Wahyu 7:2 - Abun Scripture

² Ji sokme malaikat ge dik yo o gato ma kadit nobu nim it mu mo gu. Malaikat ne gwat Yefun Allah gato gesyos ne bi ja gato Yefun syat wa An bi rus-i. Yefun syat ja wa bi rus-i ne gedik-gedik mo án git det subere ye jam do, ye ne sok mo Yefun bi rus-i it anane. Malaikat ne saiye nai malaikat ge at gato ku suktinggi wa ben bur si sem ibit ne.

Wahyu 7:2 ပူးပေါင်းရင်းမြစ်များ

Matius 16:16

Simon Petrus ki do, ”Nan anato Yekwesu gato Yefun Allah bes gum Kristus, gato Yefun Allah syogat ma mo bur ré wa nai men yetu kadit sukye ete jowa men. Nan anato Yefun Allah gato gesyos ne bi Gan.”

Matius 26:63

Sarewo Yefun Yesus not sor. Yekwesu ne ki nai Yefun Yesus o do, ”Ji syogat Nan ki suk gato sangge tepsu Nan ki mo Yefun Allah gato gesyos ne gwem. Nan ki rer nai men jam et, Nan anato Yekwesu gato Yefun Allah syogat ma mo bur ré wa nai men yetu kadit sukye ete jowa men, bado? Te nan anato Yefun Allah bi Gan ne bado?”

Yohanes 6:27

Nin ben suk it yo, nin meret sugit gato bergan kwik kadit nin nde re. Wo nin ben suk it yo, nin meret sugit gato kem nam, gato ben nin mbau gesyos. Bere Yetu bi Pa to Ji ré syo sugit ne nai nin re, we Ji bi Ai Yefun Allah bes Ji gum kok subere Ji kak os ndo wa nin kem gesyos re.”

2 Korintus 1:22

Yefun ben sato syut suk yo yawa men tepsu An hiwa men subere yé jam do, men anato sok mo An bi rus-i it. An bok An Gen mo men mit re, sane men jam do, sangge, men sok mo An bi rus-i, ete suk mwa gato An tom su men ne, bere An ben su men mone tó.

Efesus 1:13

Nin ye Efesus dom jam Yefun Allah bi sukdu subot os ndo gato Yesus Kristus kak ne. Sukdu ne ós nin kem ndo to kapyo mato kapyo. Nin jam, orete nin onyar kem mo Yesus Kristus, sane anato nin sok mo Yefun Allah bi rus-i ne it. Nin onyar kem mo Kristus, sane Yefun Allah bok An Gen mo nin tepsu An tom ne, subere yé jam do, nin anato Yefun Allah bi pá-i it.

Efesus 4:30

Nin ki suk yo, nin ki sukibit gato ben Yefun Allah Gen baoku nin mone nde, we Yefun Allah Gen ós nin jam rer do, nin sa, sok mo An bi rus-i. Sane bere nin jam rer do, Yefun Allah Gen mewa nin sor kom mo kam gato An nai nin wé kadit sukye, ete gwat nin sok mo An bi nat-i. Mone bere nin kem ndo to kapyo mato kapyo.

1 Tesalonika 1:9

we yé mwa mo bur ré iwedewe ne nuk subot sukndo gato nin ben su men tomgato men ma si nin kem mo kota Tesalonika ne. Yé mwa ne nuk do, nin iwa men ma ku nin mone. Yé mwa ne nuk o do, nin misyar sukdaret mwa mo bur ré gato nin som daret, orete nin brek ma nin bi nin nggwa mo Yefun Allah gato sangge, ete nin ben Yefun Allah gato gesyos ne bi suk-i sor.

2 Timotius 2:19

Sarewo Yefun Allah bi sukduno-i kem pe kadit ketke. Yetu yo nggiwa rus sukduno kwa wokgan yo wé dom nde. Yefun Allah bi sukduno-i tepsu nu bi pondasi gato ye ut mo bur ketke wa ye syut kwedi mó. Mo pondasi mo bur ne ye krom do, ”Yefun Allah jam ye gato sok mo An bi rus-i.” Ye krom o do, ”Ye gato ki rer do, sangge an sok mo Yefun Allah bi rus-i yo, an kwet kadit sukibit mwa gato an ben suga nyim ne wé et.”

Ibrani 12:22

Nin yo ku sukye tepsu ye Israel ku ne nde, wo ben sato nin mu kom mo banbo Sion it, nin mu kom mo Yefun Allah gato gesyos ne bi kota re. Kota ne anato tepsu Yerusalem be gato Yefun fro mo gu nim. Mone malaikat mwa yé ndo nde sum, malaikat mwa ne wi, malaikat ambre mo sukndo gato Yefun Allah ben ne. Ben sato nin mu kom mo pe gato malaikat mwa kem mone re.

Wahyu 1:3

Ye gato baca sukdu ré sye wa ye yi jam, ye ne anato mit at wa, we bere Yefun ben sukndo su an re. Ye gato jam ete benbot sukdu ré, ye ne anato mit at wa, we bere Yefun ben sukndo su an re. Ye ne mit at wa, we an jam nyim wé subot suk gato, yo nam nde ge, bere bor re.

Wahyu 10:1

Orete ji sokme malaikat ge dik yo o gato nggi is ma kadit gu. Ben sato malaikat ne pis nyotem sato yetu pis san pis ne. Bres dik yo kem wairi wa an su. An gro ru nggi tepsu kam su. An gwes tepsu kwedi gato bot ru mó.

Wahyu 10:4

Nogu pu wam mufit sa, bergan ji nut do ji krombot sukdu gato ji jam kadit nogu ne, sarewo ji jam yetu ge dik yo ki sukdu kadit gu sare do, ”Nan gurik sukdu gato nan jam kadit nogu gato pu wam mufit ne, nan krom nde.”

Wahyu 16:12

Malaikat kedomumat gwat Yefun Allah bi sukmaskwa mo mbem ne mu ete sye mo syur sye gato gum do Syur Efrat. Syur ne sá re. Sane yeraja ge bok yo kadit nobu nim ku os wa án muket nat gato syur sá kadit ne ma mo ye Yahudi bi bur-i.

Wahyu 5:2

Orete ji sokme malaikat ge dik yo gato nggi. Malaikat gato gwat Yefun Allah bi suktaru ne saiye nggi do, ”Je u anato gum kok tep wa an kak lilin gum bok ne wé ne? Je u anato gum kok tep wa rek buku ré ne?”

Wahyu 8:3

Malaikat ge dik yo o mu mo meja gato ye grem suk wa ye som Yefun Allah su mone, ete an ti mo meja ne de. Malaikat ne jom sukbo emas. Malaikat ne ku suk gato ye gre ete i-bu basmi grik ndo ne mwa tepsu suksom wa ye som Yefun Allah su. Yé gato onyar kem mo Yefun, án ki suk su Yefun petok sor. Sukdu gato án ki nai Yefun Allah ne, malaikat gwat sukdu ne, ete syo nai Yefun sisu suksom gato grik ndo ne. Malaikat ne grem suksom si sukdu mwa gato yé ki nai Yefun ne mo meja gato ye gre suk wa som Yefun Allah su mone. Meja gane, ye nggo su emas ete ye grem mo Yefun bi kursi tak de gwem.

Wahyu 9:14

Sukdu ne, ye ki nai malaikat kedomumat gato jom bi trompet-i sare do, ”Nan mu sombok malaikat ge at gato ye rai mo Syur Efrat de ne et.”

Wahyu 9:4

Yefun syaugat yoi ne do, ”Yoi git es e, kwe e, sukjan e ne ibit nde, wo yoi jau yetu gato ye yo syat Yefun bi ja mo án git det ne mo nde. Yetu gato gum sok mo Yefun bi rus-i ne, yoi gu nde.”