Wahyu 4:9 - Abun Scripture

⁹ Suge at ne ba sukbadek wa bes Yefun gato kem mo kursi ne gum kok e, un Yefun e, ki ndo mo Yefun e ne. Suge at ne ba syek Yefun gato kem to kapyo mato kapyo ne sa,

Wahyu 4:9 ပူးပေါင်းရင်းမြစ်များ

Ibrani 7:25

Sane anato Yefun Yesus nggiwa ben suk tepsu yegweswai wa ós men yé gato iwa ma mo Yefun Allah bi nat-i sor to kapyo mato kapyo. Yefun Yesus kem gesyos, An ós wa ki suk su Yefun Allah tepsu yegweswai wa men petok sor.

Ibrani 7:8

Yesu gato ben suk mo Yefun Allah bi nu mo Lewi bi yewis-i ne, ye syo suk napyo nai án, sarewo yo nam nde ge, án kwop re, wo Melkisedek sa, Abraham syo suk napyo nai Melkisedek gato kem gesyos, tepsu ye krom mo Yefun Allah bi sukdu ne.

Wahyu 1:18

Ji anato Ye gato kem gesyos. Ji kwop, sarewo ré ne Ji mbau to kapyo mato kapyo. Ji anato nggiwa Ji sun nje kadit sukkwop. Ji anato nggiwa Ji sun nje kadit Yefun Allah bi gwinggri syo mo bur desnak ne mbau satu.

Wahyu 10:6

Malaikat ne bes syim ge mu nim sa, an tom su do, gu ana nim ne, bur ana ré. An tom yi nde, wo an tom su Yefun Allah gum. An ki do, Yefun Allah anato gesyos, Yefun Allah anato ut suk mwa mo gu nim e, bur ré, si sem ne sino. An tom su Yefun Allah gum sare do, ”Men yo eswa o nde,

Wahyu 15:7

Orete suge at mone ge dik yo syo mbem mufit ses su Yefun Allah gato gesyos ne bi sukmaskwa nai malaikat ge mufit ne gwat mu.

Wahyu 21:5

Orete Yefun Allah gato kem mo An bi kursi sye ne ki do, ”Su ré, Ji ben suk mwa ne sino be it!” An ki nai ji o do, ”Sukdu gato Ji ki ré sangge, sukdu ne tep wa yé onyar kem pe mó, sane nan krom et!”

Wahyu 4:2

Sugane Yefun Allah Gen pet mo ji. Orete ji me Yefun bi kursi mo gu. Ji me Yekwesu ge dik yo kem mo kursi ne.

Wahyu 4:8

Suge at ne sino í mumat mó. Suge at ne sino gro gan bot kaim ne sino, gro gan deyo mo i de nden si gro gan deyo o mo i de mit dom. Noru nombrak suge at ne yo not nde, án badek petok sare do, ”Yefun ga kok wai ne, Yefun ga ndo wai ne, Nan gum kok wai ’dit men, Nan anato men bi Yekwesu ga nggi wai. Yefun ga ketke ne mó e, Yefun ga su ré mó e, Bere kam sari Nan mó o, Bere Nan mó o tó e.”

Wahyu 5:1

Orete ji sokme Ye gato kem mo Yefun bi kursi ne jom buku mo An syim ge. Mo buku mit ye krom suk mo kertas de we ne sino. Ye rum buku ne orete Yefun ut su lilin rom wam mufit wa jom kertas mo de nden ut krat. Ye me lilin gum mone anato ye jam do, Yefun bi buku anane, sane ye gato Yefun bes ne sor ete gum tep wa kak lilin gum ne wé re.

Wahyu 6:16

Án sino saiye nai banbo si jok sye mwa mone do, ”Nin krut ma gurik men et. Nin gurik men subere Yefun gato kem mo An bi kursi ne yo sokme men nde. Nin gurik men subere Domba Gan ne yo ku os wa ben sukye nai men nde.

Wahyu 7:15

Sane anato án ti mo Yefun Allah gwem. Án ben Yefun bi suk-i noru nombrak sor mo Yefun bi nu. Bere Yefun Allah gato kem mo An bi kursi sisu án, ete mewa án sino.