Wahyu 7:10 - Abun Scripture

¹⁰ Yé mwa ne saiye nggi do, ”Yefun Allah gato kem mo An bi kursi ne, Yefun gato jom men ne anato fro os wa nai men wé kadit sukye ne re. Domba Gan anato kak os wa nai men wé kadit sukye subere men kem ndo to kapyo mato kapyo ne or re.”

Wahyu 7:10 ပူးပေါင်းရင်းမြစ်များ

Lukas 3:6

Yetu mwa mo bur ré sino, bere án me Yekwesu gato Yefun Allah syogat ma wa nai men wé kadit sukye subere men kem ndo to kapyo mato kapyo.’ ”

Yohanes 1:29

Bi ik, ete Yohanes me Yefun Yesus ma mo an. Orete Yohanes ki do, ”Nin me Ye ré. An anato tepsu Domba Gan gato Yefun Allah syogat ma mo bur ré wa tot suktot mo sukibit gato men ben ne wé.

Yohanes 1:36

Orete Yohanes me Yefun Yesus mu waiket an ka gri saresa, Yohanes ki do, ”Nin ka we me Ye gare et. An anato tepsu Yefun Allah bi Domba Gan.”

Yohanes 4:22

Nin ye Samaria som suk gato nin jam nde, wo men ye Yahudi som Yefun Allah gato men jam re, we men ye Yahudi anato yewis gato jam ete kibot os gato Yefun Allah fro wa yetu subere yetu kem gesyos.

Efesus 2:8

Yefun Allah dakai bi sukjimnut sye kas subot men sye teker anato An nai men wa men si An kem ndo to kapyo mato kapyo. Men onyar kem mo Kristus anato An nai men sor. Men dakai yo ben suk yo subere men kem gesyos ne nde, wo Yefun Allah dakai kak os wa men yi sor.

Wahyu 12:10

Orete ji jam ye yo saiye mo gu, an ki do, ”Ré ne Yefun Allah nai An bi rus-i wé kadit sukye subere men kem ndo it. Ré ne Yefun Allah gato jom men ne bi suktinggi bor it. Sane anato bere An jom men mo nat gato An fro ne it. Ré ne Kristus gato Yefun bes wa kak os ndo wa yetu kem ndo bi suktinggi bor anato Kristus jom men yetu mo bur ré re. Men si Yefun kem ndo mo bi nat-i it, we su ré biris bi yekwesu gato ndak men bi nji mo Yefun bi rus-i ne gum mo Yefun Allah gwem noru nombrak ne, biris bi yekwesu yo ti mone o nde, we yé am biris bi yekwesu wé kadit nat ne or re.

Wahyu 19:1

Malaikat ne ki bi sukdu ne or sa, ji jam suk yo ba sye tepsu yetu mwa yé mo gu saiye sare do, ”Men un Yefun Allah et. Yefun ne sa, nggi, Yefun Allah sa, gum kok wai o re. An sa, nai men wé kadit sukye subere men kem ndo to kapyo mato kapyo.

Wahyu 21:5

Orete Yefun Allah gato kem mo An bi kursi sye ne ki do, ”Su ré, Ji ben suk mwa ne sino be it!” An ki nai ji o do, ”Sukdu gato Ji ki ré sangge, sukdu ne tep wa yé onyar kem pe mó, sane nan krom et!”

Wahyu 22:3

Suk mwa mo kota ne ndo sino. Yefun Allah yo dufo mo suk yo gato kem mo kota ne mo nde. Bere mo kota ne, Yefun Allah si Domba Gan bi kursi sye mó. Yefun bi pakwerut ben Yefun bi suk-i mone.

Wahyu 4:6

Sane dom, ji me suk yo tepsu em mo kursi ne gwem. Em ne tepsu kaca gato rer ok tepsu syur gun gato ram nde. Yefun Allah bi pakwerut ge at mo gu ka sato suge ne mó. Suge at ne kem wairi wa Yefun bi kursi, ge dik yo mo kursi de gwem, ge dik yo o mo kursi de dari, ge dik yo o mo kursi de syim ge, ge dik yo o mo kursi de syim jam. Suge at ne gro gan mo án kaim ne sino, gro deyo mo án kaim de gwem si gro deyo o mo án kaim de dari ne sino.

Wahyu 5:7

Domba Gan ne ma mo Yefun Allah gato kem mo An bi kursi ete nai buku gane kadit Yefun Allah syim ge.