Wahyu 20:4 - Abun Scripture4 Orete ji sokme yekwesu bi kursi bok yo. Yé gato kem mone anato yé gato ku suktinggi wa jom ete ndobot yetu. Sane dom ji sokme yetu ge bok yo gato ye gu kwop. Ye tot yé bok ne su toko wé su mbam, we yé bok ne ki subot suk gato Yefun Yesus ben ne, án ki subot Yefun Allah bi sukdu-i. Yé bok ne yo som suge doketke si suk gato ye ut ka sa suge ne nde. Ye yo syat suge doketke bi ja mo yé bok ne git det nde. Ye yo syat ja mo yé bok ne syim rut ne dom nde. Yé bok ne Yefun sun kadit sukkwop o re, án si Kristus jom nje tepsu yekwesu sane sor kom mo tahun ribu dik. အခန်းကိုကြည့်ပါ။ |
Wahyu 20:4
40 ပူးပေါင်းရင်းမြစ်များ
Bere pa ne fro os wa Yefun, ye Israel bi Yekwesu, gato bere ma ne. Bere Yefun Allah Gen bok nggwa mo pa subere an ki Yefun Allah bi suktaru. Bere an ben an bi suk-i tepsu Elia, gato yenabi kam nyim ne. Yefun Allah Gen bok nggwa mo pa ne, subere pa ben yenggras gato maskwa ket bi pa ne kem ndo satu. Ye gato bariwa jammo Yefun, bere pa ne kar yé ne satu kadit os ibit ma mo os ndo, ete án ben sukndo tepsu Yefun mit. Bere pa ne fro yé mwa subere án kak án mit wa Yefun gato bere ma mo án.”
Nan do kendo ye ga sane ma it yo, bere Yefun Allah ben sukndo su nan. Ye gato nan kendo ma ne, yé ne bi os wa án ben sukndo satu yo mo nde. Wo Yefun Allah sa, bere ben sukndo satu nai nan. Su kam gato Yefun sun yé gato ben sukndo tepsu An mit ne mbau satu kadit sukkwop, su kam gane Yefun Allah ben sukndo su nan.”
Ji, gato gum do Yohanes anato tepsu nin bi nji mo Yefun Allah bi rus-i. Ji simo Yesus Kristus tepsu nin. Men sino bi Yekwesu mo Yesus Kristus. Men sino ku sukye tepsu yu. Kapre men ku sukye o, men yo misyar Yefun nde, men simo An pe sor. Ji ki sukdu subot os ndo gato Yefun Allah fro ne. Ji ki subot suk gato Yesus Kristus ben wa kak os ne, sane anato yé but ji, ete yé gwat ji mu yé grem kem mo ef Patmos.
Malaikat kedomufit fuf bi trompet-i ba o sa, ji jam ye ki sukdu sye mo gu sare do, ”Su ré sa, Yefun Allah gato jom men si Kristus gato Yefun Allah syogat ma wa kak os ndo wa yetu sok mo Yefun bi rus-i ne, ré ne Yefun Allah si Kristus jom bur ré it. Kadit kam ré sa, Yefun Allah si Kristus dakai jom yetu mo bur ré to kapyo mato kapyo it.”
Domba Gan dé sye wa men yetu anato men bi nji mo Yefun bi rus-i ne nggi wai kadit biris bi yekwesu o re. Án ki subot Yefun Allah bi sukdu-i anato án nggi wai kadit biris bi yekwesu o re. Án yo nutbot án dakai nde, án bi án nggwa mo Yefun wa ben Yefun bi suk-i. Kapre án kwop o, án mbau o, án kibot suk gato Yefun ben ne sor.
Orete ji sokme suk gato ka sa kaca mwa tepsu sem si bot fros yu. Ji sokme yetu mwa gato Yesus Kristus nai kadit bur ré tepsu An bi rus-i ne ti mo sem de. Yé mwa ne nggi wai kadit suge doketke ne re. Suge doketke si suk gato ye ut ka sa suge ne yo nggiwa jom yé mwa ne nde, wo yé mwa ne nggi wai kadit suge doketke gato ku gum tepsu nomor ne. Yé mwa gane jom kecapi gato Yefun Allah syo nai án ne.
Suge doketke gato nan me ré, suga nyim sa, mbau, wo ré yo, yo mbau o nde. Bergan suge ne syesyar kadit kwoye sye mo bur desnak ne ma nim mo bur ré o. {Orete bere Yesus Kristus gu suge ne kwop wé,} suge ne bere ibit or re. Suga nyim sa, suge ne mbau, wo ré ne, yo mbau o nde, sarewo bere suge ne mbau satu o re. Sane anato yetu gato gum yo sok mo Yefun Allah bi Buku Yegesyos nde, bere yeket mone. Yefun fro Buku ne su kam gato An yo ut bur ré nde tó. Bere yé mwa gato kem mo bur ré, gato gum yo sok mo Buku ne nde yo, bere yé mwa ne yeket suge ne re.
Yé gato Yefun Allah sun su wam doketke ne, yé ne sa, mit at wa. Yé bok ne tep wa Yefun Allah nai sok mo Yefun dakai bi rus-i ne. Bere yé bok ne yo kwop wam kedowe o nde, wo án tepsu yegweswai wa yetu si Yefun Allah. Yé bok ne ben suk wa Kristus sor. Bere án si Kristus jom nje ne sor kom mo tahun ribu dik ne re.
Yé gato nggi wai kadit bur ré bi suk-i yo, bere Ji bes án gum kok. Bere án gum kok tep wa án si Ji tepsu yekwesu. Bere Ji ki nai yé ne do, ”Nin ma, nin sisu Ji kem kok mo Ji bi nat ré, men anato gum Yekwesu sino.” Ji anato nggi wai kadit bur ré bi suk-i, anato Ji si Ji bi Ai kem kok mo An bi nat-i re.
Domba Gan kak lilin gum domek ne wé sa, ji sokme yetu da gesyos ge bok yo mo meja gato ye gre suge wa som Yefun Allah su mone. Yé bok ne kem mo meja desnak mo bur. Suga nyim yé bok ne mbau mo bur ré tó, án kibot Yefun Allah bi sukdu. Án kibot sukndo gato Yefun ben su án nai ye yi jam gat pe sor anato yé gu án kwop wé mone.
Malaikat ne ki do, ”Nin misyar nobu kas ti mo bur nde tó. Nin misyar nobu kas ti mo sem nde tó. Nin misyar nobu kas ti mo kwe dom nde tó. Nin misyar nobu kas ben suk bok ne ibit nde tó yei, sane sor men syat ja wa Yefun bi rus-i or wé et. Men krom sukdu, men syat ja wa Yefun Allah gato jom men ne bi pakwerut git det or wé, ete nin misyar nobu kas ti mo suk bok neya sor.”
ကြော်ငြာတွေ