Wahyu 3:16 - Abun Scripture

¹⁶ Nin kam nde, nin dek dom nde, wo ben sato nin kam bo sor re. Nin ben Ji bi suk-i su nin bambrai. Sane anato bere Ji bariket nin mone, ben sato Ji gwi nin su nin bi os ibit ne mu nden.

Wahyu 3:16 ပူးပေါင်းရင်းမြစ်များ

Wahyu 2:5

Sane nin napawa ketke nin bi sukjimnut sye kas subot Ji, wo su ré nin yo bi sukjimnut sye kas subot Ji sane o nde. Ré yo, nin brek satu ma et, nin kwet, ete nin bi sukjimnut sye kas subot Ji tepsu ketke ne satu o et. Nin yo kwet nde yo, bere Ji ma nai nin bi sukru ne wé kadit bi nat-i re.

Wahyu 3:15

Ji jam subot suk mwa gato nin ben ne or re. Nin yo ben Ji bi suk-i su nin mit dik nde. Nin yo bariwa ben Ji bi suk-i dom nde, tepsu nin kam nde, nin dek dom nde. Sa ndo sa, nin nai os dik sor, sare: nin ben Ji bi suk-i yo, nin ben su nin mit dik sor, ondewo nin ben Ji bi suk-i nde.

Wahyu 3:17

Nin ki do, ’Men yekaya it, men ku suk mwa mó re. Men yo yewa suk nde.’ Nin da ki sane, sarewo nin jam nde, Ji nut mo nin do, ’Kamapa, nin yo ndo nde. Nin yewa suk. Nin gro ndu. Nin kawarun re.’