Wahyu 2:3 - Abun Scripture

³ Ji jam do, nin simo Ji anato nin ku sukye mone, sarewo nin ben Ji bi suk-i petok sor, nin yo misyar Ji nde, wo nin simo Ji pe sor. Suk bok ne sa, nin ben sisu ndo.

Wahyu 2:3 ပူးပေါင်းရင်းမြစ်များ

Markus 15:21

Yesukmise bok ne gwat Yefun Yesus mu kom mo os mit saresa, án ku yetu ge dik yo gato ma kadit bur Kirene. Ye ne gum do Simon, an bi gan we gum do Aleksander si Rufus. Simon ré, an ma kadit nden mu mo kota. Simon muket os ne saresa, yesukmise ne syaugat Simon sam Yefun Yesus bi kwesukwin ne.

Lukas 14:27

Ye gato bariwa ku sukye tepsu ye sam kwesukwin, ete bariwa sibot suk gato Ji ben ne yo, Ji bariwa ye ne simo Ji tepsu Ji bi pakon re.

Lukas 18:1

Orge Yefun Yesus gwat sukamno dik yo wa An duno An bi pakon, subere kamdik-kamdik pakon ne ki suk su Yefun petok sor, subere án bambraiwa ete misyar nde.

Lukas 21:19

Nin onyar kem pe mo Ji it yo, bere nin kem ndo to kapyo mato kapyo.”

Lukas 5:5

Simon ki nai An do, ”Yenggras, noru gado sor kom mo nombrak, men bare mwi ware, men yo ku boge yo mo nde. Sarewo yenggras, Nan syogat ji bare mwi o yo, ji bare mwi satu sor.”

Lukas 8:15

Mbet gro gato ges mo bur ka gato ndo anato tepsu yé gato but sukdu ne, ete án jom pe mo án mit. Yé ne onyar kwo, án bi sukjimnut ndo. Án jamwa sukdu ne pe sane sor án ben suk gato ndo. Sane sukndo gato án ben ne tepsu mbet gro gato kom sane sor i-bo mwa wai o re.”

Yohanes 15:21

Bere yé ben sukye nai nin mo gato nin sok mo Ji bi rus-i, we yé ne jam nde Yefun gato syogat Ji ma mo bur ré.

Roma 12:12

Men kwabom kam mo Yefun Allah, ete men mit at mone. Men ku sukye yo, men misyar Yefun nde, wo men eswa sukye ne or kadit men. Men ki suk su Yefun Allah petok sor.

Roma 16:12

Nin ki nai Trifena si Trifosa do, ji ki ndo mo án we. Nggon we ne samok wa ben Yefun bi suk-i. Nin ki nai Persis gato ji jimnotku do, ji ki ndo mo mom. Nggon ne dom samok wa ben Yefun bi suk-i.

Roma 2:7

Ye gato werwa ben bi suk-i ne ndo, we ye ne kwabom kam mo Yefun Allah do, bere Yefun bes án gum kok mone yo, bere Yefun un án gum mone, bere Yefun kak os wa án kem gesyos mone, bere Yefun Allah kak os wa yé ne kem ndo to kapyo mato kapyo.

Roma 8:25

Sarewo Yefun yo nai men wé kadit sukye ne nde tó yo, men kwabom kam mo An do, bere An nai men wé mone tó, men eswa sor, bere An nai men wé kadit re.

1 Korintus 13:7

an yo kibot sukibit gato ye yi ben ne nde, an nutbot ye yi su sukjimnut gato ndo; an kwabom kam mo ye yi do, bere ye ne ben bi suk-i tepsu Yefun Allah mit mone tó, an yo misyar ye yi nde, wo an bi sukjimnut sye kas subot ye yi pe sor.

1 Korintus 16:16

Sane ji kiwa nin jammo yenggras gato ben bi suk-i sane. Sane dom, yé mwa ne sino gato si men tepsu dik wa ben Yefun bi suk-i sane yo, nin jammo sor.

2 Korintus 10:15

Men yo un men dakai mo suk gato ye yi ben mo nat gato Yefun Allah fro wa an ne nde. Wo men ben suk su nin tepsu pe gato Yefun fro wa men ben suk mone. Men bi sukjimnut kem mo nin do, bere nin onyar kem mo Kristus nggi wai kadit nyim ne o re, subere men ku os wa men duno nin su Yefun bi sukdu-i mwa o et.

2 Korintus 11:23

Yé ne, Kristus bi pakwerut-i bado? Ji ré, Kristus bi pakwerut-i dom, sarewo ji ben ji bi suk-i ndo wai kadit yé mwa ne o re. (Mban! Ji ki ji bi sukdu-i ne tepsu ye gato jimgon ko ré go!) Sarewo ji samok wa ji ben suk mwa wai kadit yé bok ne o re. Ji ré anato ye sok mo sel wam bok yo mó re, mwa wai kadit án o re. Ye kwam kete is ji wam bok yo mó re, mwa wai kadit án o re. Ji ré anato ku sukye mwa wam bok yo mó re, karowa ji kwop rok. Ji ku sukye mwa wai kadit án o re.

2 Korintus 4:1

Yefun Allah dakai jimnotku men anato An bes men wa men gwat Yefun bi sukduno-i mu ki nai nje jam. Sane men misyar wokgan yo dom nde, men kibot sukdu ne petok sor.

2 Korintus 4:16

Sane men ki subot Yefun Allah bi sukdu-i gat sor, men yo misyar nde. Men da kridek ré yo nggi nde, bere ibit o re, sarewo men da gesyos sa, kamdik-kamdik nggi wokgan yo o, wokgan yo o, sane sane sor bere kom mo koirut men da gesyos nggi wai o re. Sane men kwabom dek subot sukye gato men ku ne nde.

2 Korintus 5:9

Sane anato kapre men kem mo bur ré o, men kem mo gu nim ne o, men wergat men nggwa subere men ben suk tepsu Yefun mit sor,

2 Korintus 6:5

Ye gu men e, ye but men e, ye sok men mo sel e, yé mwa sum ete maskwa ket men e, men ben suk, men kamba ndo nde noru nombrak e, men yo sem ri nde e, men yo ku sugit tep wa men git dom nde e ne, men ku sukye ndo nde go!

Galatia 6:2

Men ós yu, men sam ye yi bi kwede su an et. Sukye gato ye yi ku, men ós an su et. Men ben suk sane anato tepsu Yesus Kristus bi sukduno-i ne.

Galatia 6:9

Sane men bambrai wa men ben sukndo petok nde, men syim syu wa nde. Men misyar dom nde, men werwa sane sor, bere tepsu bi kam-i, men ku suk gato ndo kadit Yefun mone tó.

Filipi 2:16

Nin jom Yefun bi sukdu gato kak os wa men kem ndo to kapyo mato kapyo yo, nin tepsu sukru gato ji ki ne. Sane bere su kam gato Kristus satu ma mo bur ré it yo, ji mit at mo suk gato nin ben ne, we ji jam do, suk gato ji werwa ji duno nin su ne, ji yo ben yi nde, wo nin waii benbot suk gato ji duno nin su ne re.

Filipi 4:3

Sane dom, ji ndek mo Sunsugus do, ”Nan si ji ben Yefun Yesus bi suk-i sino mó re, ji onyar kem mo nan. Sane Sunsugus, ji ndekwa nan tepsu yegweswai wa nggon we ne et, we nggon we ne si ji ben suk sino, men ki sukdu subot os ndo gato Yesus Kristus kak ne nai ye yi jam re.” Sugane an we wergat nggwa wa ós ji ki subot sukdu ne. An we sor nde, wo Klemens si yetu ge bok yo ós ji ki subot sukdu ne. Yé bok gane, Yefun Allah krom án gum mo An bi Buku Yegesyos re.

Kolose 1:11

Men ki suk su Yefun subere Yefun Allah ben nin nggi su An bi suktinggi gato ndo wai ne, subere kapre nin ku sukye yo, nin misyar Yefun nde, wo nin ben Yefun bi suk-i ne sisu njep ete ndo petok sor. Nin mit at wa Yefun,

1 Tesalonika 1:3

Men ki suk su Yefun Allah, men bi Ai sa, men napawa nin, we men jam do, nin sa, nin onyar kem mo Yefun Yesus, sane anato nin ben suk gato ndo. Men jam do, nin bi sukjimnut sye kas subot ye yi neya, sane anato nin samok wa nin ben sukndo. Men jam do, nin kwabom kam mo men bi Yekwesu Yesus Kristus, sane anato nin misyar Yefun mo nde, wo nin ben An bi suk-i petok sor.

1 Tesalonika 2:9

Men bi nji, men bi nyanggon, men ki Yefun Allah bi sukdu subot os ndo gato Yesus Kristus kak ne nai nin sa, men yo ndek suk kadit nin nde, wo men samok, men wergat men nggwa wa men ben suk mwa noru nombrak subere men ku suk gato men yewa ne, subere men syogat nin syo suk nai men nde, nin dakai napawa suk mwa gato men ben ne re.

1 Tesalonika 5:12

Men bi nji, men bi nyanggon, men kiwa nin jammo ye gato samok wa duno nin. Nin jammo ye gato men bi Yekwesu Yefun Yesus bes tepsu yekwesu wa kadum os gato ndo wa nin.

2 Tesalonika 3:13

Men bi nji, men bi nyanggon, nin ben sukndo sor, nin bambrai wa nde.

2 Tesalonika 3:5

Yefun ete kak nin bi sukjimnut ne ko wai o subere nin jam sukdu sato ré do, Yefun Allah bi sukjimnut sye kas subot nin petok sor. Sane dom, Yesus Kristus ben nin nggi subere kapre nin ku sukye, nin yo misyar Yefun nde, wo nin nggiwa ben An bi suk-i petok sor.

2 Tesalonika 3:8

Men yo git ye yi bi sugit-i yi nde, wo men bi sugum wa sugit ne re. Sane men wergat men nggwa men samok noru nombrak wa men ben suk wa men ku suk gato men mitmo ne, subere men yo syimfar nin nde.

1 Timotius 4:10

Sane men samok, men wergat men dakai, men ben Yefun bi suk-i ne, we men kwabom kam mo Yefun Allah gato gesyos ne do, bere An nai men wé kadit sukye, bere An kak os wa men kem ndo to kapyo mato kapyo. Yefun Allah kak os ne wa yetu mwa ne sino mo bur ré. Wo ye gato onyar kem mo An anato ye gato kem ndo si An mo An bi nat-i ne.

1 Timotius 5:17

Yekwesu mo nu ari gato ben suk mone sisu ndo yo, men bes án gum kok, men syo suk nai án mo án bi kamba mone tep yi sor nde, wo mwa wai kadit ne et. Yekwesu gato faiya si duno nje, men bes án gum kok, men syo suk nai án wai kadit yekwesu yi ne,

Ibrani 10:36

Nin jom Yefun Allah bi sukdu-i ne pe sor, subere nin nggiwa ben suk tepsu Yefun Allah mit. Nin werwa nin ben suk tepsu Yefun Allah mit petok sor subere nin ku suk mwa gato An tom su nin ne.

Ibrani 12:1

Sane yo, men jam sukdu mwa yé subot yé gato onyar kem mo Yefun Allah ne. Yé gato onyar kem mo Yefun Allah kam nyim ne, yé mwa ne ben sato án wairi wa men, án sokwa suk gato men ben wa Yefun Allah. Sane it yo, men bare suk gato kwawa men ben Yefun Allah bi suk-i wé kadit men et. Men am sukibit gato ut mo men wé kadit men et. Sane suk mwa gato Yefun Allah fro wa men ben ne, men ben sisu men mit dik si men onyar dik et, tepsu ye kas bitanding yu mo perlombaan, ye wergat ye nggwa sisu ye mit dik si ye onyar dik subere ye kas nggi mone sor kom mo pe gato or mó.

Ibrani 13:13

Sane it yo, men mu kadit os nyim ete men ut mo os be gato Kristus kak ne et. Men ut mo An yo, men si An sino ku sukye ket kwayo-kwayo mone.

Ibrani 6:10

Yefun Allah ben An bi suk-i ri-roi petok sor. An yo mbrinket suk gato nin ben wa An nde, kwa dik yo dom nde. Suk gato nin ben wa nin ós ye Kristen yi kadit nyim neya kom more, nin ben sane, tepsu nin jimnotku Yefun Allah it anane. Yefun Allah yo mbrinket suk gato nin ben ne dom nde.

Ibrani 6:12

Men bariwa nin bambrai, wo men mit iwa nin nutbot yé gato onyar kem mo Yefun Allah, yé ne eswa suk gato Yefun Allah tom su án ne sane sor suk ne bor mó re. Nin nutbot yé gane ete nin waii ben nin bi suk-i tepsu án et.

Ibrani 6:15

Sane Abraham kem ete eswa suk gato Yefun Allah tom su an, an eswa sane sane sor, suk gato Yefun tom su an bor mone, Abraham ku it.

2 Petrus 1:6

Men jam suk mwa sor nde, wo men werwa men mewa men nggwa kadit men ben sukdaret nde. Men mewa men nggwa sor nde, wo men do ku sukye yo, men misyar Yefun nde, wo men werwa men jom An bi sukdu ne krat dom et. Men werwa men jom An bi sukdu krat mo sukye gato men ku ne sor nde, wo men werwa men ben Yefun Allah bi suk-i dom et.

Wahyu 1:9

Ji, gato gum do Yohanes anato tepsu nin bi nji mo Yefun Allah bi rus-i. Ji simo Yesus Kristus tepsu nin. Men sino bi Yekwesu mo Yesus Kristus. Men sino ku sukye tepsu yu. Kapre men ku sukye o, men yo misyar Yefun nde, men simo An pe sor. Ji ki sukdu subot os ndo gato Yefun Allah fro ne. Ji ki subot suk gato Yesus Kristus ben wa kak os ne, sane anato yé but ji, ete yé gwat ji mu yé grem kem mo ef Patmos.

Wahyu 3:10

Kapre nin ku sukye, nin misyar Ji nde, wo nin benbot Ji bi sukdu-i petok sor tepsu Ji ki ne. Sane bere kam gato yetu mwa ne sino mo bur ré iwedewe ku sukye ndo nde, bere Ji mewa nin kadit re. Bere yetu mwa ne sino ku sukye subere yé gato misyar Ji, bere bor mone.