Wahyu 2:19 - Abun Scripture

¹⁹ Ji jam subot suk mwa gato nin ben ne. Ji jam do, nin bi sukjimnut sye kas subot yu e, nin onyar kem mo Yefun e, nin ós ye gato yewa suk e; kapre nin ku sukye, nin misyar Yefun nde, wo nin jom An bi sukdu-i ne krat sor. Ji jam do, su ré, nin ben suk sane mwa wai kadit suk gato nin ben su ketke nin onyar kem mo Ji ne o re.

Wahyu 2:19 ပူးပေါင်းရင်းမြစ်များ

Lukas 1:23

Zakaria ben an bi suk mo Yefun Allah bi nu gato an bi yesu syogat an ben ne or sa, an satu mo an bi nu re.

Yohanes 15:2

Ji bi Ai tot kwe anggur guk gato yo bo mo nde ne wé. Ji bi Ai me i-guk gato bo mó yo, An mbron i-nat napyo wé, subere i-guk ne ndo wa bo mwa o.

Kolose 3:14

Nin benbot suk mwa gare anato ndo, wo kwa gato ndo wai anato nin bi sukjimnut sye kas subot yu. Nin bi sukjimnut sye kas subot yu mo suk mwa ne yo, bere nin tepsu dik, kwa yo gato nin ben tara kadit yu mo nde.

1 Tesalonika 3:6

Su ré Timotius satu ma more re. An ma ki nai men do, nin onyar kem mo Yesus Kristus tó, nin bi sukjimnut sye kas subot yu tó, sane men mit iwa sukdu ne. An ki o do, nin jimnotbot men ndo nde. An ki do, nin mit iwa ku men, tepsu men dom, men mit iwa ku nin.

2 Tesalonika 1:3

Men bi nji, men bi nyanggon, men jam sukdu do, nin onyar kem mo Kristus nggi wai kadit nyim neya o re. Sane men ki ndo mo Yefun Allah mone. Sane dom, nin bi sukjimnut sye kas subot yu sye wai kadit nyim ne o re, sane men ki ndo mo Yefun Allah noru nombrak sor.

1 Timotius 1:5

Sane ji ki do, nan syaugat yé bok ne kem not, subere men sino bi sukjimnut sye kas subot yu, men yo maskwa yu o nde. Men onyar kwo e, men nai sukjimnut gato ndo mo men mit e, men onyar kem mo Yefun Yesus sisu sangge e ne yo, bere men bi sukjimnut sye kas subot yu.

1 Petrus 4:8

Kwa gato ndo wai anato nin bi sukjimnut sye kas subot yu, nin mewa yu sisu nin mit dik si nin onyar dik et. Nin ben sane, we nin bi sukjimnut sye do kas subot yu it yo, bere nin yo nutbot sukibit mwa gato nin ben nai yu ne o nde.

2 Petrus 1:7

Men ben Yefun Allah bi suk-i sor nde, wo men werwa men jimnotku Yefun bi yetuge-i tepsu yedik jimnotku yu dom et. Men jimnotku Yefun bi yetuge-i tepsu yedik jimnotku yu ne sor nde, wo men werwa men jimnotku yé mwa ne sino dom et.

2 Petrus 3:18

Men bi Yekwesu Yesus Kristus gato nai men kadit sukye ete jowa men yetu ne, An ben sukndo su men yetu dakai yi. Sane nin dom ben nin bi suk-i ne ndo mwa wai o kadit nyim ne sor. Nin jam Yesus Kristus sisu ndo o et. Men bes An gum kok su ré sor to kapyo mato kapyo. Sangge.

Wahyu 2:13

Ji jam do, nin kem mo nat gato biris bi yekwesu kem mone. Nin da kem mone, sarewo nin onyar kem pe mo Ji, nin yo misyar Ji nde. Antipas gato ben Ji bi suk-i e, ki Ji bi sukdu-i ne petok sor, ye gu an kwop. Kapre ye gu an kwop wé mo nin gwem mo nin dakai bi kota, gato biris bi yekwesu kem mone, nin yo misyar Ji dom nde.

Wahyu 2:9

Ji jam do, nin ku sukye, nin yewa suk, sarewo Yefun syo suk mwa wa nin da gesyos ne mó re. Ye Yahudi bok yo ki do, án sa, Yefun nai án gum sok mo Yefun bi rus-i. Án ma ki nin gum ibit ket kwayo-kwayo. Ji jam sukibit gato án kiket nin su ne o re. Yé bok ne jam nde Yefun, wo yé gato ben bi suk-i sane sok mo biris bi yekwesu bi rus-i ne sor re.