Wahyu 22:4 - Abun Scripture

⁴ Bere Yefun bi pakwerut dakai ku Yefun Allah gro mone. Ye krom Yefun Allah gum mo án git det.

Wahyu 22:4 ပူးပေါင်းရင်းမြစ်များ

Matius 5:8

Ye gato bariwa bi sukjimnut-i kem mo sukibit, wo an iwa an bi sukjimnut-i sye mo Yefun sor, ye ne mit at wa, we bere an jam Yefun Allah sisu ndo re.

Yohanes 12:26

Ye gato bi nggwa mo Ji wa an ben Ji bi suk-i ne yo, ye ne si Ji mu sino. Pe gato Ji mó, Ji bi pakon ne sisu Ji mone dom. Ye gato bi nggwa mo Ji wa an ben Ji bi suk-i yo, bere Ji bi Ai bes ye ne gum kok.”

Yohanes 17:24

Ji bi Ai, Nan syo Ji bi pakon nai Ji re. Ji iwa án si Ji kem mo nat gato bere Ji kem mone, subere án me do Ji anato gum kok sye wai o re. Nan yo ut bur ré nde tó, Nan bi sukjimnut sye kas subot Ji, Nan bes Ji gum kok sye wé re.

1 Korintus 13:12

Sane dom Yefun bi suk-i gato men jam su ré anato tepsu men me men gen mo cermin gato yo ndo nde, sane men me men gen yo rer teker nde, wo kapyo tak bere men jam Yefun bi suk-i ne rer mone tó. Su ré men jam suk ne napyo sor re, wo kapyo tak, bere men jam suk mwa ne sino rer kom mo mit kai, tepsu Yefun Allah jam suk mwa ne sino subot ji dakai.

Ibrani 12:14

Sane dom nin werwa nin si yé mwa ne sino kem ndo su yu sor. Nin werwa nin ben nin bi suk-i ndo petok sor, nin ben suk yo gato ibit mo nde. Nin yo werwa ben nin bi suk-i ndo petok sane nde yo, bere nin yo ku Yefun nde.

Wahyu 14:1

Orete ji sokme Domba Gan ti mo banbo Sion. Yetu ge 144.000 si Domba Gan ti mone sino. Ye krom Domba Gan si bi Ai gum mo yé mwa ne git det re.

Wahyu 3:12

Yé gato nggi wai kadit bur ré bi suk-i yo, bere Ji bes án tepsu kwedi mo Ji bi Ai Yefun Allah bi nu-i. Ye gato nggi ne kem pe mo nu ne. Yé ne yo mu kadit nu ne nde. Bere Ji krom Yefun Allah gum mo yé ne. Bere Ji krom Yefun Allah bi kota gum mo yé ne. Kota ne anato Yerusalem be gato bere Ji bi Ai Yefun Allah syo is kadit gu ne ma. Bere Ji krom Ji dakai gum be mo yé gato nggi wai kadit bur ré bi suk-i dom re.

Wahyu 7:3

Malaikat ne ki do, ”Nin misyar nobu kas ti mo bur nde tó. Nin misyar nobu kas ti mo sem nde tó. Nin misyar nobu kas ti mo kwe dom nde tó. Nin misyar nobu kas ben suk bok ne ibit nde tó yei, sane sor men syat ja wa Yefun bi rus-i or wé et. Men krom sukdu, men syat ja wa Yefun Allah gato jom men ne bi pakwerut git det or wé, ete nin misyar nobu kas ti mo suk bok neya sor.”