Wahyu 18:8 - Abun Scripture

⁸ Sane kam no dik sor, ete án ku sukye bok yo sato: yé kwop suki e, yé wo nderku nggwa e, yé ku sukonde sye e ne. Yefun Allah gato gum Yekwesu gato kok wai ne, bere An fro os wa syo sukye nai nje mo kota ne. Bere Yefun syo bot git kota ne si bi nje ne wé or re.”

Wahyu 18:8 ပူးပေါင်းရင်းမြစ်များ

1 Korintus 10:22

Men fros Yefun bi os-i si biris bi rus-i sato yerom e, aboksye e ne bi os-i sane yo, bere men ben Yefun maskwa men mone o re. Men iwa men ben An maskwa mone bado? Men anato nggi wai kadit An anato men dakai ben An maskwa mone bado?

Wahyu 11:17

Yenggras ne ki do, ”Yefun Allah o, men ki ndo mo Nan, men bi Yekwesu, Yefun Allah, Nan nggi wai o re. Nan sa, kadit ketke ne mó, su ré ne mó tó, men ki ndo mo Nan, we su ré Nan kadum Nan bi suktinggi nai men, Nan jowa men yetu mo bur ré it anare.

Wahyu 17:16

Suge doketke si yeraja musyu dik gato nan sokme ne bere bariket nggon gato ben siri mwa ne. Bere án sino nai nggon ne bi suk mwa or wé kadit nggon ne, sane sor nggon ne kawarun. Bere án git nggon ne ku, ete syo bot git mom mukri ne wé.

Wahyu 17:18

Nggon gato nan sokme anato tepsu kota sye gato nggi. Ben sato kota ne jom yeraja bok ne sino mo bur ré re.”

Wahyu 18:17

Sarewo kom mo jam dik sane sor, suk mwa ne ibit or re.” Yesu mo kapal e, ye gato simo kapal e, ye gato gwat kapal ne si ye gato gwat bi suk su kapal mu wa so mo ye yi ne sino ti ko kadit kota ne.

Wahyu 18:19

Bere án wo, án nderku nggwa, án nutbot ndo nde sane sor án krer bofuf mo án su, ete án saiye do, ”Kamapa! Yé mo kota Babel gato ye bes gum kok ku sukye ndo nde! Yé mwa gato bi kapal ma mo kota ne, ete ku suk mwa mo kota ne. Sarewo kom mo jam dik sane sor, kota ne ibit or re.”

Wahyu 19:3

Orete yetu mwa mo gu ne saiye wam dik yo o sare do, ”Men un Yefun Allah et. Bot gato git kota ne bu it mu mo gu to kapyo mato kapyo.”