Wahyu 4:4 - Abun Scripture

⁴ Kursi musyu we sop at yo o kem wairi wa Yekwesu gato gum kok wai ne bi kursi. Mo kursi mwa ne, yenggras gato gum kok ge musyu we sop at kem mó. Yenggras bok ne it san gato kwo ndo. Án bom yekwesu bi topi emas mo án su.

Wahyu 4:4 ပူးပေါင်းရင်းမြစ်များ

Matius 19:28

Yefun Yesus ki nai bi pakon do, ”Suk gato Ji ki ré suksangge anare, kam sari ne ma ete suk mwa ne be ete Yetu bi Pa gum Yekwesu gato kok sye wai o re yo, bere nin ge musyu dik sop we gato simo Ji waii gum yekwesu dom. Bere nin ndobot ye Israel bi yewis ge musyu dik sop we mone.

Lukas 22:30

Bere kam sari ne ma mo pe gato Ji jowa yé bok ne sino, nin sisu Ji, nin si Ji kem mone. Men git sino mo pe gato Ji fro wa yekwesu ne. Nin gum yekwesu, sane bere nin ndobot ye Israel bi yewis ge musyu dik sop we mone.”

2 Timotius 4:8

Ré yo, Yefun Allah fro suk gato bere An syo nai ji mo suk gato ji ben ne, Yefun fro ndek. Bere kam gato bur ré kru re, men bi Yekwesu Yefun Yesus ma ndobot men yetu mo bur ré. Bere Yefun ndobot men sisu ri-roi sor. Bere Yefun syo suk gato An fro ne nai ji mo suk gato ji ben tepsu An mit re. Bere An syo suk gato An fro ne nai ji wadigan sor nde, wo An syo nai ye gato eswa Yefun Yesus satu ma mo bur ré su án mit iwa wai ne dom.

Wahyu 11:16

Orete yenggras ge musyu we sop at gato kem mo bi kursi mo Yefun Allah gwem bare nggwa mo bur, ete som Yefun Allah.

Wahyu 14:3

Yetu ge 144.000 ti mo Yefun Allah bi kursi ne gwem. Suge at si yenggras ge musyu we sop at ne sino ti mo kursi gwem ne dom. Yetu ge 144.000 ti mone ba sukbadek dobe. Yetu mwa ne sor ete jam ba sukbadek ne, ye yi yo nggiwa jam sukbadek ne nde. Yetu mwa ne anato yetu mo bur ré gato Yesus Kristus tot suktot mo sukibit gato án ben ne wé re ne.

Wahyu 19:14

Yefun Allah bi yesukmise mo gu boribot An. Yé mwa ne it mo kuda kwo ge bok yo, yé mwa ne it san gato kwo ndo.

Wahyu 19:4

Yenggras ge musyu we sop at sisu suge at bare nggwa ete som Yefun Allah gato kem mo An bi kursi sye ne. Án sino ki do, ”Sangge, men un Yefun Allah et.”

Wahyu 2:10

Bere nin ku sukye, wo nin nyuwa nde. Ji ki sare do, bere biris bi yekwesu ben yetu ge bok yo but nin ge bok yo, ete sok nin mo sel. Sane bere biris bi yekwesu gato ben sukibit ne werwa gwat os wa nin subere nin misyar Yefun mone. Mo sel mit ne bere nin ku sukye sor kom mo kam musyu dik rek. Kapre karowa nin kwop rok mone, nin onyar kem mo Ji, nin ben Ji bi suk-i sane sor kom mo pe gato or mó yo, bere Ji bi os wa nin kem ndo to kapyo mato kapyo, tepsu ye gato nggi wai ku hadiah mo koirut.

Wahyu 20:4

Orete ji sokme yekwesu bi kursi bok yo. Yé gato kem mone anato yé gato ku suktinggi wa jom ete ndobot yetu. Sane dom ji sokme yetu ge bok yo gato ye gu kwop. Ye tot yé bok ne su toko wé su mbam, we yé bok ne ki subot suk gato Yefun Yesus ben ne, án ki subot Yefun Allah bi sukdu-i. Yé bok ne yo som suge doketke si suk gato ye ut ka sa suge ne nde. Ye yo syat suge doketke bi ja mo yé bok ne git det nde. Ye yo syat ja mo yé bok ne syim rut ne dom nde. Yé bok ne Yefun sun kadit sukkwop o re, án si Kristus jom nje tepsu yekwesu sane sor kom mo tahun ribu dik.

Wahyu 3:18

Sane Ji duno nin do, emas gato ye kon ete ye nggri su san det sane sor nggren ne, nin ma nin so kadit Ji et. Sane bere nin tepsu ye gato ku suk mwa. Nin so san kwo wa nin it et. Sane bere nin kawarun o nde, bere nin damen o nde. Nin so ron wa nin es mo nin gro gan et. Sane bere nin sokme suk sisu ndo.

Wahyu 4:10

yenggras ge musyu we sop at bare nggwa mo An gato kem mo kursi ne gwem. Yenggras ne un Yefun gato kem to kapyo mato kapyo. Yenggras ne bare bi topi gato án bom tepsu yekwesu ne mo Yefun bi kursi de gwem, ete án badek su do,

Wahyu 4:6

Sane dom, ji me suk yo tepsu em mo kursi ne gwem. Em ne tepsu kaca gato rer ok tepsu syur gun gato ram nde. Yefun Allah bi pakwerut ge at mo gu ka sato suge ne mó. Suge at ne kem wairi wa Yefun bi kursi, ge dik yo mo kursi de gwem, ge dik yo o mo kursi de dari, ge dik yo o mo kursi de syim ge, ge dik yo o mo kursi de syim jam. Suge at ne gro gan mo án kaim ne sino, gro deyo mo án kaim de gwem si gro deyo o mo án kaim de dari ne sino.

Wahyu 5:11

Orete ji sokme mone o. Ji jam malaikat yaino, mwa yé re, ki bi sukdu-i. Malaikat ne mwa yé ndo nde, mwa wai o re, nat ne buk su. Malaikat yaino ne ti wairi wa suge at sisu yenggras ge musyu we sop at ne.

Wahyu 5:14

Suk mwa ne ba sukbadek ne, sane anato suge at ne ki do, ”Sangge!” ete yenggras ge musyu we sop at ne bare nggwa ete som Yefun dom.

Wahyu 5:6

Orete ji sokme Domba Gan ge dik yo ti mo yekwesu bi kursi mwa ne miten. Yefun bi pakwerut ge at mo gu gato ka sato suge at si yenggras ge musyu we sop at ne ti wairi wa Domba Gan ne si kursi ne. Domba Gan ka sato suge gato ye gu kwop wa som Yefun su ne. Domba Gan suti mufit mó, An gro gan mufit mó. An gro gan tepsu Yefun Allah Gen mufit gato Yefun Allah syogat mubot bur ré iwedewe.

Wahyu 5:8

Domba Gan ne nai buku sa, suge at si yenggras ge musyu we sop at ne bare nggwa sino mo Domba Gan gwem. Án sino jom kecapi si mbem emas ses su suk yo gato ye gre ete i-bu basmi grik ndo. Suk gato grik ndo ne tepsu sukdu gato yé gato onyar kem mo Yefun Yesus ki nai Yefun Allah ne.

Wahyu 6:11

Yé bok ne ku san gato kwo ndo wa án it. Yefun syogat án kem not yei sane sor án bi nji, gato si án ben Yefun bi suk-i ne, yé gu kwop sagato yé gu án ne, kom mo pe gato or mó, ete bere Yefun ndobot yetu mo bur ré.

Wahyu 7:11

Malaikat mwa ne sino ti wairi wa kursi ne. Malaikat mwa ne ti wairi wa yenggras ge musyu we sop at sisu suge at ne. Orete án sino bare nggwa mo kursi ne gwem ete som Yefun Allah.

Wahyu 7:9

Ji sokme ye syat ja mo ye Israel ge 144.000 mo án git det ne or sa, ji sokme yetu mwa wai ndo nde mo ji gwem. Ye yo nggiwa ne yetu mwa ne or nde, yetu mwa teker ware. Yé mwa ne ma kadit buryo-buryo, kadit wisyo-wisyo, kadit yeyo-yeyo, kadit ayo-ayo. Yé mwa ne sino ti mo yekwesu bi kursi ne tak de gwem. Yé mwa ne sino ti mo Domba Gan gwem. Yé mwa ne sino it san gato kwo ndo. Yé mwa ne jom gur nat mo án kadik-kadik syim, we án mit at wa án si Yefun kem sino mo nat ne.

Wahyu 9:7

Yoi ne ka sato kuda gato yé fro tepsu yeko gato futma wa gu yesa. Yoi bom suk yo mo yoi su ka sato yekwesu bi topi emas. Yoi gro-i ka sato yetu gro-i.