Wahyu 22:12 - Abun Scripture

¹² Yefun Yesus ki do, ”Nin jammo suk gato Ji ki ré et, bergan sor ete Ji ma. Ji gwat suk mwa gato bere Ji syo nai nje tepsu suk gato án ben wa Ji re.

Wahyu 22:12 ပူးပေါင်းရင်းမြစ်များ

Matius 16:27

We sare, Ji, gato Yetu bi Pa, bere Ji si Ji bi malaikat si Ji bi Ai bi suktinggi ne ma, ete syo suk gato ndo nai nje tepsu sukndo gato án ben ne.

Roma 14:12

Sane bere men yetu gedik-gedik dakai ki rek subot suk mwa gato men dakai ben ne mo Yefun Allah gwem sor. Sane men mewa men nggwa kadit men ki yu daret nde.

1 Korintus 3:14

Sane nu gato yé ben ne kem krat kadit bot git nde yo, bere ye gato ben nu ne Yefun Allah syo suk gato ndo nai án mo án bi kamba.

1 Korintus 3:8

Ye gato jan suk si ye gato sye syur wa ne, an we bi sukjimnut tepsu yu, an we ne iwa sukjan ne kom. Bere Yefun Allah syo suk gato ndo nai án tepsu án bi kamba mone.

Wahyu 11:18

Ye gato jam nde Nan mo buryo-buryo maskwa ndo nde, we Nan bi sukmaskwa bor it anare. Su kam ré, bi kam-i tepsu Nan ndobot yé mwa ne sino gato kwop mo suk gato án ben ne re. Nan bi pakwerut gato ki Nan bi suktaru ne, yenabi gane, Nan syo sukndo nai án mo suk gato án ben ne it anare. Yé gato onyar kem mo Yefun Yesus gato bes Nan gum kok ne dogato gum wok si dogato gum sye ne sino, Nan syo sukndo nai án it anare. Sarewo yé gato ben yetu mo bur ré ibit, Nan ben ibit it anare.”

Wahyu 2:23

Yé bok ne sino gato simo nggon ne, bere Ji gu kwop wé. Ji gu yé bok ne kwop wé, subere yé gato onyar kem mo Yefun Yesus mo nu ari mwa ne sino jam do, Ji anato jam kadik-kadik bi sukjimnut-i kom mo mit re. Yé bok ne yo ku os wa gurik sukibit gato án ben ne nde. Bere Ji ben sukye nai kadik-kadik tepsu sukibit gato án ben ne.

Wahyu 20:12

Ji sokme yé mwa ne sino gato kwop sum mo kursi sye ne gwem. Yé gato gum sye e, yé gato gum wok e ne, yé mwa gato kwop ne sino ti mo kursi sye ne gwem. Buku bok yo kak mone. Orete ye nai Buku dik yo o ma, ye kak mone dom. Ye krom yé gato bere kem gesyos ne gum mo Buku ne. Or o Yefun Allah syo sukye nai yetu gato kwop ne tepsu sukdu gato ye krom mo buku bok ne. Yefun Allah syo suk nai yetu mwa ne tepsu suk gato yetu mwa ne ben re.

Wahyu 22:20

Ye gato kibot sukdu mwa ré nai ji, An ki do, ”Sangge, bergan sor ete Ji ma!” Sangge! Yefun Yesus, men bi Yekwesu, Nan ma et!

Wahyu 22:7

Yefun Yesus ki do, ”Nin jammo suk gato Ji ki ré et, bergan sor ete Ji ma. Ye gato jammo sukdu subot suk gato bere bor mo buku ré, ye ne sa, mit at wa, we bere Yefun ben sukndo su ye ne re.”

Wahyu 3:11

Bergan sor, ete Ji ma re. Nin jom Ji bi sukduno-i ne pe, sane sor Ji satu ma et. Sane bere ye yi yo ku os wa nai sukndo gato bere nin ku ne wé kadit nin nde, bere nin kem ndo mone it.