Wahyu 9:11 - Abun Scripture

¹¹ Yoi bi yekwesu anato malaikat ge dik yo. Malaikat ne yekwesu mo kwoye sye mo bur desnak ne dom. Su a Ibrani malaikat ré gum do, Abadon. Su a Yunani malaikat ré gum do Apolion (gato bi sukjimnut do, ”Ye gato ben yetu ibit”).

Wahyu 9:11 ပူးပေါင်းရင်းမြစ်များ

Lukas 8:31

Semda mwa ne ndek gat Yefun Yesus subere Yefun Yesus syun án mu ngga mo kwoye sye gato mo bur desnak ne nde.

Yohanes 12:31

Yefun Allah ndobot yetu mo bur ré sino anare it. Suk gato An ki ne kwop mone it, ye yo sis o nde. Yekwesu gato jom yetu mo bur ré, Ji is an wé it anare.

Yohanes 14:30

Ji yo ki suk mwa su nin o nde, we biris bi yekwesu gato jom bur ré ma it anare. Sarewo biris bi yekwesu yo nggiwa jom Ji nde,

Yohanes 16:11

Bere Yefun Allah Gen kak yé bi sukjimnut subere án jam do, Yefun Allah syo sukye nai nje sino gato ben sukibit wai mo An mit, we Yefun Allah syo sukye nai biris bi yekwesu gato jom bur ré it anare.

Yohanes 5:2

Mo Yerusalem karowa pe gato gum do, ”Domba bi Ros Syo” ne syurgun dik yo mone. Syurgun ne su a Ibrani gum do Betesda. Mone yé nggo nukot mumek wairi syurgun ne.

Yohanes 8:44

Nin bi ai anato biris bi yekwesu. Nin iwa nin ben suk tepsu nin bi ai mit sor. Kadit ketke it, nin bi ai ne anato gu nje kwop. Nin bi ai bariwa suk gato sangge sino, we mo an mit suk gato sangge yo mo nde. Biris bi yekwesu ne do kidar suk yo, an ki an bi sukdu-i sagana anane, we an anato kidar suk nggi. Sukkidar mwa ne sino bi i-ke mo biris bi yekwesu re.

2 Korintus 4:4

Yé gato jam nde Yefun yo, bere án yo but sukdu ne ri nde, we biris bi yekwesu gato bes nggwa kok ete werwa jom yetu mo bur ré ne rai yé ne bi sukjimnut-i ne krat mo ndendu bi suk-i re. Sukdu subot os ndo gato Yesus Kristus kak wa men yetu ne bi suktinggi bor mo bur ré tepsu sukru sye wa men, Kristus kadum Yefun Allah rer wa men jam, sarewo biris bi yekwesu ben suk yawa yé gato jam nde Yefun ne anato yé ne yo jambot sukdu ne nde.

Efesus 2:2

Kamdik-kamdik nin ben sukibit, nin simo bur ré bi suk-i sor. Nin jammo yekwesu ge dik gato jom suktinggi ibit gato ok muya-muma subot bur ré re. Su ré, suktinggi ibit ne anato jom yé gato bariwa jammo Yefun Allah bi sukduno-i ne.

1 Yohanes 4:4

Sarewo ji bi pa, nin anato sok mo Yefun Allah bi rus-i. Nin sa, nin misyar yenabi gato kidar suk ne si án bi sukdu-i, we Yefun Allah Gen gato bok Nggwa mo nin, An bi suktinggi nggi kadit biris bi yekwesu bi suktinggi-i gato jom ye gato jam nde Yefun mo bur ré.

1 Yohanes 5:19

Biris bi yekwesu jowa yetu mwa ne sino gato ben sukibit mo bur ré, sarewo men jam do, men ré anato sok mo Yefun Allah bi rus-i.

Wahyu 12:9

Mikhael si bi malaikat-i am naga sye ne wé kadit gu re. Naga gane anato tepsu kwis kadit nyim tuya gato gum do biris bi yekwesu. Yé kendo biris bi yekwesu ne gum do Iblis dom. Naga gane ben kidar yetu mwa mo bur ré ges mo os ibit. Orete Mikhael si bi malaikat-i am naga sye ne si bi malaikat-i sino mu is kadit gu ma mo bur ré re.

Wahyu 16:16

Sane malaikat ibit ge gri ne mubot bur ré iwedewe. Malaikat ge gri ne sum yesu mwa mo bur ré iwedewe ma mo nat gato ye ki su a Ibrani ne gum do, Harmagedon mo ye Yahudi bi bur-i.