Wahyu 2:18 - Abun Scripture

¹⁸ Yefun Allah bi Gan ki nai ji do, ”Nan krom sukdu wa malaikat gato mewa yé gato onyar kem mo Yefun Yesus mo nu ari mo kota Tiatira sare do: Yefun Allah bi Gan gato gro gan ru tepsu bot ru, Yefun Allah bi Gan gato gwes tak rup-rek tepsu tembaga gato ye kon ete nggri su san det sane sor nggren ne bi sukdu-i anare:

Wahyu 2:18 ပူးပေါင်းရင်းမြစ်များ

Matius 17:5

Petrus ki suk saresa, duk gato rer-rik is ma kewa án sino, ete án jam Yefun Allah ki sukdu kadit duk mit ne do, ”Ji bi Gan gato Ji jimnotku anare. Suk gato An ben ne Ji mit iwa. Nin jammo An ne sor.”

Matius 27:54

Sane ye Roma bi yesukmise si bi yesu gato mewa Yefun Yesus me sui juwai bur si suk mwa gato bor mone sa, án nyu ndo nde, án yeket, ete án ki do, ”Sangge, Ye ré anato Yefun Allah bi Gan sor.”

Matius 3:17

Orete yé mwa ne jam Yefun Allah ki sukdu kadit gu nim ne sare do, ”Ji dakai bi Gan anare. Ji bi sukjimnut sye kas subot An. Ji mit iwa An ndo nde.”

Lukas 1:35

Malaikat ne ki do, ”Bere Yefun Allah Gen ma mo nan. Bere Yefun Allah Gen bi suktinggi ben nan, subere nan ku Pa. Bere nan ku Pa gato yé kendo do Yefun Allah bi Gan. Pa ne Yefun Allah fro dor wa ben Yefun bi suk-i sor re.

Yohanes 1:14

Sukdu ne ma mo bur ré ka tepsu yetu re. An ma si men kem mo bur ré sino. An ben sukndo mwa yé su men dakai yi. An kadum Yefun Allah wa men jam sisu sangge. Men dakai me su men gro do, An gum kok sye wai o re. Yefun Allah anato An bi Ai, Yefun Allah bi Gan ge dik ne sor re, anato Yefun Allah bes An gum kok sye wai. {An anato Yefun Yesus.}

Yohanes 1:49

Natanael ki do, ”Yeguru, Nan anato Yefun Allah bi Gan, sangge, Nan anato ye Israel bi Yekwesu.”

Yohanes 10:36

Sane Ji anato yefun digane dom. Ji anato yefun sor nde, wo Ji anato Yefun Allah bi Gan gato Yefun Allah bes ete syogat ma mo bur ré re. Sane ben sa u anato nin ki do, Ji kiket Yefun Allah gum ibit mone ne? Ji ki sukdu ne sangge sor.

Yohanes 3:16

Yefun Allah bi sukjimnut sye kas subot men yetu mo bur ré ndo nde anato An syo An bi Gan ge dik ne ma. An bi Gan ne ma wa kwop win men mo sukibit gato men ben ne, subere ye to onyar kem mo An bi Gan yo, bere ye ne yo ges mo bot gesyos nde, wo ye ne si Yefun Allah kem ndo to kapyo mato kapyo.

Yohanes 3:18

Ye to onyar kem mo An bi Gan yo, ye ne yo ku sukye mo bot gesyos nde. Sarewo ye to yo onyar kem mo An bi Gan nde yo, ye ne gum sok mo ye gato bere ges mo bot gesyos it, we ye ne yo onyar kem mo Yefun Allah bi Gan ge dik ne nde.

Yohanes 5:25

Suk gato Ji ki ré suksangge anare, Ji bi sukdu ne karowa bor it. Karowa o nde, wo bor it anare. Bere yekwop jam Yefun Allah bi Gan to Ji ré ké. Ye gato jam Ji ké ne yo, ye ne mbau satu.

Suk Gato Yerasul Ben Ne 16:14

Nggon ge dik yo gato si men nuk sukdu ne gum do Lidia. Mom ma kadit kota Tiatira. Mom so san gato sugum sye. Kamdik-kamdik Lidia jammo Yefun Allah petok sor. Sane Yefun Allah kak mom bi sukjimnut mo sukdu gato Paulus ki ne anato mom onyar kem mo sukdu ne.

Suk Gato Yerasul Ben Ne 8:36

Yepasye ne si Filipus simo kwem muket os mit saresa, an we ma kom mo pe gato syur ok mó. Sane yepasye ne ki do, ”Syur anare, nan ras ji mo syur ré et, suk yo yawa nan ras ji mo syur ré bado?” [

Roma 1:4

Sarewo Pa ne tepsu yetu sor nde, wo Pa ne anato Yefun Allah bi Gan, men jam rer mo gato Yefun Allah Gen ben Pa ne nggi wai kadit sukkwop, Yefun Allah Gen sun Pa ne kadit sukkwop o re.

Roma 8:32

Yefun Allah yo nai An dakai bi Gan wé kadit sukye nde, wo Yefun Allah syo An bi Gan ma kwop win men yetu sino. Yefun Allah dakai syo An bi Gan ma wa men yi, sane bere An dakai syo suk mwa neya yi nai men dom, fe!

Wahyu 1:11

Ji jam ye ne ki sukdu sare do, ”Suk gato bere nan sokme ne yo, nan krombot mo buku. Orete nan syo buku ne nai yé gato onyar kem mo Yefun Yesus mo nu ari mo kota Efesus e, Smirna e, Pergamus e, Tiatira e, Sardis e, Filadelfia si Laodikia ne et.”

Wahyu 2:1

Yefun Allah bi Gan ki nai ji do, ”Nan krom sukdu wa malaikat gato mewa yé gato onyar kem mo Yefun Yesus mo nu ari mo kota Efesus sare do: Ji gato jom bí mufit mo Ji syim ge, ete mubot suk gato ka sa dem sor gato ye dum sukru bo mufit mone, Ji bi sukdu-i sare do:

Wahyu 2:24

Nin deyo mo nu ari mo Tiatira sa, nin yo jammo nggon ne bi sukduno-i gato ibit ne nde. Nin yo jam sukdu gato ye kendo do, sukdu gato kru, gato biris bi yekwesu dakai kadum ne nde. Sane Ji ki sare do, Ji yo syogat nin ben suk yo o gato tepsu sukde wa nin sam ne o nde,