Wahyu 2:9 - Abun Scripture

⁹ Ji jam do, nin ku sukye, nin yewa suk, sarewo Yefun syo suk mwa wa nin da gesyos ne mó re. Ye Yahudi bok yo ki do, án sa, Yefun nai án gum sok mo Yefun bi rus-i. Án ma ki nin gum ibit ket kwayo-kwayo. Ji jam sukibit gato án kiket nin su ne o re. Yé bok ne jam nde Yefun, wo yé gato ben bi suk-i sane sok mo biris bi yekwesu bi rus-i ne sor re.

Wahyu 2:9 ပူးပေါင်းရင်းမြစ်များ

Matius 4:10

Yefun Yesus ki do, ”Biris bi yekwesu, nan mu kadit Ji tom, we mo Yefun Allah bi sukdu, ye krom o do, ’Men bes men bi Yekwesu Yefun Allah ne gum kok et, men ben An bi suk-i sor.’ ”

Lukas 12:21

Sane Yefun Yesus ki do, ”Ye gato sum suk mwa mo bur ré wa an dakai, wo an yo ben Yefun Allah bi suk-i nde, bere Yefun Allah waii ki do, ye ne jimgon dom.”

Lukas 22:65

Yé bok ne kabor Yefun Yesus ket kwa bok yo o dom.

Lukas 4:18

”Yefun Allah Gen bok nggwa mo Ji, we Yefun Allah bes Ji wa Ji ki subot An bi suktaru gato ndo nai ye gato yewa suk jam An bi sukdu ne. An syogat Ji ma wa Ji ki nai yé gato ye rai ne do, ’Ji sombok nin wé kadit sukibit gato jom nin ne it!’ An syogat Ji ma wa Ji ós ye gato gro ndu, subere Ji ben án gro ndo satu. An syogat Ji ma wa Ji nai ye gato ku sukye wé kadit sukye ne subere án kem ndo satu.

Lukas 6:20

Yefun Yesus sokwa An bi pakon, orete An ki do, ”Nin yé gato yewa suk, nin mit at wa, we Yefun Allah anato nin bi Yekwesu gato mewa nin.

Yohanes 16:33

Ji ki sukdu mwa ne nai nin jam subere nin kwabom kam mo Ji, ete nin kem not, nin nyuwa suk yo nde. Mo bur ré nin ku sukye mwa. Sarewo Nin nyuwa nde, we Ji sa, Ji nggi wai kadit biris bi rus-i gato ben sukibit mo bur ré re.”

Suk Gato Yerasul Ben Ne 26:11

Wam bok yo ji mubot ye Yahudi bi nu ari wa ji ben sukye nai ye gato onyar kem mo Yefun Yesus. Ji wergat án subere án misyar Yefun Yesus, ete kiket Yefun Yesus gum ibit. Ji on sa ket án sane, ji mubot kota Yerusalem sor nde, wo ji mu mo kota yi mo bur yi subere ji ben sukye nai án mone dom.”

Roma 12:12

Men kwabom kam mo Yefun Allah, ete men mit at mone. Men ku sukye yo, men misyar Yefun nde, wo men eswa sukye ne or kadit men. Men ki suk su Yefun Allah petok sor.

Roma 2:17

Sarewo su ré, nin dakai ben nin bi suk-i sa u ne? Nin ki do, ”Men ré ye Yahudi.” Nin nut do, ”Men ye Yahudi bi sukduno-i ré sa, ndo wa men re.” Nin nut o do, ”Men sa, jam Yefun Allah it,” ete nin bes nin nggwa kok wai kadit ye yi neya mo sukdu gato nin ki ne.

Roma 5:3

Men mit at mone sor nde, wo men mit at mo sukye gato men ku ne dom, we men jam do, sukye gato men ku ne, bere ben men nggiwa ben suk gato ndo pe sor, men yo sombok kadit suk gato men ben ne nde.

Roma 8:35

Suk sato suma anato nggi ya mo miten wa men si Kristus subere Yesus Kristus yo ku os wa mewa men o nde ne? Men ku sukye anato Yesus Kristus yo ku os wa mewa men mone nde, bado? Mo nde. Ye yo ben sukye nai men anato Kristus yo ku os wa mewa men mone nde, bado? Mo nde. Sukonde e, men yewa suk e, yeko futma wa gu men kwop su nyom e ne anato Kristus yo ku os wa mewa men mone nde, bado? Suk bok gane bere yo ben sukye mo mit wa men si Kristus mo nde, bere Kristus mewa men petok sor,

Roma 9:6

Suk gato Yefun Allah tom su ye Israel ne, ye Israel deyo ki do, Yefun Allah yo benbot nde, sarewo ji yo bi sukdu-i sane nde re. Yefun Allah benbot suk gato An tom ne, An yo nai ye Israel bi pa-i mwa ne sino tepsu Yefun dakai bi pa-i nde.

2 Korintus 6:10

Men da nderku nggwa, sarewo men mit at wa suk mwa neya petok sor. Men yo ku suk yo mo nde, sarewo men kak os wa yé mwa neya ku suk mwa kadit Yefun. Ye da nut do, men bi suk yo mo nde, sarewo men sa, bi suk mwa ne sino mo bur ré iwedewe mó re.

2 Korintus 8:2

Yé gato onyar kem mo Yefun Yesus mo bur Makedonia ne ku sukye gato yé teker wa án. Án ku sukye, án yewa suk ndo nde, sarewo án mit iwa ye yi ndo nde anato án iwa syo suk dakai yi nai yé gato onyar kem mo Yefun Yesus mo bur Yudea. Án syo sukwokgan nde, wo án syo suk mwa nai nje mone.

2 Korintus 8:9

Men jam do men bi Yekwesu Yesus Kristus ben An bi suk-i ne ndo dakai yi su men, men yo ben suk yo nyim wa An nde. An tepsu yepasye gato bi suk mwa. An da bi suk mwa, sarewo An ma mo bur ré sa, An bi sukjimnut sye kas subot men yetu anato An ben An nggwa tepsu ye gato yewa suk, subere An kak os ndo wa men, subere ri ma, men ku os wa men ku suk mwa mo Yefun Allah bi de-i o re.

1 Tesalonika 3:4

Tomgato men si nin kem mone sino tó, men ki sukdu nai nin sare do, bere men sino ku sukye. Sangge, sukye ne bor it, nin dakai jam re.

1 Timotius 1:13

wo suga nyim tuya ji kiket Yesus Kristus gum ibit, ji ben sukye, ji ben sukot nai An bi nje-i, ji kabor An ket kwayo-kwayo. Ji da ben sukibit mwa ne, sarewo An ben sukndo su ji, An dakai jimnotku ji sor, we tomgato ji ben ji bi suk-i ibit ne, ji jam nde suk, ji yo onyar kem mo An nde tó, anato ji ben sukdaret sane.

1 Timotius 6:18

Nan syaugat ye gato ku suk mwa mo bur ré subere án ben suk gato ndo, subere án ben sukndo ne mwa, tepsu suk mwa gato án ku ne. Nan duno án subere án yo gro er wa suk nde, wo án iwa án syo suk mwa nai ye yi neya sor.

Wahyu 1:9

Ji, gato gum do Yohanes anato tepsu nin bi nji mo Yefun Allah bi rus-i. Ji simo Yesus Kristus tepsu nin. Men sino bi Yekwesu mo Yesus Kristus. Men sino ku sukye tepsu yu. Kapre men ku sukye o, men yo misyar Yefun nde, men simo An pe sor. Ji ki sukdu subot os ndo gato Yefun Allah fro ne. Ji ki subot suk gato Yesus Kristus ben wa kak os ne, sane anato yé but ji, ete yé gwat ji mu yé grem kem mo ef Patmos.

Wahyu 2:13

Ji jam do, nin kem mo nat gato biris bi yekwesu kem mone. Nin da kem mone, sarewo nin onyar kem pe mo Ji, nin yo misyar Ji nde. Antipas gato ben Ji bi suk-i e, ki Ji bi sukdu-i ne petok sor, ye gu an kwop. Kapre ye gu an kwop wé mo nin gwem mo nin dakai bi kota, gato biris bi yekwesu kem mone, nin yo misyar Ji dom nde.

Wahyu 2:2

Ji jam subot suk mwa gato nin ben ne. Ji jam do, nin ben nin bi suk-i, nin samok. Kapre nin ku sukye, nin misyar Ji nde, wo nin ben Ji bi suk-i pe sor. Ji jam do, nin yo kak nin mit wa ye gato ben sukibit bu ne nde. Ji jam do, nin watbot yé bok yo gato ki do, án sa, Yefun Allah bes án gum yerasul wa ben Yesus Kristus bi suk-i. Nin watbot yé bok gato ki sane sor nin jam do, yé bok ne kidar.

Wahyu 2:24

Nin deyo mo nu ari mo Tiatira sa, nin yo jammo nggon ne bi sukduno-i gato ibit ne nde. Nin yo jam sukdu gato ye kendo do, sukdu gato kru, gato biris bi yekwesu dakai kadum ne nde. Sane Ji ki sare do, Ji yo syogat nin ben suk yo o gato tepsu sukde wa nin sam ne o nde,

Wahyu 3:9

Yé bok yo gato kidar do, án tepsu ye Yahudi, sarewo Yefun yo nai án gum sok mo Yefun bi rus-i nde yo, yé bok ne jam nde Ji. Yé bok ne sok mo biris bi yekwesu bi rus-i. Bere Ji ben án ma bare án nggwa mo nin gwem. Bere án jam do, Ji anato bi sukjimnut sye kas subot nin re.

Wahyu 7:14

Ji ki do, ”Yenggras, nan dakai jam re.” Sane yenggras ne ki nai ji do, ”Yé mwa ré ku sukye ndo nde, ete án ti fro kadit sukye ne re. Ben sato yé mwa ne mus án bi san su Domba Gan dé anato án bi san ne kwo ndo re.