Wahyu 3:3 - Abun Scripture

³ Sukduno gato yé duno nin su ne, nin napawa pe sor. Sukduno gato yé ki nai nin jam re, nin jam it, sane nin kwet kadit os ibit, ete nin benbot sukduno ne et. Sarewo nin sem su sukduno ne tó. Nin yo brek satu ma ete muket os gato ndo nde yo, bere Ji ba tepsu yegitsi. Kam gato Ji ba ku nin ne, bere nin gensu.

Wahyu 3:3 ပူးပေါင်းရင်းမြစ်များ

Matius 25:13

Sane nin mewa nin nggwa, we nin jam nde kam si bi jam gato Yetu bi Pa ma su ne.”

Markus 13:33

Sane nin frawa nin nggwa et! Nin jam nde kam gato Ji ma su ne re. Nin mewa sor!

Markus 13:36

Sane nin kem su nin fra nin nggwa wa kam gato Ji ma su ne et, sawe kam gato Ji satu ma ne, nin gensu, ete Ji ku nin sem mit.

1 Tesalonika 5:2

we nin dakai jam rer do, kam gato Yefun Yesus ma ne bere men yetu gensu An, tepsu men gensu ye gato ma wa syimsi suk su noru.

1 Timotius 6:20

Timotius, Yefun Allah bi sukduno mwa gato Yefun grem kem su nan wa nan duno nje su ne, nan mewa sisu ndo et, nan jamwa pe sor. Sane ye ki subot sukduno gato siri kadit Yefun Allah mit yo, nan si nje kibot sukdu sino mone nde. Sane dom, ye duwer nan mo Yefun bi sukduno-i it yo, nan si nje duwer yu mo sukduno ne nde. Sukduno ne, yé bok ne ki do, ”Sukjimnut kru,” anane, sarewo ye kidar kone. Nan si nje duwer yu mo sukduno ne nde,

2 Timotius 1:13

Sane nan simo sukdu gato sangge, gato ji duno nan su ne sor, nan simo sisu nan mit dik si nan onyar dik et. Nan simo sukdu ne yo, nan onyar kem mo Yefun Yesus, nan bi sukjimnut sye kas subot ye yi petok sor, tepsu Yesus Kristus ben ne.

Ibrani 2:1

Yesus Kristus gwat Yefun Allah bi suktaru gato be ne ma wa men re, sane men werwa men jom sukduno subot Kristus gato ye duno men su ne krat o et, subere men mu brek kadit sukdu gato men onyar kem mone nde.

2 Petrus 1:13

Sane ji kem mo bur ré tó yo, ji nut do, ndo sa, ji wergat nin, ji ki suknapa subere nin nutbot sukdu gato nin jam ne mwa o et.

2 Petrus 3:1

Ji bi nji ji bi nyanggon gato ji jimnotku, ji bi surat kedowe wa nin anare. Ji krom surat we ne sino tepsu suknapa wa wergat nin subere nin bi sukjimnut ne ndo sor.

2 Petrus 3:10

Sarewo kam gato Yesus Kristus ma ne, bere An ma tepsu yegitsi gato ma wa syimsi suk ne, bere men gensu sor re. Tepsu kam ne, ben sato suk yo pu mo gu, ete sugane gu ne fres re. Ete suk mwa gato kem mo gu nim ne bot git or re. Sane dom bur ré si suk mwa gato mo bur ré fres or re.

Wahyu 16:15

Yesus Kristus ki sukdu subot kam sye ne do, ”Nin jammo suk gato Ji ki ré et. Bere Ji ma tepsu yegitsi. Kam gato Ji ma su ne, nin jam nde re, bere nin gensu sor. Ye gato frawa nggwa pe sor, ete fro bi san ndek, subere án mu yo, án kawarun nde, án damen dom nde, yé ne sa, mit at wa, we bere Yefun ben sukndo su yé ne re.”

Wahyu 2:25

wo nin jom Ji bi sukduno-i gato nin jom su ré ne pe sor Ji satu ma et.

Wahyu 2:5

Sane nin napawa ketke nin bi sukjimnut sye kas subot Ji, wo su ré nin yo bi sukjimnut sye kas subot Ji sane o nde. Ré yo, nin brek satu ma et, nin kwet, ete nin bi sukjimnut sye kas subot Ji tepsu ketke ne satu o et. Nin yo kwet nde yo, bere Ji ma nai nin bi sukru ne wé kadit bi nat-i re.

Wahyu 22:7

Yefun Yesus ki do, ”Nin jammo suk gato Ji ki ré et, bergan sor ete Ji ma. Ye gato jammo sukdu subot suk gato bere bor mo buku ré, ye ne sa, mit at wa, we bere Yefun ben sukndo su ye ne re.”

Wahyu 3:11

Bergan sor, ete Ji ma re. Nin jom Ji bi sukduno-i ne pe, sane sor Ji satu ma et. Sane bere ye yi yo ku os wa nai sukndo gato bere nin ku ne wé kadit nin nde, bere nin kem ndo mone it.

Wahyu 3:19

Ye gato Ji bi sukjimnut sye kas subot ne yo, bere Ji ndantom yé ne, ete Ji kwam án mo sukibit gato án ben ne. Sane nin kwet kadit sukibit gato nin ben ne et. Nin ben Ji bi suk-i sisu nin mit dik si nin onyar dik et.

Wahyu 3:2

Sane nin sun tom! Kom more, nin yo ben suk tepsu pe gato Yefun Allah iwa ne nde tó, bergan nin tepsu yé gato kwop rok re. Sane nin misyar Yefun bi suk-i o nde, wo nin wergat nin nggwa subere nin ben suk tepsu Ji mit o et.