Wahyu 2:17 - Abun Scripture

¹⁷ Sane nin brek nin dabe muya-muma kadit nde, wo nin jammo sukdu gato Yefun Allah Gen ki nai yé gato onyar kem mo Yefun Yesus mo nu ari ne et. Yé gato nggi wai kadit bur ré bi suk-i yo, bere Ji syo sugit gato ye kendo gum do, ’manna’ ne napyo nai án git. Sugit ne yo bor wa yé mwa jam nde, wo tepsu suga nyim tuya Yefun syo manna nai ye Israel wa án kem mo bur ré, bere Ji syo manna nai yé gato nggi wai kadit bur ré bi suk-i subere yé ne nggiwa simo Yefun bi os-i pe sor. Sane dom, bere Ji syo jok kwo dik yo nai án. Mo jok ne ye krom gum be mó, wo yé gato ku jok ne sor ete jam gum gato ye krom mone.”

Wahyu 2:17 ပူးပေါင်းရင်းမြစ်များ

Matius 13:11

Yefun Yesus ki do, ”Sukdu gato Yefun Allah gurik suga nyim subot os ndo gato bere Yefun Allah fro wa yetu sok mo An bi rus-i ne, Yefun Allah tarubot Ji, subere Ji ki rer wa nin dakai jam kom mo mit, sarewo ye yi neya yo jam sukdu ne rer kom mo mit nde tó.

Markus 7:16

Sane nin brek nin dabe muya-muma kadit nde, wo nin jammo Ji bi sukdu ré sor!]”

Yohanes 4:32

Sarewo Yefun Yesus ki nai pakon ne do, ”Ji git sugit deyo gato nin jam nde re.”

1 Korintus 2:14

Yé gato Yefun Allah Gen yo bok nggwa mo nde yo, yé ne yo ku os wa jammo sukdu gato Yefun Allah Gen kadum nai án nde. Ye gato sane jam nde ware, án nut do, men ki sukdu dakai daret kaii, we Yefun Allah Gen yo kem mo án mit nde.

Kolose 3:3

we ben sato nin kwop kadit bur ré bi suk-i it. Ben sato nin si Kristus kem mo gu si Yefun Allah.

Wahyu 14:3

Yetu ge 144.000 ti mo Yefun Allah bi kursi ne gwem. Suge at si yenggras ge musyu we sop at ne sino ti mo kursi gwem ne dom. Yetu ge 144.000 ti mone ba sukbadek dobe. Yetu mwa ne sor ete jam ba sukbadek ne, ye yi yo nggiwa jam sukbadek ne nde. Yetu mwa ne anato yetu mo bur ré gato Yesus Kristus tot suktot mo sukibit gato án ben ne wé re ne.

Wahyu 19:16

Mo An bi san gato kewa An gwes muk ne, ye krom An gum sare do, ”Yeraja ré gum kok wai kadit yeraja mwa neya o re. Yekwesu ré gum kok wai o kadit yekwesu mwa neya o re.”

Wahyu 2:11

Sane nin brek nin dabe muya-muma kadit nde, wo nin jammo sukdu gato Yefun Allah Gen ki nai yé gato onyar kem mo Yefun Yesus mo nu ari ne et. Yé gato nggi wai kadit bur ré bi suk-i yo, bere sukkwop wam kedowe yo tok án nde, án yo kwop to kapyo mato kapyo nde.”

Wahyu 2:7

Sane nin brek nin dabe muya-muma kadit nde, wo nin jammo sukdu gato Yefun Allah Gen ki nai yé gato onyar kem mo Yefun Yesus mo nu ari ne et. Yé gato nggi wai kadit bur ré bi suk-i yo, bere Ji kak os wa án mu nai kwebo gato ben yetu kem gesyos wa án git. Kwe ne kom mo Yefun Allah bi nat-i gato ndo.”

Wahyu 3:22

Sane nin brek nin dabe muya-muma kadit nde, wo nin jammo sukdu gato Yefun Allah Gen ki nai yé gato onyar kem mo Yefun Yesus mo nu ari ne et.”

Wahyu 3:6

Sane nin brek nin dabe muya-muma kadit nde, wo nin jammo sukdu gato Yefun Allah Gen ki nai yé gato onyar kem mo Yefun Yesus mo nu ari ne et.”