Wahyu 7:14 - Abun Scripture

¹⁴ Ji ki do, ”Yenggras, nan dakai jam re.” Sane yenggras ne ki nai ji do, ”Yé mwa ré ku sukye ndo nde, ete án ti fro kadit sukye ne re. Ben sato yé mwa ne mus án bi san su Domba Gan dé anato án bi san ne kwo ndo re.

Wahyu 7:14 ပူးပေါင်းရင်းမြစ်များ

Matius 24:21

we su kam gane yé ku sukye ndo nde. Kadit kam gato Yefun Allah ut bur ré sor kom mo kam gato bur ré kru, yé yo ku sukye gato yé teker sato sukye ré yo mo nde, sukye gato yé ku su kam ne bere ye wai o re.

Markus 13:19

we su kam gane yé ku sukye ndo nde. Kadit ketke, kadit kam gato Yefun Allah ut bur ré sor kom mo kam gato bur ré kru, yé yo ku sukye gato yé teker sato sukye ré yo mo nde, sukye gato yé ku su kam ne bere yé wai o re.

Yohanes 16:33

Ji ki sukdu mwa ne nai nin jam subere nin kwabom kam mo Ji, ete nin kem not, nin nyuwa suk yo nde. Mo bur ré nin ku sukye mwa. Sarewo Nin nyuwa nde, we Ji sa, Ji nggi wai kadit biris bi rus-i gato ben sukibit mo bur ré re.”

Roma 5:3

Men mit at mone sor nde, wo men mit at mo sukye gato men ku ne dom, we men jam do, sukye gato men ku ne, bere ben men nggiwa ben suk gato ndo pe sor, men yo sombok kadit suk gato men ben ne nde.

1 Korintus 6:11

Suga nyim nin ge bok yo mone ben suk sane re, sarewo su ré, nin brek kadit os ibit gato nin ben suga nyim ne re. Yefun Allah nai nin sok mo An bi rus-i wa nin ben An bi suk-i sor. Men bi Yekwesu Yesus Kristus kak os wa nin subere Yefun Allah yo ben sukye nai nin tepsu sukibit gato nin ben ne nde, wo An ki do, nin sa, tep wa sok mo An bi rus-i. Yefun Allah gato jom men ne, An Gen ós nin onyar kem mo Yefun Yesus anato nin ku os wa sok mo Yefun Allah bi rus-i ne it.

2 Tesalonika 1:4

Sane men mubot ye gato onyar kem mo Kristus mo nu ari mo nat yi neya yo, men ki sukdu subot nin petok sor. Men mit at wa men ki sukdu subot nin sare do, nin sa, kapre yé ben sukye nai nin, kapre yé ben nin ket kwayo-kwayo, nin yo misyar Yefun nde, wo nin onyar kem pe mo Kristus sor.

Ibrani 13:12

Sane anato Yefun Yesus dom kwop mo kota de nden, wo An dakai dé ne, ben sato An gwat sok mo gumwak fo mo Yefun Allah bi nu mo gu nim ne. Mone Kristus dé sye wa tot sukibit gato men yetu ben ne or wé kadit men, subere men tep wa sok mo Yefun Allah bi rus-i re.

Ibrani 9:14

Sane kambing si sapi dé-i, si sapi gato ye gre ne bi bofuf-i ne do nggiwa ós nje subere yé ne si Yefun Allah kem ndo su yu satu o it yo, bere Kristus dé-i ne te, sa u ne? Kristus dé-i nggiwa ós men wai kadit sapi dé-i ne o re fe! Yefun Allah Gen gato gesyos ne ben Kristus nggiwa Kristus dakai bi An nggwa mo Yefun Allah, An dé sye tepsu suktot win men. Kristus ben sukibit wokgan yo dom nde, sane suktot ne tep mó re. Kristus dé sye anato sombok men bi sukjimnut mo men mit ne wé kadit os gato nyim ne bi sukdu-i, subere men nutbot suk mone o nde, wo men bi sukjimnut sye mo suk gato Yefun Allah gato gesyos ne iwa men ben ne sor.

1 Petrus 1:19

wo Yesus Kristus dé sye, An bi An nggwa wa men yetu anato tepsu suktot gato kok wai kadit suk mwa neya gato ye tot suktot su ne o re. Yesus Kristus anato tepsu domba gan ge gato kaim ndo sino, ibit wokgan yo dom nde. {Suga nyim ye Israel gu suge sato domba gan kwop ete nai i-dé ne wa tot suktot mo sukibit gato án ben ne.}

1 Yohanes 1:7

Sarewo men ben men bi suk-i ne ndo, men ben suk tepsu ye gato kem mo pe gato rer, mo Yefun Allah bi de-i yo, men sino kem ndo su yu tepsu yedik mo Yefun bi rus-i it anane. Yefun Yesus kwop wa sukibit gato men ben ne, ben sato Yefun Allah bi Gan dé mus men bi siri or wé kadit men re.

Wahyu 1:5

Yesus Kristus gato jam Yefun Allah sisu ndo, An ki bi sukdu-i subot Yefun Allah ri-roi petok sor. Yesus Kristus anato ye doketke gato Yefun Allah sun kadit sukkwop. Yesus Kristus anato jowa yeraja mwa ne sino mo bur ré. Yesus Kristus ete mewa nin. Yesus Kristus ete uttok nin petok sor. Yesus Kristus anato bi sukjimnut sye kas subot men ndo nde petok sor. Yesus Kristus anato kwop, An dé sye wa tot men bi suktot mo sukibit gato men ben ne wé.

Wahyu 12:11

Domba Gan dé sye wa men yetu anato men bi nji mo Yefun bi rus-i ne nggi wai kadit biris bi yekwesu o re. Án ki subot Yefun Allah bi sukdu-i anato án nggi wai kadit biris bi yekwesu o re. Án yo nutbot án dakai nde, án bi án nggwa mo Yefun wa ben Yefun bi suk-i. Kapre án kwop o, án mbau o, án kibot suk gato Yefun ben ne sor.

Wahyu 15:2

Orete ji sokme suk gato ka sa kaca mwa tepsu sem si bot fros yu. Ji sokme yetu mwa gato Yesus Kristus nai kadit bur ré tepsu An bi rus-i ne ti mo sem de. Yé mwa ne nggi wai kadit suge doketke ne re. Suge doketke si suk gato ye ut ka sa suge ne yo nggiwa jom yé mwa ne nde, wo yé mwa ne nggi wai kadit suge doketke gato ku gum tepsu nomor ne. Yé mwa gane jom kecapi gato Yefun Allah syo nai án ne.

Wahyu 17:6

Ji sokme nggon ne. Nggon ne ben sato da yé gato onyar kem mo Yefun Yesus ne dé, ete nggon ne yenau su. Yé gato ye gu kwop mo suk gato án ben tepsu Yesus Kristus mit ne, nggon ne ben sato da án dé, ete nggon ne yenau su. Ji sokme nggon ne sa, ji yeket ndo nde.

Wahyu 2:9

Ji jam do, nin ku sukye, nin yewa suk, sarewo Yefun syo suk mwa wa nin da gesyos ne mó re. Ye Yahudi bok yo ki do, án sa, Yefun nai án gum sok mo Yefun bi rus-i. Án ma ki nin gum ibit ket kwayo-kwayo. Ji jam sukibit gato án kiket nin su ne o re. Yé bok ne jam nde Yefun, wo yé gato ben bi suk-i sane sok mo biris bi yekwesu bi rus-i ne sor re.

Wahyu 22:14

Ye gato ben Yefun bi suk-i, ben sato án gu án bi san kwo ndo it anane. Ye gato gu án bi san kwo yo, bere án ku os wa án git kwebo mo kweke gato ben yetu kem gesyos. Bere án ku os wa án sok ket ros syo mu mo kota mit ne. Yé ne sa, án mit at wa, we bere Yefun ben sukndo su án re.

Wahyu 5:9

Án sino ba sukbadek be yo sare do, ”Domba ga gum kok ne o, Domba ga sye wai ne o, Nan sa, gum kok tep wa Nan nai buku ne o, tep wa Nan kak lilin gum wé ne o. Nan gum kok a we, Nan gum sye wai a we, Ye gu Nan, Nan dé sye wa yetu ne o, Nan bi nggwa tepsu suktot wa ne o. Nan dé sye wa yetu o, Nan tepsu suktot wa yetu o, Nan dé sye wa yeyo-yeyo gato sok mo Yefun bi rus-i ne o, Yetu mwa ne mo buryo-buryo sino o. Nan dé sye wa yetu o, Nan tepsu suktot wa yetu o, Nan dé sye wa yetu wisyo-wisyo sino ne o, Yetu mwa gato ki ayo-ayo sino o.

Wahyu 7:9

Ji sokme ye syat ja mo ye Israel ge 144.000 mo án git det ne or sa, ji sokme yetu mwa wai ndo nde mo ji gwem. Ye yo nggiwa ne yetu mwa ne or nde, yetu mwa teker ware. Yé mwa ne ma kadit buryo-buryo, kadit wisyo-wisyo, kadit yeyo-yeyo, kadit ayo-ayo. Yé mwa ne sino ti mo yekwesu bi kursi ne tak de gwem. Yé mwa ne sino ti mo Domba Gan gwem. Yé mwa ne sino it san gato kwo ndo. Yé mwa ne jom gur nat mo án kadik-kadik syim, we án mit at wa án si Yefun kem sino mo nat ne.