Wahyu 20:9 - Abun Scripture

⁹ Yetu mwa ne sum ete mubot bur ré sor, án kom mo kota gato Yefun Allah jimnotku. Yefun Allah bi rus-i sum mone, ete yetu mwa ne ti wairi wa Yefun bi rus-i, sarewo bot is kadit gu ete git yé mwa gato futma gu Yefun bi rus-i ne, yé mwa ne kwop or.

Wahyu 20:9 ပူးပေါင်းရင်းမြစ်များ

Lukas 17:29

Wo su kam gato Lot mu kadit kota Sodom ne, yé mwa ne gensu, we su kam gane Yefun Allah syo bot si jok ges kadit gu git yé mwa mone kwop or sino.

Lukas 19:43

Kam yo tak bere nin ku sukye. Bere yeko futma wairi wa nin sino mo kota ré, ete yeko gu nin kadit deyo-deyo.

Lukas 21:20

”Nin do me yeko futma wairi wa Yerusalem it yo, nin jam do, bergan yeko ne ben kota ne ibit.

Lukas 9:54

Yefun Yesus bi pakon gato gum do Yohanes si Yakobus jam do, ye Samaria bariwa Yefun Yesus ma mo án bi kampung sa, an we ndo mo Yefun Yesus do, ”Yenggras, men ndek Yefun Allah syo bot is kadit gu ma git ye Samaria mo kampung ré wé, bado?”

2 Tesalonika 1:8

Bere Yefun Yesus si malaikat ne is ma, án gwat bot gato ru sye kadit gu ne ma wa án ben sukye nai yé ne. Án syo sukye nai yé gato misyar Yefun Allah. Án syo sukye nai yé gato bariwa simo os ndo gato men bi Yekwesu Yesus Kristus kak ne.

Ibrani 13:13

Sane it yo, men mu kadit os nyim ete men ut mo os be gato Kristus kak ne et. Men ut mo An yo, men si An sino ku sukye ket kwayo-kwayo mone.

Wahyu 11:5

Ye to ma wa gu ye we ne yo, bere bot syesyar kadit ye we syokwet ete git yé gato futma wa gu an we ne kwop. Sane yé gato ma wa gu ye we bere bot git kwop sor.

Wahyu 13:13

Suge kedowe ben suk gato ben yetu yeket an. An ben suk mwa subere yetu me an bi suktinggi ne bor re. An ben bot is kadit gu ma kom mo bur ré, yetu mwa dakai me su gro re.