Wahyu 7:9 - Abun Scripture

⁹ Ji sokme ye syat ja mo ye Israel ge 144.000 mo án git det ne or sa, ji sokme yetu mwa wai ndo nde mo ji gwem. Ye yo nggiwa ne yetu mwa ne or nde, yetu mwa teker ware. Yé mwa ne ma kadit buryo-buryo, kadit wisyo-wisyo, kadit yeyo-yeyo, kadit ayo-ayo. Yé mwa ne sino ti mo yekwesu bi kursi ne tak de gwem. Yé mwa ne sino ti mo Domba Gan gwem. Yé mwa ne sino it san gato kwo ndo. Yé mwa ne jom gur nat mo án kadik-kadik syim, we án mit at wa án si Yefun kem sino mo nat ne.

Wahyu 7:9 ပူးပေါင်းရင်းမြစ်များ

Lukas 12:1

Ye Farisi si yeguru agama ben bi suk-i sa, yé mwa ye re sum mone wa án me Yefun Yesus. Yetu ge ribu bok yo, yé mwa ne ti buk mo yu. Sane Yefun Yesus yo ki sukdu nai yé mwa ne nde tó, Yefun Yesus ki nai An bi pakon do, ”Nin mewa nin nggwa kadit ye Farisi bi bibit roti-i. Nin mewa nin nggwa subere nin ben suk tepsu ye Farisi ne nde. Ye Farisi duno nje su án syokwet sor, wo án yo benbot án bi sukduno nde.

Lukas 21:36

Nin frawa nin nggwa pe et! Nin ki suk su Yefun Allah petok sor subere An ós nin titi fro wé kadit sukye gato bere ma ne. Nin ndek mo Yefun Allah dom subere su kam gato Ji, gato Yetu bi Pa ma ndobot nin yetu ne, nin yo damen mo suk gato nin ben ne nde.”

Yohanes 12:13

Sane yé mwa ne nai beibir nat, ete án mu mo os wa án kar Yefun Yesus. Yé mwa ne mubot os saresa, án saiye do, ”Men un Yefun Allah et! Ye gato Yefun Allah syogat ma ré, Yefun Allah ben sukndo su An et! Yefun Allah, Nan ben sukndo su Ye ré, ye Israel bi yeraja et!”

Roma 11:25

Ji bi nji, ji bi nyanggon, ji iwa nin jam subot suk yo gato Yefun Allah gurik kadit men yetu kom more. Nin jam sukdu ré subere nin dakai bes nin nggwa daret nde. Sukdu ne sare: ye Yahudi ne bere su krat sor kom mo kam gato yewis yi onyar brek ma kem mo Kristus, tepsu Yefun Allah nut do, tep mone it, orete yo, ye Yahudi yo su krat o nde.

Efesus 6:13

Sane, su ré men it yesukmise bi suk mwa ne sino gato Yefun Allah fro wa men gu yeko gane su ne, subere biris mwa gato werwa ben kidar men, gato tepsu yeko gato futma wa gu men do ma it yo, men nggiwa syun yeko ne titi wé kadit men. Men it yesukmise bi suk ne subere men ti nggi wa men syun yeko ne sor kom mo pe gato or mó, ete mone men jom Kristus bi sukduno-i ne krat tó.

Ibrani 11:12

Abraham yo ku pa nde tó, Abraham ka yenggras rok it, an yo nggi o nde, sarewo ri ma an bi wis-i ne mwa yé, ye yo nggiwa ne Abraham bi pa-i mwa ne sino or nde. Abraham bi wis-i mwa yé, tepsu bí mo gu re. Sane dom, an bi pa-i mwa wai o re, tepsu yen mo sem de.

Ibrani 12:22

Nin yo ku sukye tepsu ye Israel ku ne nde, wo ben sato nin mu kom mo banbo Sion it, nin mu kom mo Yefun Allah gato gesyos ne bi kota re. Kota ne anato tepsu Yerusalem be gato Yefun fro mo gu nim. Mone malaikat mwa yé ndo nde sum, malaikat mwa ne wi, malaikat ambre mo sukndo gato Yefun Allah ben ne. Ben sato nin mu kom mo pe gato malaikat mwa kem mone re.

Wahyu 11:15

Malaikat kedomufit fuf bi trompet-i ba o sa, ji jam ye ki sukdu sye mo gu sare do, ”Su ré sa, Yefun Allah gato jom men si Kristus gato Yefun Allah syogat ma wa kak os ndo wa yetu sok mo Yefun bi rus-i ne, ré ne Yefun Allah si Kristus jom bur ré it. Kadit kam ré sa, Yefun Allah si Kristus dakai jom yetu mo bur ré to kapyo mato kapyo it.”

Wahyu 22:3

Suk mwa mo kota ne ndo sino. Yefun Allah yo dufo mo suk yo gato kem mo kota ne mo nde. Bere mo kota ne, Yefun Allah si Domba Gan bi kursi sye mó. Yefun bi pakwerut ben Yefun bi suk-i mone.

Wahyu 3:18

Sane Ji duno nin do, emas gato ye kon ete ye nggri su san det sane sor nggren ne, nin ma nin so kadit Ji et. Sane bere nin tepsu ye gato ku suk mwa. Nin so san kwo wa nin it et. Sane bere nin kawarun o nde, bere nin damen o nde. Nin so ron wa nin es mo nin gro gan et. Sane bere nin sokme suk sisu ndo.

Wahyu 4:4

Kursi musyu we sop at yo o kem wairi wa Yekwesu gato gum kok wai ne bi kursi. Mo kursi mwa ne, yenggras gato gum kok ge musyu we sop at kem mó. Yenggras bok ne it san gato kwo ndo. Án bom yekwesu bi topi emas mo án su.

Wahyu 5:11

Orete ji sokme mone o. Ji jam malaikat yaino, mwa yé re, ki bi sukdu-i. Malaikat ne mwa yé ndo nde, mwa wai o re, nat ne buk su. Malaikat yaino ne ti wairi wa suge at sisu yenggras ge musyu we sop at ne.

Wahyu 5:9

Án sino ba sukbadek be yo sare do, ”Domba ga gum kok ne o, Domba ga sye wai ne o, Nan sa, gum kok tep wa Nan nai buku ne o, tep wa Nan kak lilin gum wé ne o. Nan gum kok a we, Nan gum sye wai a we, Ye gu Nan, Nan dé sye wa yetu ne o, Nan bi nggwa tepsu suktot wa ne o. Nan dé sye wa yetu o, Nan tepsu suktot wa yetu o, Nan dé sye wa yeyo-yeyo gato sok mo Yefun bi rus-i ne o, Yetu mwa ne mo buryo-buryo sino o. Nan dé sye wa yetu o, Nan tepsu suktot wa yetu o, Nan dé sye wa yetu wisyo-wisyo sino ne o, Yetu mwa gato ki ayo-ayo sino o.

Wahyu 6:11

Yé bok ne ku san gato kwo ndo wa án it. Yefun syogat án kem not yei sane sor án bi nji, gato si án ben Yefun bi suk-i ne, yé gu kwop sagato yé gu án ne, kom mo pe gato or mó, ete bere Yefun ndobot yetu mo bur ré.

Wahyu 7:8

Zebulon bi wis-i ge 12.000, Yusuf bi wis-i ge 12.000, si Benyamin bi wis-i ge 12.000. {Yé mwa ne to yu anare.}