Yohanes 1:3 - Abun Scripture

³ Yefun Allah ut suk mwa ne sino, su Yefun Yesus gato ye kendo do Sukdu ne. Sukdu do yo mo nde yo, Yefun Allah yo ut suk mo gu nim si bur ré mo nde.

Yohanes 1:3 ပူးပေါင်းရင်းမြစ်များ

Yohanes 1:10

Ye gato rer sangge kai ma mo bur ré, su ketke Yefun Allah ut bur ré su An, sarewo nje mo bur ré yo jam nde An re.

Yohanes 1:2

Kadit ketke Sukdu ne si Yefun Allah mó.

1 Korintus 8:6

sarewo men yé gato onyar kem mo Kristus jam do, Yefun Allah ne ka dik sor. An anato nggi wai o re. Yefun Allah anato men bi Ai. An anato ut suk mwa mo bur ré si gu nim ne. Men kem mo bur ré wa men ben An bi suk-i sor. Men bi Yekwesu gato men jammo ne ka dik sor. Men bi Yekwesu ne anato Yesus Kristus. Yesus Kristus ne anato ós Yefun Allah ut suk mwa mo bur ré si gu nim. Kadit Yesus Kristus ne anato men mbau mó tó re.

Efesus 3:9

Ji mu ji ki subot os ndo ne sor nde, wo Yefun Allah bes ji wa ji ki subot suk gato Yefun ben subere An bi os-i ne kas sisu ndo mo bur ré, ji kibot rer wa yé mwa jam. Suga nyim tuya, Yefun Allah, gato ut suk mwa mo bur ré, An gurik sukdu ne kadit men, wo su ré, os gato An fro wa men ne An kadum bor it, orete ji mu ki subot sukdu ne rer wa yé jam o re.

Ibrani 11:3

Men onyar kem mo Yefun Allah, sane anato men jam do, Yefun Allah ki sukdu sor ete suk mwa mo gu nim si bur ré ne sino dakai bor subot An bi sukdu-i ne mó re. Sane suk gato men me su men gro gato bor ré, ma kadit sukdu gato Yefun Allah ki ne sor re, Yefun Allah yo nai suk yi neya wa An ut suk mwa su ne yo mo nde, wo An ki sukdu sor re, ete suk mwa ne bor re.

1 Yohanes 5:1

Ye gato nai sukjimnut do, sangge, Yefun Yesus anato Yekwesu gato Yefun Allah syogat ma mo bur ré kak os ndo wa men yetu tepsu Yefun Allah tom ne yo, ye ne sok mo Yefun Allah bi rus-i it. Sane ye gato bi sukjimnut sye kas subot an bi Ai mo gu bere bi sukjimnut sye kas subot bi Ai ne bi pá-i mwa ne sino dom.

Wahyu 3:14

Yefun Allah bi Gan ki nai ji do, ”Nan krom sukdu wa malaikat gato mewa yé gato onyar kem mo Yefun Yesus mo nu ari mo kota Laodikia sare do: Ji gato Sangge, Ji gato ki Ji bi sukdu-i subot Yefun Allah ne sangge, Ji gato ki Yefun Allah bi sukdu-i sisu ri-roi sor, Ji gato jom suk mwa gato Yefun Allah ut mo i-ke ne sino, Ji bi sukdu-i anare:

Wahyu 4:11

”Men bi Yekwesu ne e, Yefun gato jom men ne e, Nan sa, tep wa men bes Nan gum kok ne o, Men bes Nan gum sye ne o. Men bi Yekwesu ne e, Yefun gato jom men ne e, Nan sa, tep wa men un Nan gum ne o, Nan sa, tep wa ku suktinggi ne o. Men bes Nan gum kok a we, Men un Nan gum a we, Nan ut suk mwa ne sino o, Nan bi mas mo suk mwa ne sino o.”