Wahyu 4:1 - Abun Scripture

¹ Sukdu wa yé gato onyar kem mo Yefun Yesus mo nu ari bok ne, ji jam or sa, ben sato ji semda ete ji sokme nusyo mo gu kak re. Ye gato ji jam ki suk su ketke, gato saiye tepsu ye fuf dut, tepsu trompet ne, an ki do, ”Nan ma more et. Ji kadum suk gato bere bor wari wa nan jam.”

Wahyu 4:1 ပူးပေါင်းရင်းမြစ်များ

Matius 3:16

Yohanes ras Yefun Yesus mo syur, orete Yefun Yesus mu nden kadit syur. Yefun Yesus mu nden sa, gu ben sato det, ete An me Yefun Allah Gen is ma su kaim sato ndabu ete tom mo An.

Markus 1:10

Yefun Yesus mu nden kadit Syur Yordan saresa, Yefun Yesus me gu det. An me gu det sa, Yefun Allah Gen is ma mo Yefun Yesus. Yefun Allah Gen is ma mo Yefun Yesus ne su kaim sato ndabu.

Lukas 3:21

{Yé yo grem Yohanes mo sel nde tó,} Yohanes ras yé bok ne sino mo Syur Yordan or sa, Yohanes ras Yefun Yesus mo Syur Yordan dom. Yefun Yesus mu nden kadit syur, ete Yefun Yesus ki suk su Yefun Allah saresa, gu ben sato det,

Yohanes 16:13

Yefun Allah Gen do ma yo, bere An duno nin su suk gato sangge, mo An mit sukkidar yo mo nde. An anato kadum os gato rer nai nin. An ki sukdu-i tepsu An dakai bi sukjimnut-i nde, wo An ki An bi sukdu-i tepsu suk gato An jam kadit Ji. Bere An ki subot suk gato bor su kam sari ne ma rer nai nin jam re.

Suk Gato Yerasul Ben Ne 10:11

An me gu kak or, suk yo sato san det sye sa ma bur. Ben sato ye rai nap at ne su bus, ete ye sa san det ne is ma bur.

Suk Gato Yerasul Ben Ne 7:56

Sane Stefanus ki do, ”Nin me suk gato ji me ré et. Ji me gu kak, ete ji me Yesus gato ye kendo do Yetu bi Pa, An ti tak Yefun Allah de syim ge, An bi suktinggi tepsu Yefun Allah mone.”

Wahyu 1:10

Kam ari dik yo, ete Yefun Allah Gen pet mo ji. Orete ji jam ye yo saiye nggi mo ji dari, an ba sye tepsu ye fuf dut.

Wahyu 1:12

Ji ti brek satu me ye gato ki suk ne sa, ji me suk yo ka sa dem sor gato ye ben kadit emas wa ye dum sukru bo mufit mone.

Wahyu 1:19

Sane suk mwa ne sino gato nan sokme ne yo, nan krombot mo buku et. Nan krombot suk mwa gato nan sokme su ré sisu suk mwa gato bere bor mone tó.

Wahyu 11:12

Orete yé jam yetu ge dik yo saiye mo gu. Ye ne ki nai ye we sare do, ”Nin ka we ma more et!” Orete ye we it mu mo gu ngga mo nyotem mit saresa, ye gato bariket ye we sokme ye we it mu mo gu or re.

Wahyu 11:19

Orete Yefun Allah bi nu mo gu ne kak, ete ji sokme sukduno rok bi peti mo nu mit ne. Peti ne tepsu peti gato Musa fro wa ye Yahudi bok sukduno rok mo mit ne. Mo peti mit ne ye grem sukduno rok gato Yefun Allah tom su ye Yahudi suga nyim tuya ne mó. Nu ne kak sa, nowarek e, nogu pu e, sukyo-sukyo pu e, sui juwai bur e, nogi sye su es gato krat sa jok, suk mwa ne bor sugane it.

Wahyu 16:17

Malaikat kedomufit gwat Yefun Allah bi sukmaskwa mo mbem ne mu ete sye mo nyot. Sugane ji jam ye yo saiye mo Yefun Allah bi kursi mo Yefun Allah bi nu mo gu sare do, ”Sukye bok ne or it!”

Wahyu 19:11

Orete ji sokme Yefun Allah bi nu mo gu kak sa, ji me kuda kwo ge dik yo ti mo ji gwem. Ye gato it mo kuda ne gum do, ”Ri-roi si Sangge.” Ye ne syo sukye nai yetu sisu ri-roi tepsu sukibit gato yetu ben ne sor. Ye ne ndobot suk gato yetu ben ne sisu sangge, sane anato An futma gu nje kwop win sukibit gato yé ben ne.

Wahyu 22:6

Orete malaikat ne ki nai ji do, ”Sukdu gato ji ki ré sangge, sukdu ne tep wa yé onyar kem mó. Men bi Yekwesu Yefun Allah gato bok An Gen mo yenabi anato syogat An bi malaikat ma kadum suk gato bere bor nai An bi pakwerut mwa ne jam et.”