Wahyu 17:9 - Abun Scripture

⁹ Yé gato bi sukjimnut ko bere jam sukdu subot suge ne rer re. Suge su mufit ne tepsu bobuk mufit gato nggon ne kem mó. Suge su mufit ne tepsu yeraja ge mufit dom.

Wahyu 17:9 ပူးပေါင်းရင်းမြစ်များ

Matius 13:11

Yefun Yesus ki do, ”Sukdu gato Yefun Allah gurik suga nyim subot os ndo gato bere Yefun Allah fro wa yetu sok mo An bi rus-i ne, Yefun Allah tarubot Ji, subere Ji ki rer wa nin dakai jam kom mo mit, sarewo ye yi neya yo jam sukdu ne rer kom mo mit nde tó.

Matius 24:15

Yefun Yesus ki o do, ”Bere su kam sari ne ma nin me yetu ge dik yo ma mo Yefun Allah bi nu, ete an sok mo Yefun Allah bi gumwak fo mo Yefun bi nu mit. Ye ne, an mise teker, ete an gwat suk yo ma mone gato ben gumwak fo ne ibit, bere Yefun Allah bariwa gumwak ne or re. (Nin yé mwa ne sino gato baca sukdu gare, nin nutbot bi sukjimnut sisu ndo et.) Yenabi Daniel anato krom sukdu subot sukdu ne.

Wahyu 13:1

Orete ji sokme suge krok ge dik yo gato sye. Suge ne syesyar kadit sem ma nden. Suge ne su mufit mó. Suge ne suti musyu dik mó. Mo an suti musyu dik ne sino yekwesu bi topi mó. Mo an su mufit ne sino ye krom gumyo-gumyo gato bi sukjimnut wa kabor Yefun Allah gum.

Wahyu 13:18

Ye gato bi sukjimnut ko bere jam suge doketke ne gum bi nomor. Suge doketke ne gum bi nomor tepsu yetu ge dik yo gum. Sane ye gato jam suk mwa it yo, an nutbot suge doketke ne gum bi nomor bi sukjimnut et. Huruf mwa ne sino mo suge doketke ne gum ye krom bi nomor mó, orete yo, ye sum nomor bok ne sino tepsu dik, ye newa sino kom mo wotin mat, musyu mat, sop mat: 666.

Wahyu 17:18

Nggon gato nan sokme anato tepsu kota sye gato nggi. Ben sato kota ne jom yeraja bok ne sino mo bur ré re.”

Wahyu 17:3

Orete Yefun Allah Gen pet mo ji, ete malaikat ne gwat ji mu mo nat gato kwe yo kom mo nde. Mone ji sokme nggon ge dik yo kem mo suge doketke gato kaim er te ne yu. Suge ne su mufit, suti musyu dik mó. Mo suge ne kaim ye krom gum bok yo mó. Sukdu gato ye krom mo suge kaim ne sino bi sukjimnut wa kabor Yefun Allah.

Wahyu 17:7

Orete malaikat gane ki nai ji do, ”Nan yeket wa suma ne? Nggon ne si suge doketke gato su mufit si suti musyu dik ne, nggon ne it mo suge ne yu ete mu sino. Suga nyim ye gurik sukdu subot nggon ne si suge ne, sarewo ré yo, ji ki rer nai nan jam it.