Wahyu 6:8 - Abun Scripture

⁸ Ji sokme sa, kuda er kwosak ge dik yo ma. Ye gato it mo kuda ne gum do, Sukkwop. Ye gato gum do Gwinggri Syo boribot karowa Sukkwop. Ye we ne ku suktinggi wa gu yetu napyo kwop wé kadit bur ré. {Sato yetu ge wotin at yo, an we ku suktinggi wa an we gu ge wotin dik wé, wo ge wotin gri kem.} Ye we ré gwat os bok yo wa gu nje kwop su suk sato: yé gu yu e, sukonde sye gu nje kwop e, suki wis bok yo gu nje e, suge krok gu nje e ne.

Wahyu 6:8 ပူးပေါင်းရင်းမြစ်များ

Matius 11:23

Sane dom, nin yé gato kem mo kota Kapernaum, bere yé bes nin gum kok wai kadit nje mo kota yi neya bado? Sane nde, bere Yefun Allah bare nin mo bot gesyos. Suk mwa gato Ji ben kota Kapernaum gato ben nje mone yeket ne, Ji do ben mo kota Sodom suga nyim ne yo, yé mo kota Sodom kwet kadit sukibit gato án ben ne, ete su ré kota ne mó tó.

Matius 24:7

Bere negara deyo futma gu negara deyo o. Bere yewis deyo futma gu yewis deyo o mone tó. Bere sui sye juwai bur ré ram mo peyo-peyo. Bere sukonde sye bor mo peyo-peyo.

1 Korintus 15:55

”Sukkwop a, nan bi suktinggi mo u ne? Sukkwop a, nan bi ri wa nan gu men kwop su ne mo u ne?”

Wahyu 1:18

Ji anato Ye gato kem gesyos. Ji kwop, sarewo ré ne Ji mbau to kapyo mato kapyo. Ji anato nggiwa Ji sun nje kadit sukkwop. Ji anato nggiwa Ji sun nje kadit Yefun Allah bi gwinggri syo mo bur desnak ne mbau satu.

Wahyu 12:4

Naga nyo gwa bí napyo ges or kadit gu. Naga gwa bí ne sor bí ges gwa mo bur re. Naga ti mo nggon gato nukwe i su pa ne gwem es ndek wa nggon kem su pa. Naga eswa subere nggon do kem su pa-i, naga kuk-i.

Wahyu 9:15

Malaikat kedomumat ne mu sombok malaikat ge at ne. Malaikat ge at ne, Yefun fro ndek wa mu gu yetu napyo kwop wé tepsu bi jam, si bi kam, si bi aina si bi tahun gare it. Kadit yetu ge gri, án gu ge dik kwop, wo ge we ete kem tó.

Wahyu 9:18

Bot e, bot bu e, belerang e ne, suk gri ne ben sukye wa nje. Suk gri gato syesyar kadit kuda syokwet ne gu yetu napyo kwop or re. Kadit yetu ge gri, án gu ge dik kwop, wo ge we ete kem tó.