyar kem mo Yefun Allah. Yefun Yesus anato ós men onyar kem pe mo Yefun sane sane sor kom mo pe gato or mó. Yefun Yesus ku sukye mo kwesukwin, sarewo Yefun Yesus simo sor, An yo damen wa kwop mo kwesukwin ne nde. An misyar, we An kok mo kwesukwin sa, An nutbot sukye gato An ku mone nde, wo An nutbot do, kam sari ne ma, bere An mit at ndo nde mo os gato An kak wa men yetu ne o re. Su ré An kem tak Yefun Allah de syim ge, mone An si Yefun jom suk mwa ne sino.

Ibrani 6:20

Yefun Yesus duk os mu nyim mo men gwem sok mo gumwak fo ne it. An sok mone tepsu yegweswai wa men si Yefun Allah. Yefun Yesus ben suk tepsu yekwesu gato gum kok wai mo Yefun Allah bi nu wa men sane sor kem to kapyo mato kapyo, tepsu yegweswai gato sok mo Melkisedek bi de-i.

1 Petrus 2:21

Yefun Allah fro nin wa nin ku sukye, we Yesus Kristus dakai ku sukye wa nin mó re. Mone An kadum os wa nin, subere nin waii ben nin bi suk-i tepsu An ben ne. An da ku sukye, sarewo

1 Petrus 4:1

Yesus Kristus ku sukye mo An kaim mó re. Sane nin dom, nin nai sukjimnut tepsu An. Nin fro nin nggwa wa nin ku sukye mo nin kaim tepsu An et. Nin nai sukjimnut sane, we nin ku sukye saga Kristus ku mo An kaim ne yo, bere nin yo ben sukibit ket nin í ne o nde.

1 Petrus 5:3

Nin mewa án yo, nin bes nin nggwa kok tepsu nin gum yepasye gato jom án nde, wo nin ben nin bi suk-i ndo subere nin kadum os ndo wa án benbot et.