Wahyu 7:3 - Abun Scripture

³ Malaikat ne ki do, ”Nin misyar nobu kas ti mo bur nde tó. Nin misyar nobu kas ti mo sem nde tó. Nin misyar nobu kas ti mo kwe dom nde tó. Nin misyar nobu kas ben suk bok ne ibit nde tó yei, sane sor men syat ja wa Yefun bi rus-i or wé et. Men krom sukdu, men syat ja wa Yefun Allah gato jom men ne bi pakwerut git det or wé, ete nin misyar nobu kas ti mo suk bok neya sor.”

Wahyu 7:3 ပူးပေါင်းရင်းမြစ်များ

Matius 24:22

Bere kam gato yé ku sukye su ne Yefun Allah tot napyo wé, ondeyo yé mwa ne kwop or. Yefun Allah jimnotbot yé gato Yefun fro suga nyim wa An nai sok mo An bi rus-i, sane bere An tot kam gato yé ku sukye su ne napyo wé re.

Matius 24:31

Malaikat dik yo fuf trompet ba sye yo, bere Ji syogat Ji bi malaikat mubot bur ré iwedewe nai yé gato Yefun Allah fro suga nyim wa An nai sok mo An bi rus-i ne. Malaikat ne bere nai yé ne kadit nobu nim, kadit nobu ket, kadit nobu sem, kadit nobu nden. Malaikat nai yé mwa ne sor kadit bur ke kom mo bur naprut ne.”

Yohanes 12:26

Ye gato bi nggwa mo Ji wa an ben Ji bi suk-i ne yo, ye ne si Ji mu sino. Pe gato Ji mó, Ji bi pakon ne sisu Ji mone dom. Ye gato bi nggwa mo Ji wa an ben Ji bi suk-i yo, bere Ji bi Ai bes ye ne gum kok.”

Yohanes 3:33

Sarewo ye gato onyar kem mo sukdu gato An ki ne yo, ye ne nai sukjimnut do, Yefun Allah sangge it.

Roma 6:22

Sarewo su ré, Yefun Allah sombok nin wé kadit sukjimnut ibit gato jom nin ne it. Nin tepsu Yefun Allah bi pakwerut it. Mone nin ku suk gato ndo anato Yefun Allah nai nin wa nin ben Yefun Allah dakai bi suk-i sor, ete kom mo rut sa, bere nin kem ndo to kapyo mato kapyo.

Wahyu 13:16

Suge kedowe syaugat yetu mwa ne sino, ye gato gum sye e, ye gato gum wok e, yemambot e, yebaut e, pakwerut e, ye gato dakai ti mo an dakai e, yetu mwa ne sino mo bur ré subere ye syat ja mo ye syim rut tak de syim ge, ondeyo mo ye git det.

Wahyu 13:17

Yé gato ye syat ja mo nde yo, bere yé ne yo ku os wa so suk o nde. Yé gato ye syat ja mó yé ne sor ete ku os wa án bijual suk si so suk sor re. Ja ne anato tepsu suge kedowe ne gum, ondeyo, ja ne anato tepsu suge doketke ne gum bi nomor.

Wahyu 14:1

Orete ji sokme Domba Gan ti mo banbo Sion. Yetu ge 144.000 si Domba Gan ti mone sino. Ye krom Domba Gan si bi Ai gum mo yé mwa ne git det re.

Wahyu 14:9

Malaikat kedogri waii boribot malaikat ge we ne, ete saiye do, ”Yé gato som suge doketke si suk gato ka sa suge ne, ete ye syat ja mo án git det, ondeyo ye syat ja mo án syim rut de nden ne yo,

Wahyu 19:2

An ndobot nje mo bur ré sa, An ndobot An bi suk-i ne ri-roi sor, An syo sukye nai yetu mo bur ré tepsu sukibit gato yé ben ne. Yé mo kota gato ben suk sato nggon gato ben siri mwa ne, Yefun syo sukye nai re. Ben sato yé mo kota ne tik yé mwa mo bur ré mit anato yé mwa ne simo os ibit tepsu nggon gato ben siri mwa tik yé mit wa ben suksiri. Ben sato nggon ne gu Yefun Allah bi pakwerut kwop wé mone, sane Yefun Allah waii gu nggon ne wé win sukibit gato nggon ne ben re.”

Wahyu 20:4

Orete ji sokme yekwesu bi kursi bok yo. Yé gato kem mone anato yé gato ku suktinggi wa jom ete ndobot yetu. Sane dom ji sokme yetu ge bok yo gato ye gu kwop. Ye tot yé bok ne su toko wé su mbam, we yé bok ne ki subot suk gato Yefun Yesus ben ne, án ki subot Yefun Allah bi sukdu-i. Yé bok ne yo som suge doketke si suk gato ye ut ka sa suge ne nde. Ye yo syat suge doketke bi ja mo yé bok ne git det nde. Ye yo syat ja mo yé bok ne syim rut ne dom nde. Yé bok ne Yefun sun kadit sukkwop o re, án si Kristus jom nje tepsu yekwesu sane sor kom mo tahun ribu dik.

Wahyu 22:4

Bere Yefun bi pakwerut dakai ku Yefun Allah gro mone. Ye krom Yefun Allah gum mo án git det.

Wahyu 6:6

Sugane ji jam sukdu sato yetu ki bi sukdu-i syesyar kadit suge at ne miten sare do, ”Gaji gato ye ku mo suk gato ye ben mo kam dik ne tepsu ye so gandum gato ndo tepsu kilo dik sor re. Sane dom, kam dik bi gaji tepsu ye so gandum wis yi tepsu kilo gri sor re. Gandum wis bok ne sugum sye re, sarewo nan mewa kwe zaitun si nggwe anggur subere ibit nde.”

Wahyu 7:1

Ji sokme suk gato yé mwa ne sino ben ne or sa, ji sokme malaikat ge at ti mo bur ré nap at. Malaikat ge at ne butwa nobu nim e, nobu ket e, nobu njot si nobu sem ne sino, subere nofuf ne yo kas ti mo bur nde, yo kas ti mo sem nde, yo kas ti mo kwe dom nde.

Wahyu 7:2

Ji sokme malaikat ge dik yo o gato ma kadit nobu nim it mu mo gu. Malaikat ne gwat Yefun Allah gato gesyos ne bi ja gato Yefun syat wa An bi rus-i. Yefun syat ja wa bi rus-i ne gedik-gedik mo án git det subere ye jam do, ye ne sok mo Yefun bi rus-i it anane. Malaikat ne saiye nai malaikat ge at gato ku suktinggi wa ben bur si sem ibit ne.

Wahyu 9:4

Yefun syaugat yoi ne do, ”Yoi git es e, kwe e, sukjan e ne ibit nde, wo yoi jau yetu gato ye yo syat Yefun bi ja mo án git det ne mo nde. Yetu gato gum sok mo Yefun bi rus-i ne, yoi gu nde.”