Wahyu 3:17 - Abun Scripture

¹⁷ Nin ki do, ’Men yekaya it, men ku suk mwa mó re. Men yo yewa suk nde.’ Nin da ki sane, sarewo nin jam nde, Ji nut mo nin do, ’Kamapa, nin yo ndo nde. Nin yewa suk. Nin gro ndu. Nin kawarun re.’

Wahyu 3:17 ပူးပေါင်းရင်းမြစ်များ

Matius 5:3

”Ye gato jam do, an yo nggi mo Yefun Allah bi de-i nde, sarewo an jom Yefun si bi sukdu-i tó yo, ye ne mit at wa, we Yefun Allah anato an bi Yekwesu gato mewa an.

Matius 9:12

Yefun Yesus jam ye Farisi bi sukdu ne sa, {An gwat sukamno dik yo subot ye Farisi bi sukjimnut.} An ki do, ”Ye gato yo i nde, bere an yo meret dokter nde, wo ye gato i sa, bere an meret dokter.

Lukas 1:53

Ye gato on de, ye gato yéwa suk, Yefun Allah syo suk mwa gato ndo nai yé ne, sarewo ye gato ku suk mwa, Yefun Allah syun yé ne mu yi.

Lukas 6:24

Sarewo nin yé gato ku suk mwa mo bur ré, nin kwabom dek wa sor, we bere suk mwa ne or kadit nin re, nin mit ndo mo suk mwa gato nin ku mo bur ré sor re.

Roma 11:20

Sangge, i-guk bok ne Yefun Allah tot wé, we yé bok ne yo onyar kem mo Kristus nde, sarewo Yefun Allah but nin dom kweke mone, we nin sa, onyar kem mo Kristus. Sane nin mit at teker eta nde, wo nin nyu et,

Roma 11:25

Ji bi nji, ji bi nyanggon, ji iwa nin jam subot suk yo gato Yefun Allah gurik kadit men yetu kom more. Nin jam sukdu ré subere nin dakai bes nin nggwa daret nde. Sukdu ne sare: ye Yahudi ne bere su krat sor kom mo kam gato yewis yi onyar brek ma kem mo Kristus, tepsu Yefun Allah nut do, tep mone it, orete yo, ye Yahudi yo su krat o nde.

Roma 12:3

Yefun Allah syo suktinggi nai ji dakai yi, sane ji ki nai nin sino sare do, nin bes nin nggwa kok teker eta nde, wo nin nutbot nin nggwa pare et. Nin onyar kem mo Yesus Kristus anato Yefun Allah syo suktinggi nai nin. Sane nin gedik-gedik nutbot nin nggwa pare tepsu pe gato nin onyar kem mo Yesus Kristus ne et.

Roma 7:24

Sane ji dakai mit iwa ji tepsu pakwerut wa benbot Yefun Allah bi sukduno-i, wo ji bi sukjimnut ibit mo ji mit ne, ben ji sane sor ji tepsu pakwerut wa ben sukibit bu. Sane, ji yo ndo o nde it. Je u anato bere nai ji wé kadit sukjimnut ibit gato jom ji dakai ete gwat ji mu kadit os sukkwop ré ne? Ji ki ndo mo Yefun Allah, we Yefun fro os mó re. An sa, syo men bi Yekwesu Yesus Kristus ma wa fro os wa men re. An fro os wa nai ji kadit sukjimnut ibit gato jom ji ne, sane ji ki ndo mo Yefun Allah sor.

2 Petrus 1:9

Sarewo men yo ben men bi suk-i sane nde yo, bere men tepsu ye gato gro ndu, men yo me suk sisu ndo nde, ete men mbrinket do, sukibit gato men ben suga nyim ne, Yefun Yesus tot or wé kadit men re.

Wahyu 16:15

Yesus Kristus ki sukdu subot kam sye ne do, ”Nin jammo suk gato Ji ki ré et. Bere Ji ma tepsu yegitsi. Kam gato Ji ma su ne, nin jam nde re, bere nin gensu sor. Ye gato frawa nggwa pe sor, ete fro bi san ndek, subere án mu yo, án kawarun nde, án damen dom nde, yé ne sa, mit at wa, we bere Yefun ben sukndo su yé ne re.”

Wahyu 2:9

Ji jam do, nin ku sukye, nin yewa suk, sarewo Yefun syo suk mwa wa nin da gesyos ne mó re. Ye Yahudi bok yo ki do, án sa, Yefun nai án gum sok mo Yefun bi rus-i. Án ma ki nin gum ibit ket kwayo-kwayo. Ji jam sukibit gato án kiket nin su ne o re. Yé bok ne jam nde Yefun, wo yé gato ben bi suk-i sane sok mo biris bi yekwesu bi rus-i ne sor re.

Wahyu 3:16

Nin kam nde, nin dek dom nde, wo ben sato nin kam bo sor re. Nin ben Ji bi suk-i su nin bambrai. Sane anato bere Ji bariket nin mone, ben sato Ji gwi nin su nin bi os ibit ne mu nden.