Wahyu 8:1 - Abun Scripture

¹ Domba Gan kak lilin gum domufit ne wé sa, suk mwa gato mo gu ne not re. Suk mwa mone yo ki sukdu kwa dik yo mo nde sane sor kom mo jam napyo or,

Wahyu 8:1 ပူးပေါင်းရင်းမြစ်များ

Matius 27:66

Sane yekwesú si yepasye ne sino mu mo jokwak, ete án grem suk yo wa ós jom jok sye gato ye grem wa jokwak syo ne subere krat. Orete án fro yesukmise ne mewa makwe ne noru nombrak sor, subere ye yo ma ben suk yo mone nde.

Wahyu 5:1

Orete ji sokme Ye gato kem mo Yefun bi kursi ne jom buku mo An syim ge. Mo buku mit ye krom suk mo kertas de we ne sino. Ye rum buku ne orete Yefun ut su lilin rom wam mufit wa jom kertas mo de nden ut krat. Ye me lilin gum mone anato ye jam do, Yefun bi buku anane, sane ye gato Yefun bes ne sor ete gum tep wa kak lilin gum ne wé re.

Wahyu 5:9

Án sino ba sukbadek be yo sare do, ”Domba ga gum kok ne o, Domba ga sye wai ne o, Nan sa, gum kok tep wa Nan nai buku ne o, tep wa Nan kak lilin gum wé ne o. Nan gum kok a we, Nan gum sye wai a we, Ye gu Nan, Nan dé sye wa yetu ne o, Nan bi nggwa tepsu suktot wa ne o. Nan dé sye wa yetu o, Nan tepsu suktot wa yetu o, Nan dé sye wa yeyo-yeyo gato sok mo Yefun bi rus-i ne o, Yetu mwa ne mo buryo-buryo sino o. Nan dé sye wa yetu o, Nan tepsu suktot wa yetu o, Nan dé sye wa yetu wisyo-wisyo sino ne o, Yetu mwa gato ki ayo-ayo sino o.

Wahyu 6:1

Ji sokme saresa, Domba Gan ne kak lilin gum gato ye ut buku krat su ne. An kak lilin gum dik yo wé. Orete ji jam suge at ge dik yo saiye. Suge dik ne saiye tepsu nogu pu sare do, ”Nan ma se!”

Wahyu 6:12

Ji sokme Domba Gan kak lilin gum domumat ne wé sa, sui juwai bur ré ram ndo nde. Kam su mo gu ne te or re, kam su te tepsu san te re. Aina ne er, tepsu yetu dé re.

Wahyu 6:3

Domba Gan kak lilin gum dowe ne wé sa, ji jam suge at kedowe ne ki do, ”Nan ma se!”

Wahyu 6:5

Domba Gan kak lilin gum dogri ne wé sa, ji jam suge at kedogri ne ki do, ”Nan ma se!” Ji sokme sa, kuda te ge dik yo ma. Ye gato it mo kuda ne jom timbangan.

Wahyu 6:7

Domba Gan kak lilin gum doat ne wé sa, ji jam suge at doat ne ki do, ”Nan ma se!”

Wahyu 6:9

Domba Gan kak lilin gum domek ne wé sa, ji sokme yetu da gesyos ge bok yo mo meja gato ye gre suge wa som Yefun Allah su mone. Yé bok ne kem mo meja desnak mo bur. Suga nyim yé bok ne mbau mo bur ré tó, án kibot Yefun Allah bi sukdu. Án kibot sukndo gato Yefun ben su án nai ye yi jam gat pe sor anato yé gu án kwop wé mone.