Wahyu 8:10 - Abun Scripture

¹⁰ Malaikat kedogri fuf bi trompet-i ba o sa, bí sye dik yo ges kadit gu. Bí ne ru sye tepsu sukru sye. Bí ne ges mo syur napyo si syur nggrup napyo.

Wahyu 8:10 ပူးပေါင်းရင်းမြစ်များ

Matius 25:1

”Su kam gato bere Yetu bi Pa ma tepsu men bi Yekwesu, bere yé ben suk mo bur ré tepsu sukamno ré: nggonnak ge musyu dik gwat án bi sukru ete mu sakanwa yebris gato bere kra.

Lukas 10:18

Yefun Yesus ki do, ”Ji jam re. Ji me biris bi yekwesu ges kadit gu tepsu nowarek re. {Semda sok mo biris bi yekwesu bi rus-i, sane semda jammo nin anato yekwesu ne ges kadit gu re.}

Yudas 1:13

Án tepsu sem nap sye wai gato sam sukkwik si i-bre mu bare mo nden. Sukkwik ne tepsu sukibit gato án ben ne, án nutbot sisu ndo yo, bere án damen mone, wo án yo nutbot sukibit gato án ben ne nde. Án tepsu bí gato waiyu muya-muma mo gu nim ne, sarewo án mu siri kadit pe gato Yefun Allah fro wa án muket ne. Sane anato bere Yefun Allah fro nat gato ndendu yut wa án kem mó to kapyo mato kapyo.

Wahyu 1:20

Ji ki rer subot bí mufit gato nan me mo Ji syim ge ne si suk gato ka sa dem sor gato ye ben kadit emas wa ye dum sukru bo mufit ne. Suk we ne bi sukjimnut ne Yefun gurik kadit yetu, wo su ré Ji ki bi sukjimnut ne rer wa nan jam. Bí mufit bi sukjimnut do, malaikat ge mufit gato mewa yé gato onyar kem mo Yefun Yesus mo nu ari mo kota mufit ne {Efesus e, Smirna e, Pergamus e, Tiatira e, Sardis e, Filadelfia si Laodikia ne}. Or o, suk gato ka sa dem sor wa ye dum sukru mufit mone bi sukjimnut do, yé gato onyar kem mo Yefun Yesus mo nu ari mo kota mufit ne.”

Wahyu 12:4

Naga nyo gwa bí napyo ges or kadit gu. Naga gwa bí ne sor bí ges gwa mo bur re. Naga ti mo nggon gato nukwe i su pa ne gwem es ndek wa nggon kem su pa. Naga eswa subere nggon do kem su pa-i, naga kuk-i.

Wahyu 14:7

Malaikat ne saiye do, ”Ré yo, kam tepsu Yefun Allah ndobot men yetu mwa ne sino mo bur ré it, sane nin nyuwa Yefun Allah et! Nin bes An gum kok sye wai et! Nin jammo An gato ut gu nim ne e, bur ré e, sem e, syur e ne sino et!”

Wahyu 16:4

Malaikat kedogri gwat Yefun Allah bi sukmaskwa mo mbem ne mu ete sye mo syur si syur nggrup. Sane syur rom er tepsu yetu dé.

Wahyu 6:13

Bí mwa ne mo gu ne ges mo bur, sugato nofuf kas nggi ti mo kwe ne, kwekwa ram eteyo kwe bo ges or.

Wahyu 8:7

Malaikat dofutmo fuf bi trompet-i ba sa, yé yo am es gato krat sa jok tepsu nogi si bot fros su yetu dé ges mo bur ré re. Bur napyo bot git or re. Kweke mwa ne sino napyo bot git or re. Kadit kweke gri, ke dik bot git, wo ke we kem. Es kur mwa ne sino, bot git or re.

Wahyu 9:1

Malaikat kedomumek fuf bi trompet-i ba o sa, ji sokme bí dik yo ges mo bur re. Orete ji sokme ye yo syo kunci nai bí gato ges ne wa kak kwoye sye gato mo bur desnak ne syo su.

Wahyu 9:15

Malaikat kedomumat ne mu sombok malaikat ge at ne. Malaikat ge at ne, Yefun fro ndek wa mu gu yetu napyo kwop wé tepsu bi jam, si bi kam, si bi aina si bi tahun gare it. Kadit yetu ge gri, án gu ge dik kwop, wo ge we ete kem tó.

Wahyu 9:18

Bot e, bot bu e, belerang e ne, suk gri ne ben sukye wa nje. Suk gri gato syesyar kadit kuda syokwet ne gu yetu napyo kwop or re. Kadit yetu ge gri, án gu ge dik kwop, wo ge we ete kem tó.