Wahyu 8:7 - Abun Scripture

⁷ Malaikat dofutmo fuf bi trompet-i ba sa, yé yo am es gato krat sa jok tepsu nogi si bot fros su yetu dé ges mo bur ré re. Bur napyo bot git or re. Kweke mwa ne sino napyo bot git or re. Kadit kweke gri, ke dik bot git, wo ke we kem. Es kur mwa ne sino, bot git or re.

Wahyu 8:7 ပူးပေါင်းရင်းမြစ်များ

Yakobus 1:11

Kam it, ete kam gat yó, kam gat es u ne mbrai ete i-u ne ges re. Sane dom, ye gato ku suk mwa, an werwa sum suk mwa wa an dakai mo bur ré saresa, an dakai kwop su mit wé kadit bur ré re.

1 Petrus 1:24

Men yetu da kridek, wo Yefun Allah bi sukdu kem gesyos tepsu sukdu gato ye krom mo Yefun Allah bi sukdu ne ki sare do, ”Yetu mwa ne sino mo bur ré tepsu es gato kom mo bur, sarewo es ne bergan te re. Suk mwa gato yetu ben gato ndo yé anato tepsu es u gato ndo yé, sarewo bergan es ne te re, ete es u ne ges or re,

Wahyu 12:4

Naga nyo gwa bí napyo ges or kadit gu. Naga gwa bí ne sor bí ges gwa mo bur re. Naga ti mo nggon gato nukwe i su pa ne gwem es ndek wa nggon kem su pa. Naga eswa subere nggon do kem su pa-i, naga kuk-i.

Wahyu 16:2

Malaikat doketke gwat Yefun Allah bi sukmaskwa mo mbem ne mu ete sye mo nje mo bur ré. Sane kos sye si wip mok sye git yé mwa gato ye syat suge doketke bi ja mó. Kos sye si wip mok sye git yé mwa gato som suk gato ye ut ka sa suge ne.

Wahyu 16:21

Sugane dom, nogi es gato krat sa jok gato sye, bo dik de kom mo kilogram musyu mek. Nogi es ne gwa nje mo bur ré. Yé ku sukye ndo nde, sane yé dufo mo Yefun Allah tepsu sukye gato yé ku mo nogi es ne.

Wahyu 6:8

Ji sokme sa, kuda er kwosak ge dik yo ma. Ye gato it mo kuda ne gum do, Sukkwop. Ye gato gum do Gwinggri Syo boribot karowa Sukkwop. Ye we ne ku suktinggi wa gu yetu napyo kwop wé kadit bur ré. {Sato yetu ge wotin at yo, an we ku suktinggi wa an we gu ge wotin dik wé, wo ge wotin gri kem.} Ye we ré gwat os bok yo wa gu nje kwop su suk sato: yé gu yu e, sukonde sye gu nje kwop e, suki wis bok yo gu nje e, suge krok gu nje e ne.

Wahyu 7:1

Ji sokme suk gato yé mwa ne sino ben ne or sa, ji sokme malaikat ge at ti mo bur ré nap at. Malaikat ge at ne butwa nobu nim e, nobu ket e, nobu njot si nobu sem ne sino, subere nofuf ne yo kas ti mo bur nde, yo kas ti mo sem nde, yo kas ti mo kwe dom nde.

Wahyu 9:15

Malaikat kedomumat ne mu sombok malaikat ge at ne. Malaikat ge at ne, Yefun fro ndek wa mu gu yetu napyo kwop wé tepsu bi jam, si bi kam, si bi aina si bi tahun gare it. Kadit yetu ge gri, án gu ge dik kwop, wo ge we ete kem tó.

Wahyu 9:18

Bot e, bot bu e, belerang e ne, suk gri ne ben sukye wa nje. Suk gri gato syesyar kadit kuda syokwet ne gu yetu napyo kwop or re. Kadit yetu ge gri, án gu ge dik kwop, wo ge we ete kem tó.

Wahyu 9:4

Yefun syaugat yoi ne do, ”Yoi git es e, kwe e, sukjan e ne ibit nde, wo yoi jau yetu gato ye yo syat Yefun bi ja mo án git det ne mo nde. Yetu gato gum sok mo Yefun bi rus-i ne, yoi gu nde.”