Wahyu 2:27 - Abun Scripture

²⁷ Bere Ji ben án nggi tepsu Ji bi Ai ben Ji nggiwa jom nje, tepsu Daud krombot Ji sare do, ’Bere An ben sukye nai nje su nggarmom muk. {Nggarmom muk ne tepsu kwepu gato ye ben kadit besi.} An ben sukye nai yé mwa ne sane sor, sane yé mwa ne sino jammo An, tepsu An gwa nje su nggarmom muk ne ndo nde sato ye gwa mbem, bere mbem ne mbrur re.’

Wahyu 2:27 ပူးပေါင်းရင်းမြစ်များ

Matius 11:27

Orete Yefun Yesus ki do, ”Ji bi Ai mo gu syo suk mwa ne sino gato Ji mitmo nai Ji subere Ji tepsu Yekwesu mo Yefun Allah bi rus-i. Yefun Allah sor anato jam An bi Gan to Ji ré, yetu jam nde. Ji dakai sor anato jam Yefun Allah, Ji bi Ai, kom mo mit, yetu jam nde. Sarewo ye gato Ji iwa Ji kadum Ji bi Ai nai ne, bere ye ne jam Ji bi Ai dom.

Lukas 22:29

Sane bere Ji bes nin gum yekwesu wa jowa nje. Ji bi Ai bes Ji gum Yekwesu wa jowa An bi rus-i, sane Ji waii bes nin gum yekwesu dom.

Yohanes 17:24

Ji bi Ai, Nan syo Ji bi pakon nai Ji re. Ji iwa án si Ji kem mo nat gato bere Ji kem mone, subere án me do Ji anato gum kok sye wai o re. Nan yo ut bur ré nde tó, Nan bi sukjimnut sye kas subot Ji, Nan bes Ji gum kok sye wé re.

Wahyu 12:5

Orete nggon kem su pa yebris. Naga yo kuk pa ne nde, wo malaikat ge dik yo ma nai pa kekro wé kadit naga, ete gwat mu mo Yefun Allah mo An bi kursi sye ne. Pa ne bere jom yetu wis mwa ne sino mo bur ré. Pa ne ben sukye nai nje su nggarmom muk (gato besi ne) sane sor yetu mo bur ré iwedewe ne sino jammo An sor.

Wahyu 19:15

Nyom gato ot de we syesyar kadit An syokwet. Bere An ben sukye nai nje mo bur ré iwedewe su nyom ne. Bere An ben sukye nai nje su nggarmom muk sane sor yé mwa ne sino jammo An petok sor. An gwat os wa Yefun Allah gato nggi wai ne bi sukmaskwa bor mo bur ré. An ben yetu mwa dé sye, tepsu ye yakos anggur bo, bere i-rom ne syesyar re.