Wahyu 2:21 - Abun Scripture

²¹ Ji kewa nggon ne kwet kadit os ibit gato mom gwat ne ware, mom bari re, wo mom da bro wa yebris pe sor.

Wahyu 2:21 ပူးပေါင်းရင်းမြစ်များ

Roma 9:22

Yefun Allah ben An bi suk-i tepsu An dakai bi sukjimnut-i ne sor. Yefun Allah da iwa kadum An bi sukmaskwa si An bi suktinggi nai nje syen sukibit gato yé ben ne, sarewo Yefun Allah eswa yei, An yo ben sukye ne nai nje kekro nde. Ye gato bere ku An bi sukmaskwa ne, An yo ben ibit nde yei, wo An ben An bi suk-i tepsu bi kam-i gato An fro wa ne sor.

1 Petrus 3:20

Yekridek da gesyos anato ye gato kem mo bur ré suga nyim tuya Nowak ut kwem sye ne. Sugane yé mwa ne bariwa jammo Yefun Allah, sarewo Yefun Allah kem kret án sane sor án kwet ete án onyar brek ma kem mo Yefun ware, án bari re. Sane yé mwa ne rap mo syur sye, wo Yefun Allah kak os wa yetu ge munggwo sor ete sok mo kwem sye mit ne, ye ge munggwo mbau kadit syur syé gato sye ne.

2 Petrus 3:15

Men nut do, men bi Yekwesu Yefun Yesus yo ma kekro nde, we Yefun eswa yei, subere yetu ge bok yo o ku os wa brek kadit os ibit, ete jammo Yefun Yesus subere án kem ndo to kapyo mato kapyo mo Yefun Allah bi nat-i. Men bi nji, Paulus gato men jimnotku ne krom bi sukdu-i digane dom re. Yefun Allah kak Paulus bi sukjimnut ko anato Paulus krom sukdu ne.

2 Petrus 3:9

Yetu ge bok yo nut do, suk gato Yefun Allah tom ne, An yo benbot kekro nde. Sarewo Yefun yo ben bi suk-i yó nde, wo An yo ma kekro nde, we An eswa men yetu kwet kadit sukibit gato men ben ne, ete men jammo An. An bariwa men yetu ge dik yo ges mo bot gesyos dom nde.

Wahyu 16:11

Án dufo mo Yefun Allah gato mo gu ne gum mo kos sye e, wip mok sye e, sukye bok gato án ku e ne, sarewo án bariwa án kwet kadit sukibit gato án ben ne re.

Wahyu 16:9

Kam yor gat nggi sane sor git yetu da napyo nggom re. Yetu jam do, Yefun Allah anato nggiwa was sukye gato yé ku ne wé. Sane yé dufo mo Yefun gum tepsu sukye ne. Yetu da ku sukye mo sukibit gato án ben ne, sarewo yetu bariwa kwet kadit sukibit ne. Án bariwa bes Yefun Allah gum kok dom re.