Wahyu 20:8 - Abun Scripture

⁸ Biris bi yekwesu bere mubot bur mwa ne sino ete ben kidar nje mo bur ré iwedewe. Biris bi yekwesu ben kidar yewis deyo gato gum do Gog si yewis deyo o gato gum do Magog. Biris bi yekwesu ben kidar yewis mwa ne sino subere án sino sum wa gu Yefun bi rus-i mone. Yetu ne mwa wai o re. Yetu ne mwa tepsu yen mo sem de.

Wahyu 20:8 ပူးပေါင်းရင်းမြစ်များ

Ibrani 11:12

Abraham yo ku pa nde tó, Abraham ka yenggras rok it, an yo nggi o nde, sarewo ri ma an bi wis-i ne mwa yé, ye yo nggiwa ne Abraham bi pa-i mwa ne sino or nde. Abraham bi wis-i mwa yé, tepsu bí mo gu re. Sane dom, an bi pa-i mwa wai o re, tepsu yen mo sem de.

Wahyu 12:9

Mikhael si bi malaikat-i am naga sye ne wé kadit gu re. Naga gane anato tepsu kwis kadit nyim tuya gato gum do biris bi yekwesu. Yé kendo biris bi yekwesu ne gum do Iblis dom. Naga gane ben kidar yetu mwa mo bur ré ges mo os ibit. Orete Mikhael si bi malaikat-i am naga sye ne si bi malaikat-i sino mu is kadit gu ma mo bur ré re.

Wahyu 16:14

Malaikat ibit ge gri ne kadum bi suktinggi bor mo suk gato án ge gri ben anato yetu yeket. Malaikat ge gri ne mubot yesu mwa mo bur ré iwedewe subere án ge gri ne sum yesu mwa ne sino wa gu yu tepsu kam sye gato Yefun Allah fro ne. Su kam sye ne, Yefun Allah gato nggi wai ne bere ndobot yetu mwa ne sino re.

Wahyu 20:10

Orete biris bi yekwesu gato ben kidar yé mwa ne, Yefun am mu ngga mo bot sye gato tepsu em ete ru sye basmi kwik su belerang. Yefun Allah am biris bi yekwesu mo nat gato Yefun am suge doketke si suge kedowe, gato tepsu yenabi gato kidar nje ne, nyim wé re. Mo bot ne, biris bi yekwesu e, suge doketke si yenabi ne ku sukye ete dipa su noru nombrak sane sor to kapyo mato kapyo.

Wahyu 20:3

Malaikat rai naga ne pe ete am mo kwoye sye mo bur desnak. Orete an domwa kwoye sye mo bur desnak ne syo krat wari wa naga ne. An ben syik mone subere ye yo ma kak o nde, subere naga yo ku os wa ben kidar nje mo bur ré iwedewe o nde, sane sor tahun ribu dik or. Tahun ribu dik or wé, ete ye kak kwoye sye mo bur desnak ne syo wa naga syesyar wikgan.

Wahyu 7:1

Ji sokme suk gato yé mwa ne sino ben ne or sa, ji sokme malaikat ge at ti mo bur ré nap at. Malaikat ge at ne butwa nobu nim e, nobu ket e, nobu njot si nobu sem ne sino, subere nofuf ne yo kas ti mo bur nde, yo kas ti mo sem nde, yo kas ti mo kwe dom nde.