Wahyu 3:18 - Abun Scripture

¹⁸ Sane Ji duno nin do, emas gato ye kon ete ye nggri su san det sane sor nggren ne, nin ma nin so kadit Ji et. Sane bere nin tepsu ye gato ku suk mwa. Nin so san kwo wa nin it et. Sane bere nin kawarun o nde, bere nin damen o nde. Nin so ron wa nin es mo nin gro gan et. Sane bere nin sokme suk sisu ndo.

Wahyu 3:18 ပူးပေါင်းရင်းမြစ်များ

Matius 13:44

”Men werwa Yefun Allah nai men sok mo An bi rus-i it yo, men misyar suk bok neya wé kadit men tepsu sukjimnut mo sukamno ré: Yetu ge dik yo ku sukrok gato ye gurik mo nggwe dik yo. Ye ne mit iwa nai suk ne, sane an gurik sukrok ne satu o, orete an mu so an bi suk mwa wa an ku sugum, orete an mu so nggwe ne su sukrok ne.”

Matius 25:9

Ge mumek gato jam suk mwa ki do, ’Men bari, men gwat manik yo tepsu nin si men sino nde. Nin dakai mu so mo kios.’

Lukas 12:21

Sane Yefun Yesus ki do, ”Ye gato sum suk mwa mo bur ré wa an dakai, wo an yo ben Yefun Allah bi suk-i nde, bere Yefun Allah waii ki do, ye ne jimgon dom.”

2 Korintus 5:3

Nu mo gu ne tepsu men kaim be gato gesyos.

2 Korintus 8:9

Men jam do men bi Yekwesu Yesus Kristus ben An bi suk-i ne ndo dakai yi su men, men yo ben suk yo nyim wa An nde. An tepsu yepasye gato bi suk mwa. An da bi suk mwa, sarewo An ma mo bur ré sa, An bi sukjimnut sye kas subot men yetu anato An ben An nggwa tepsu ye gato yewa suk, subere An kak os ndo wa men, subere ri ma, men ku os wa men ku suk mwa mo Yefun Allah bi de-i o re.

1 Timotius 6:18

Nan syaugat ye gato ku suk mwa mo bur ré subere án ben suk gato ndo, subere án ben sukndo ne mwa, tepsu suk mwa gato án ku ne. Nan duno án subere án yo gro er wa suk nde, wo án iwa án syo suk mwa nai ye yi neya sor.

Yakobus 2:5

Ji bi nji, ji bi nyanggon gato ji jimnotku, nin jammo suk gato ji krom ré sisu ndo et, Yefun Allah bes ye gato yewa suk mo bur ré subere an bi sukjimnut kem pe mo Yefun nggi wai kadit ye gato bi suk mwa mo bur ré. Sane dom, Yefun nai ye gato yewa suk ne sok mo Yefun Allah bi rus-i tepsu Yefun Allah tom su ye gato bi sukjimnut sye kas subot An ne.

1 Petrus 1:7

Nin ku sukye ket kwayo-kwayo sane, subere nin jam mone do, nin onyar kem mo Yefun Allah sisu sangge, bado, nde e? Ji gwat sukamno sare do, nin onyar kem mo Yefun anato tepsu emas. Sukye anato tepsu bot gato ye kon emas mone. Emas tepsu men yetu, bere mbras re. Wo ye kon emas gato sangge mo bot yo, bere bot yo ben emas ne ibit nde, wo bot ne ós wa git sukkwik wé kadit emas ne or re. Sane dom nin onyar kem mo Yefun sisu sangge yo, bere sukye yo ben nin misyar Yefun nde, wo sukye ne ben nin onyar kem mo Yefun nggi wai kadit nyim ne o re. Suk gato ndo wai kadit emas anato nin onyar kem mo Yefun sisu sangge. Sane nin onyar kem mo An nggi wai o yo, bere su kam gato Yesus Kristus satu ma mo bur ré, Yefun Allah un nin e, Yefun bes nin gum kok, ete Yefun ki nin gum ndo mone o re.

Wahyu 16:15

Yesus Kristus ki sukdu subot kam sye ne do, ”Nin jammo suk gato Ji ki ré et. Bere Ji ma tepsu yegitsi. Kam gato Ji ma su ne, nin jam nde re, bere nin gensu sor. Ye gato frawa nggwa pe sor, ete fro bi san ndek, subere án mu yo, án kawarun nde, án damen dom nde, yé ne sa, mit at wa, we bere Yefun ben sukndo su yé ne re.”

Wahyu 19:8

Nggon ne ku san gato kwo ndo wa nggon it re.” (San kwo ndo ne bi sukjimnut do, sukndo gato yé gato onyar kem mo Yefun Yesus mo bur ré ben tepsu Yefun mit ne.)

Wahyu 2:9

Ji jam do, nin ku sukye, nin yewa suk, sarewo Yefun syo suk mwa wa nin da gesyos ne mó re. Ye Yahudi bok yo ki do, án sa, Yefun nai án gum sok mo Yefun bi rus-i. Án ma ki nin gum ibit ket kwayo-kwayo. Ji jam sukibit gato án kiket nin su ne o re. Yé bok ne jam nde Yefun, wo yé gato ben bi suk-i sane sok mo biris bi yekwesu bi rus-i ne sor re.

Wahyu 3:17

Nin ki do, ’Men yekaya it, men ku suk mwa mó re. Men yo yewa suk nde.’ Nin da ki sane, sarewo nin jam nde, Ji nut mo nin do, ’Kamapa, nin yo ndo nde. Nin yewa suk. Nin gro ndu. Nin kawarun re.’

Wahyu 4:4

Kursi musyu we sop at yo o kem wairi wa Yekwesu gato gum kok wai ne bi kursi. Mo kursi mwa ne, yenggras gato gum kok ge musyu we sop at kem mó. Yenggras bok ne it san gato kwo ndo. Án bom yekwesu bi topi emas mo án su.

Wahyu 7:13

Orete yenggras ge dik yo ndo mo ji do, ”Je u anato it san kwo ré ne? Yetu mwa gare ma kadit u ne?”