Wahyu 21:4 - Abun Scripture

⁴ Bere Ji nggri yé gato wo ne gro rom wé re. Bere yé yo kwop o nde, yé yo nderku nggwa o nde, yé yo wo o nde, yé kaim yo yó e, dipa su sukye o nde. Suk bok ne bere bor o nde, we suk mwa gato nyim neya fres wé or re.”

Wahyu 21:4 ပူးပေါင်းရင်းမြစ်များ

Matius 24:35

Gu nim ne si bur ré bere kru re, wo Ji bi sukdu ne kem sor to kapyo mato kapyo.”

1 Korintus 15:26

Suk mwa gato bariket Yefun Yesus ne dik yo anato suktinggi gato ben men yetu kwop ne. Suktinggi ne, Kristus bere ben ibit wari.

1 Korintus 7:31

Men yé gato ben suk su suk mwa mo bur ré it yo, men ben men nggwa tepsu ye gato bi sukjimnut sye mo suk mwa ne nde, we yo nam nde ge, suk mwa neya mo bur ré, bere kru or re.

2 Korintus 5:17

Sane men si Yesus Kristus tepsu dik it yo, men anato ye gato be o re. Men yo simo os ibit saga nyim ne o nde, wo men simo os be mo suk mwa ne sino o re.

2 Korintus 6:17

Sane Yefun Allah ki nai bi rus-i do, ”Sane nin tik nggwa wé kadit ye gato jam nde Yefun Allah ne et. Nin ti ko kadit yé ne. Nin mewa nin nggwa kadit ye gato Ji bagri ket sor, sane bere Ji nai nin sok mo Ji bi rus-i.

Ibrani 12:27

Yefun Allah ki mone do, ”wam dik yo o,” sane men jam do, suk mwa mo bur ré si gu nim ne sino gato Yefun ut ré bere ram kom mo iwedewe. Suk mwa mo bur ré gato yo kem krat nde yo, bere Yefun nai wé re, subere suk mwa gato kem krat sor ete kem.

2 Petrus 3:10

Sarewo kam gato Yesus Kristus ma ne, bere An ma tepsu yegitsi gato ma wa syimsi suk ne, bere men gensu sor re. Tepsu kam ne, ben sato suk yo pu mo gu, ete sugane gu ne fres re. Ete suk mwa gato kem mo gu nim ne bot git or re. Sane dom bur ré si suk mwa gato mo bur ré fres or re.

1 Yohanes 2:17

Sukibit mwa gato mo bur ré si sukibit gato ye iwa ye ben ne, yo nam nde ge, bere or re. Sarewo ye gato ben bi suk-i tepsu Yefun Allah mit yo, bere ye ne kem ndo to kapyo mato kapyo.

Wahyu 20:13

Yé gato kwop mo sem mit syesyar ete ma ti mo Yefun Allah gwem. Yé gato mo gwinggri syo mo bur desnak si sukkwop bi nat-i ne syesyar sino ma ti mo Yefun Allah gwem dom. Orete Yefun Allah syo sukye nai nje gedik-gedik tepsu suk gato gedik-gedik ben ne.

Wahyu 20:14

Orete sukkwop bi nat-i si gwinggri syo mo bur desnak ne, ye am mu ngga mo bot sye gato tepsu em ete ru su nyor. (Bot sye gato tepsu em ete ru ne anato tepsu sukkwop kedowe.)

Wahyu 21:1

Orete ji sokme gu be si bur be. Gu gato rok sisu bur gato rok ne fres wé re. Sem fres dom re.

Wahyu 22:3

Suk mwa mo kota ne ndo sino. Yefun Allah yo dufo mo suk yo gato kem mo kota ne mo nde. Bere mo kota ne, Yefun Allah si Domba Gan bi kursi sye mó. Yefun bi pakwerut ben Yefun bi suk-i mone.

Wahyu 7:17

Án yo ku sukye sane o nde, we Domba Gan gato kem mo kursi miten ne, bere mewa án. Bere Domba Gan gwat án mu mo syur nggrup gato ben án mbau. Bere Yefun Allah singgri án gro rom ne sino sa kadit án gro re.”