Wahyu 22:7 - Abun Scripture

⁷ Yefun Yesus ki do, ”Nin jammo suk gato Ji ki ré et, bergan sor ete Ji ma. Ye gato jammo sukdu subot suk gato bere bor mo buku ré, ye ne sa, mit at wa, we bere Yefun ben sukndo su ye ne re.”

Wahyu 22:7 ပူးပေါင်းရင်းမြစ်များ

Wahyu 1:11

Ji jam ye ne ki sukdu sare do, ”Suk gato bere nan sokme ne yo, nan krombot mo buku. Orete nan syo buku ne nai yé gato onyar kem mo Yefun Yesus mo nu ari mo kota Efesus e, Smirna e, Pergamus e, Tiatira e, Sardis e, Filadelfia si Laodikia ne et.”

Wahyu 1:3

Ye gato baca sukdu ré sye wa ye yi jam, ye ne anato mit at wa, we bere Yefun ben sukndo su an re. Ye gato jam ete benbot sukdu ré, ye ne anato mit at wa, we bere Yefun ben sukndo su an re. Ye ne mit at wa, we an jam nyim wé subot suk gato, yo nam nde ge, bere bor re.

Wahyu 16:15

Yesus Kristus ki sukdu subot kam sye ne do, ”Nin jammo suk gato Ji ki ré et. Bere Ji ma tepsu yegitsi. Kam gato Ji ma su ne, nin jam nde re, bere nin gensu sor. Ye gato frawa nggwa pe sor, ete fro bi san ndek, subere án mu yo, án kawarun nde, án damen dom nde, yé ne sa, mit at wa, we bere Yefun ben sukndo su yé ne re.”

Wahyu 2:16

Sane nin brek kadit sukdu gato ibit ne se! Nin yo brek kadit sukdu gato ibit ne nde yo, bergan sor ete Ji futma gu nin yé gato jom sukdu ne su nyom gato ot de we gato syesyar kadit Ji syokwet.

Wahyu 22:12

Yefun Yesus ki do, ”Nin jammo suk gato Ji ki ré et, bergan sor ete Ji ma. Ji gwat suk mwa gato bere Ji syo nai nje tepsu suk gato án ben wa Ji re.

Wahyu 22:18

Ji, gato gum do Yohanes, ji ki suknapa wa yé mwa ne sino gato jam suktaru subot suk gato bere bor su kam sari ne ma mo buku ré, sare do, ye gato syek kwa be tó sukdu ré yo, bere Yefun Allah waii syek sukye tepsu sukye gato ji krombot mo buku ré wa ye ne.

Wahyu 22:19

Ye gato tot sukdu mo buku ré napyo wé yo, bere Yefun Allah tot sukndo gato ji krombot mo buku ré napyo wé kadit ye ne re. Bere Yefun Allah tot sukndo gato ye ne ku mo Yefun Allah bi kota si kwebo gato ben yetu kem gesyos ne, Yefun Allah tot sukndo ne napyo wé kadit ye ne re.

Wahyu 22:20

Ye gato kibot sukdu mwa ré nai ji, An ki do, ”Sangge, bergan sor ete Ji ma!” Sangge! Yefun Yesus, men bi Yekwesu, Nan ma et!

Wahyu 22:21

Men bi Yekwesu Yefun Yesus ete mewa Yefun Allah bi rus-i ne sino sor. Sangge.

Wahyu 3:11

Bergan sor, ete Ji ma re. Nin jom Ji bi sukduno-i ne pe, sane sor Ji satu ma et. Sane bere ye yi yo ku os wa nai sukndo gato bere nin ku ne wé kadit nin nde, bere nin kem ndo mone it.

Wahyu 3:3

Sukduno gato yé duno nin su ne, nin napawa pe sor. Sukduno gato yé ki nai nin jam re, nin jam it, sane nin kwet kadit os ibit, ete nin benbot sukduno ne et. Sarewo nin sem su sukduno ne tó. Nin yo brek satu ma ete muket os gato ndo nde yo, bere Ji ba tepsu yegitsi. Kam gato Ji ba ku nin ne, bere nin gensu.