Wahyu 6:16 - Abun Scripture

¹⁶ Án sino saiye nai banbo si jok sye mwa mone do, ”Nin krut ma gurik men et. Nin gurik men subere Yefun gato kem mo An bi kursi ne yo sokme men nde. Nin gurik men subere Domba Gan ne yo ku os wa ben sukye nai men nde.

Wahyu 6:16 ပူးပေါင်းရင်းမြစ်များ

Matius 26:64

Yefun Yesus ki do, ”Sangge, suk gato nan ki ne sangge. Sane sor nde, wo Ji ki nai nin sare do, bere nin me Yetu bi Pa to Ji ré kem tak Yefun Allah gato nggi wai ne de syim ge, ete bere Ji satu is ma mo bur ré su nyotem kadit gu.”

Markus 3:5

Yefun Yesus sokbot yé mwa mone sa, An maskwa. An maskwa sor nde, wo Yefun Yesus jimnotbot yé mwa ne sor An kaim rere su dom, we yé mwa ne su krat ware, yé bariwa jammo Yefun Yesus bi sukdu-i ne. Orge Yefun Yesus ki nai ye gato syim deyo út ne do, ”Nan ron nan syim et!” Ye ne ron an syim sa, an syim gato út ne ndo satu.

Lukas 23:30

Su kam gane yé ku sukye ndo nde, sane bere yé ki nai banbo do, ’Nin krut ma gu men kwop et!’ Bere yé ki nai bobuk do, ’Nin krut kit men et!’

Wahyu 10:6

Malaikat ne bes syim ge mu nim sa, an tom su do, gu ana nim ne, bur ana ré. An tom yi nde, wo an tom su Yefun Allah gum. An ki do, Yefun Allah anato gesyos, Yefun Allah anato ut suk mwa mo gu nim e, bur ré, si sem ne sino. An tom su Yefun Allah gum sare do, ”Men yo eswa o nde,

Wahyu 19:15

Nyom gato ot de we syesyar kadit An syokwet. Bere An ben sukye nai nje mo bur ré iwedewe su nyom ne. Bere An ben sukye nai nje su nggarmom muk sane sor yé mwa ne sino jammo An petok sor. An gwat os wa Yefun Allah gato nggi wai ne bi sukmaskwa bor mo bur ré. An ben yetu mwa dé sye, tepsu ye yakos anggur bo, bere i-rom ne syesyar re.

Wahyu 20:11

Orete ji sokme Yefun Allah gato kem mo An bi kursi kwo gato sye. Bur ré si gu nim ne fres wé kadit An re. Ye yo ku bur ré si gu nim ne o nde.

Wahyu 4:2

Sugane Yefun Allah Gen pet mo ji. Orete ji me Yefun bi kursi mo gu. Ji me Yekwesu ge dik yo kem mo kursi ne.

Wahyu 4:5

Ji me nowarek, ji jam sukyo-sukyo pu. Ji jam nogu pu gato sye syesyar kadit kursi mo miten ne. Kak ru mufit ti mo kursi ne gwem. Kak ru mufit ne anato tepsu Yefun Allah Gen mufit gato ben Yefun Allah bi suk-i.

Wahyu 4:9

Suge at ne ba sukbadek wa bes Yefun gato kem mo kursi ne gum kok e, un Yefun e, ki ndo mo Yefun e ne. Suge at ne ba syek Yefun gato kem to kapyo mato kapyo ne sa,

Wahyu 5:1

Orete ji sokme Ye gato kem mo Yefun bi kursi ne jom buku mo An syim ge. Mo buku mit ye krom suk mo kertas de we ne sino. Ye rum buku ne orete Yefun ut su lilin rom wam mufit wa jom kertas mo de nden ut krat. Ye me lilin gum mone anato ye jam do, Yefun bi buku anane, sane ye gato Yefun bes ne sor ete gum tep wa kak lilin gum ne wé re.

Wahyu 6:10

Yetu da gesyos ge bok ne saiye nggi do, ”Yenggras ga gum sye wai o re, Nan sa, Yekwesu gato ben Nan bi suk-i ndo petok, Nan ben Nan bi suk-i ri-roi sor. Kam ot ete Nan ndobot yetu mo bur ete syo sukye nai yé gato gu men ré ne? Nan eswa suma o ne?”

Wahyu 9:6

Aina mumek gato yoi gu nje su ne, yetu mwa ne sino iwa án dakai kwop kadit sukye ne, sarewo án yo ku os nde. Án werwa án kwop, sarewo ben sato sukkwop titi kadit án re.