Wahyu 21:3 - Abun Scripture

³ Orete yé jam Yefun Allah mo An bi kursi sye ne ki sye sare do, ”Ré yo, Ji, Yefun Allah, ma kem sisu yetu it! Bere Ji ma sisu yetu kem mo nat dik sino re. Yetu ne tepsu Ji bi rus-i re. Ji dakai sisu Ji bi rus-i kem mo nat dik sino tepsu yetu bi Yekwesu ne o re.

Wahyu 21:3 ပူးပေါင်းရင်းမြစ်များ

Yohanes 1:14

Sukdu ne ma mo bur ré ka tepsu yetu re. An ma si men kem mo bur ré sino. An ben sukndo mwa yé su men dakai yi. An kadum Yefun Allah wa men jam sisu sangge. Men dakai me su men gro do, An gum kok sye wai o re. Yefun Allah anato An bi Ai, Yefun Allah bi Gan ge dik ne sor re, anato Yefun Allah bes An gum kok sye wai. {An anato Yefun Yesus.}

Yohanes 14:23

Yefun Yesus ki nai an do, ”Ye to bi sukjimnut sye kas subot Ji it yo, bere ye ne benbot sukduno gato Ji duno an su ne. Bere Ji bi Ai bi sukjimnut sye kas subot an. Bere Ji si Ji bi Ai ma mo an, ete si an kem sino.

2 Korintus 6:16

Ye gato mo Yefun Allah bi nu-i si ye gato mo yefun gato ye som daret ne bi nu-i ne te, bi sukjimnut tepsu dik subot suk sato suma ne? Bere yo mo nde. Men bi sukjimnut tara kadit ye gato som sukdaret ne, we men anato tepsu Yefun Allah gato gesyos ne bi rus-i gato kem mo An bi nu-i, tepsu Yefun Allah ki do, ”Bere Ji dakai anato si Ji bi rus-i kem sino mo pe dik, Ji si án kem sino mone. Bere Ji Yefun Allah anato tepsu yenggras gato jom án ne, án anato tepsu Ji bi rus-i.”

2 Korintus 6:18

Bere Ji tepsu nin bi Ai, ete Nin tepsu Ji bi pa, Ji bi pa yebris si pa donggon sino. Ji anato Yefun Allah, nin bi Yekwesu, gato nggi wai o re, Ji ki bi sukdu-i kem mone it.”

1 Tesalonika 3:11

Men bi Ai, Yefun Allah dakai, si men bi Yekwesu Yesus Kristus ete fro os wa men ba ku nin mone et.

Ibrani 11:16

Sarewo án bi sukjimnut kem mo bur gato ndo wai o re, án bi sukjimnut kem mo bur mo gu nim ne sor. Yefun fro kota dik yo wa án kem mone mó re. Sane anato yenggras bok ne kendo Yefun Allah tepsu án bi yenggras gato jom án, Yefun Allah yo damen wa nde.

Ibrani 8:10

Wo su ré yo, Ji kak os be su yewis ye Israel {gato tepsu Ji bi rus-i,} tepsu suk gato Ji tom ne. Yefun Allah ki do, su kam sari ne ma, Bere Ji bok Ji bi sukduno-i mo án bi sukjimnut, Bere Ji krom Ji bi sukduno-i mo án mit re. Bere Ji, Yefun Allah anato án bi yenggras gato jom án ne, Bere án anato Ji bi rus-i re.

Ibrani 8:2

An ben suk tepsu yegweswai gato gum kok mo Yefun Allah dakai bi gumwak-i, gato fo mo Yefun Allah bi nu mit mo gu. Nu mo gu ne yetu yo nggo nde, wo Yefun Allah dakai sor anato nggo An bi nu-i gato sangge mo gu ne.

Wahyu 10:4

Nogu pu wam mufit sa, bergan ji nut do ji krombot sukdu gato ji jam kadit nogu ne, sarewo ji jam yetu ge dik yo ki sukdu kadit gu sare do, ”Nan gurik sukdu gato nan jam kadit nogu gato pu wam mufit ne, nan krom nde.”

Wahyu 10:8

Orete ye gato ji jam ki suk mo gu ne, an ki sukdu nai ji wam dik yo o sare do, ”Nan mu nai buku gato kak mo malaikat gato gwes dik yo ti mo sem, gwes dik yo ti mo nden ne, nan nai buku kadit malaikat ne syim et.”

Wahyu 12:10

Orete ji jam ye yo saiye mo gu, an ki do, ”Ré ne Yefun Allah nai An bi rus-i wé kadit sukye subere men kem ndo it. Ré ne Yefun Allah gato jom men ne bi suktinggi bor it. Sane anato bere An jom men mo nat gato An fro ne it. Ré ne Kristus gato Yefun bes wa kak os ndo wa yetu kem ndo bi suktinggi bor anato Kristus jom men yetu mo bur ré re. Men si Yefun kem ndo mo bi nat-i it, we su ré biris bi yekwesu gato ndak men bi nji mo Yefun bi rus-i ne gum mo Yefun Allah gwem noru nombrak ne, biris bi yekwesu yo ti mone o nde, we yé am biris bi yekwesu wé kadit nat ne or re.

Wahyu 21:7

Yé gato nggi wai kadit bur ré bi suk-i, bere án ku suk mwa mo bur be ne kadit Ji. Bere Ji anato tepsu Yefun gato jom án, ete án anato tepsu Ji dakai bi pá-i.

Wahyu 22:3

Suk mwa mo kota ne ndo sino. Yefun Allah yo dufo mo suk yo gato kem mo kota ne mo nde. Bere mo kota ne, Yefun Allah si Domba Gan bi kursi sye mó. Yefun bi pakwerut ben Yefun bi suk-i mone.

Wahyu 7:15

Sane anato án ti mo Yefun Allah gwem. Án ben Yefun bi suk-i noru nombrak sor mo Yefun bi nu. Bere Yefun Allah gato kem mo An bi kursi sisu án, ete mewa án sino.