Wahyu 7:17 - Abun Scripture

¹⁷ Án yo ku sukye sane o nde, we Domba Gan gato kem mo kursi miten ne, bere mewa án. Bere Domba Gan gwat án mu mo syur nggrup gato ben án mbau. Bere Yefun Allah singgri án gro rom ne sino sa kadit án gro re.”

Wahyu 7:17 ပူးပေါင်းရင်းမြစ်များ

Matius 2:6

’Kota Betlehem mo bur Yudea, yepasye mo bur Yudea jam do, nan sa, kota gato yé bes gum kok; we bere Yekwesu dik yo ma kadit nan. Yekwesu ne bere mewa Ji bi nje-i, gato sok mo yewis ye Israel ne tepsu ye mewa domba sisu ndo.’ ”

Matius 5:4

Ye gato nderku an nggwa mo sukibit gato an ben ne, ye ne mit at wa, we bere Yefun bes an kadit sukye gato an ku mone.

Yohanes 10:11

Ji anato tepsu ye gato mewa an bi suksi sisu ndo. Ji mewa Ji bi domba sisu ndo. Ji bi Ji nggwa kwop wa Ji bi domba mwa ne sino.

Yohanes 10:14

Ji anato tepsu ye gato mewa an bi suksi sisu ndo. Ji jam Ji bi suksi sisu ndo. Sane dom Ji bi suksi jam Ji sisu ndo.

Yohanes 4:10

Yefun Yesus ki do, ”Nan jam suk gato Yefun Allah fro wa syo nai nan ete nan jam Ji gato ndek syur mo nan ne yo, bere nan waii ndekwa Ji syo syur gato ós nan kem ndo nai nan da, ete bere Ji syo syur ne nai nan da re.”

Yohanes 4:11

Nggon ne ki nai An do, ”Yenggras, Nan bi sukbo wa Nan en syur su yo mo nde. Syurwak ré kru teker. Nan nai syur gato ós ji kem ndo ne kadit u ne?

Yohanes 4:14

Wo ye gato da syur gato Ji syo ne yo, an yo sosa o nde to kapyo mato kapyo. Syur gato Ji syo nai an ne tepsu syur gro mo an mit. Syur gro ne syé ete ben an kem ndo, an kem ndo to kapyo mato kapyo.”

Suk Gato Yerasul Ben Ne 20:28

Nin mewa nin nggwa subere nin jom sukdu ne petok sor. Nin mewa yé gato onyar kem mo Yefun Yesus. Nin mewa yé gato Yefun Allah Gen bes nin gum yekwesu wa ne sor. Nin mewa yé gato gum sok mo Yefun Allah bi rus-i ne sisu ri-roi tepsu ye gato mewa suksi ne mewa bi suksi sisu ri-roi ne sor. Ye gato gum sok mo Yefun Allah bi rus-i, Yefun Yesus bi nggwa kwop wa, Yefun Yesus dé sye wa anato ye ne gum sok mo Yefun Allah bi nje-i, sane nin mewa sisu ndo sor.

1 Petrus 5:2

nin mewa Yefun Allah bi rus-i gato An syo nai nin sisu ndo et. Yefun Allah iwa nin mewa An bi rus-i sisu nin mit iwa sor, nin bariwa nde. Nin mewa Yefun bi rus-i, nin gro sye wa nin ku suk mwa wa nin dakai sor nde, wo nin dakai mit iwa nin ós Yefun bi rus-i ne, ete nin mewa Yefun bi rus-i mone sor.

Wahyu 14:4

Yé mwa ne yo sem su nggon yo mo nde. Án mewa án nggwa kadit nggon re. Mo pe mwa ne sino gato Domba Gan mu mone, án si Domba Gan mu sino sor. Yesus Kristus bi nggwa wa tot suktot mo sukibit gato án ben ne wé. Yé mwa ne anato yé gato sok mo Yefun Allah si Domba Gan bi rus-i nyim kadit ye yi. Ben sato án tepsu sugit napyo gato kri nyim, gato yé syo nai Yefun.

Wahyu 21:22

Ji yo me nu ke dik yo wa yé sum wa un Yefun mo kota ne nde, we men bi Yekwesu Yefun Allah gato nggi wai o re, An si Domba Gan ne, An we ne dakai sisu nje mone. Sane ye yo mitmo nu wa yé sum wa yé un Yefun mone nde.

Wahyu 21:23

Yefun Allah dakai rer-rik-i si Domba Gan kaim rer-rik-i anato tepsu sukru mo kota ne. Sane yé mone yo mitmo kam si aina wa rer ku án nde.

Wahyu 21:4

Bere Ji nggri yé gato wo ne gro rom wé re. Bere yé yo kwop o nde, yé yo nderku nggwa o nde, yé yo wo o nde, yé kaim yo yó e, dipa su sukye o nde. Suk bok ne bere bor o nde, we suk mwa gato nyim neya fres wé or re.”

Wahyu 21:6

Yefun ki o do, ”Suk mwa ne Ji ben or it! Ji anato Yefun gato ut suk kadit ketke ete jom sane sor kom mo pe gato or mó. Bere Ji syo syur nai ye gato sosa kadit syur nggrup gato ben yetu mbau. Bere Ji syo syur ne ma wa án da, án yo bi suk yo wa nde.

Wahyu 22:1

Orete malaikat ne kadum syur gato ben yé mbau ne nai ji me dom. Syur ne rer tepsu kaca. Syur ne syé kadit Yefun Allah si Domba Gan bi kursi sye ne.

Wahyu 4:11

”Men bi Yekwesu ne e, Yefun gato jom men ne e, Nan sa, tep wa men bes Nan gum kok ne o, Men bes Nan gum sye ne o. Men bi Yekwesu ne e, Yefun gato jom men ne e, Nan sa, tep wa men un Nan gum ne o, Nan sa, tep wa ku suktinggi ne o. Men bes Nan gum kok a we, Men un Nan gum a we, Nan ut suk mwa ne sino o, Nan bi mas mo suk mwa ne sino o.”

Wahyu 5:6

Orete ji sokme Domba Gan ge dik yo ti mo yekwesu bi kursi mwa ne miten. Yefun bi pakwerut ge at mo gu gato ka sato suge at si yenggras ge musyu we sop at ne ti wairi wa Domba Gan ne si kursi ne. Domba Gan ka sato suge gato ye gu kwop wa som Yefun su ne. Domba Gan suti mufit mó, An gro gan mufit mó. An gro gan tepsu Yefun Allah Gen mufit gato Yefun Allah syogat mubot bur ré iwedewe.